नेकपा एसले दियो अष्टलक्ष्मी र भिमलाई २ दिने अल्टीमेटम

नेकपा एमाले विभाजन गरेर बनेको नेकपा एकिकृत समाजवादी पार्टीले वाग्मती प्रदेशकी मुख्यमन्त्री अष्टलक्ष्मी शाक्य र प्रदेश नम्बर १ का मुख्यमन्त्री भिम आचार्यलाई एमालेमै बस्ने की नेकपा एसमा आउँने छिटो छिनोफानो गर्न भनेको छ ।

निर्वाचन आयोगले अब एक हप्ता भित्र प्रदेश र स्थानीय तहका जनप्रतिनिधीहरुले पार्टी रोज्न पाउँने निर्णय गरे सँर्ग नेकपा एसले शाक्य र आचार्यलाई २ दिन भित्र कित्ता क्लियर गर्न अल्टीमेटम दिएको छ । एमालेमै बस्ने हो भने मुख्यमन्त्री बाट हटाउँने सन्देश पनि नेकपा एसले दिएको छ ।

ओटीभी नेपालको सम्पर्कमा आएका नेकपा एसका एक नेताले पार्टीको आन्तरिक सर्कुलर नै उहाँहरुलाई २ दिन भित्र एमाले रोज्नेकी एकिकृत समजावादी आउँने छिनोफानो गर्नुस् भन्ने रहेको बताए । दुई दिन भित्र डिसिजन नदिएका पार्टीले आफ्नो निर्णय गरेर अघि बढ्ने उनले बताए ।

केहि दिन अघि मात्रै प्रदेश नम्बर १ का मुख्यमन्त्री बनेका भिम आचार्यले आफुले जसरी पनि बहुमत पुर्याउँने बचन पार्टी अध्यक्ष केपी ओलीलाई दिएका थिए । अहिले आचार्य जसरी भए पनि प्रदेशसभामा बहुमत पुर्याउँने कसरतमा लागेमा छन् । यस अघि माधव समूहमा लागेका नेताहरुलाई धमाधम मन्त्री बनाउँन थालेको छन् ।

वाग्मती प्रदेशकी मुख्यमन्त्री अष्टलक्ष्मी शाक्यले भने पद जोगाउँको लागी कुनै पनि हालतमा माधव नेपालको पार्टीमा नजाने सार्वजनिक रुपमानै बताइसकेकी छिन् । आफ्नो लागी मुख्यमन्त्रीको पद भन्दा ठूलो कुरा एमालेको पार्टी भएको भन्दै शाक्यले आफ्नो कित्ता स्पष्ट पारेकी छिन् ।

भदौ १ गते आफ्नै अध्यक्षतामा माधव नेपालले नेपाल कम्युनिस्ट पार्टी (एकीकृत समाजवादी) गठन गरे र निर्वाचन आयोगमा दर्ता गराए। तर, नेपालले मरिमेटेर साथ दिए पनि शाक्य र आचार्य दुवैले उनलाई साथ दिएनन्। बरु नेपालको साथ छाडेसँगै उनीहरु दुवैलाई मुख्यमन्त्री बन्ने अवसर आयो। शाक्यले भदौ २ गते र आचार्यले भदौ १० गते मुख्यमन्त्रीको शपथ लिएका थिए ।

प्रदेश १ मा ९३ सदस्यीय प्रदेश सभा छ। जहाँ सरकार बनाउन ४७ मत चाहिन्छ। सभामुखसहित एमालेका ५१ सांसद छन्। पहिले नेपाल पक्षका २० सांसद थिए। दल विभाजन भएपछि भने नेपालको पार्टीमा आउने सांसदको संख्या निश्चित छैन। यद्यपि, आइतबार दिउँसोसम्मको अवस्थालाई हेर्दा सो प्रदेशबाट नेता नेपालको नयाँ पार्टीमा १० जना प्रदेश सांसद खुलिसकेका छन्।

बागमती प्रदेशकी मुख्यमन्त्री अष्टलक्ष्मी शाक्य पनि अल्पमतमा परिसकेकी छन्। १ सय ९ सदस्यीय प्रदेश सभामा एमाले एक्लैको ५५ सांसद छन्। त्यसमा माधव नेपाल पक्षमा २० सांसद थिए।नयाँ दल बनाएपछि नेपाल पक्षमा जम्मा १३ जना मात्र खुलेका छन्। यही संख्या पनि शाक्यलाई हटाउन पर्याप्त छ।