झलनाथ खनालले उपचारको बाहनामा डबल रकम झ्वाम् पारेको आशंका !

नेकपा एमाले विभाजन गरेर बनेको नेकपा एकिकृत समाजवादीका वरिष्ठ नेता झलनाथ खनाल हिजो मात्रै इण्डीयाको राजधानी दिल्लीमा मृगौला प्रत्यारोपण गराएर नेपाल फर्र्किएका छन् । खनालले मृगौला मात्रै फेरेनन् पार्टी पनि फेरेर इण्डीयाबाट नेपाल फर्किएका छन् ।

उपचार गर्न दिल्ली उड्दा खनाल नेकपा एमालेको वरिष्ठ नेता रहेका थिए भने उपचार गरेर नेपाल फर्कदा उतै बाट पार्टी परित्याग गरेर नेकपा एसको वरिष्ठ नेता बनेर नेपाल फर्किएका छन् । खनाल फर्किए सँग उनको उपचार खर्चका बारेमा विभिन्न आशंका सुरु भएको छ ।

नेपाल टेक्ने वित्तीकै उनले आफ्नो उपचार खर्च व्यहोरेकोमा तत्कालिन प्रधानमन्त्री केपी ओली र वर्तमान प्रधानमन्त्री शेरबहादुर देउवालाई धन्यवाद दिए । खनालले ओली र देउवालाई मात्रै धन्यवाद दिएनन् विवादास्पद व्यापारी ल्हारक्याल लामा लाई पनि धन्यवाद दिए , उपचारको क्रममा आफु सँगै बसेर हेरचाह गरेको भन्दै खनालले लामालाई सम्झीए ।

खनालको सम्पुर्ण उपचार खर्च नेपाल सरकारले गर्ने निर्णय गरेको छ । तर विवादास्पद व्यापारी लामा खनालको उपचारमा सँगै किन बसे भन्ने चासो अहिले उठको छ । खनालको सबै उपचार खर्च नै त कतै लामाले त गरेनन् ? नेपाल सरकार बाट पनि खाने लामा बाट पनि खाने दाउ त खनालले गरेनन् भन्ने आशंका सुरु भएको छ ।

यस अघि पनि हाइ प्रोफाइल नेताहरुले उपचारको बाहनामा राज्यकोष बाट मोटो रकम लिने अनि व्यापारी बाट उपचार गराउँने गरेको व्यापक हल्ला चल्ने गरेको थियो । कति सम्म भने हस्पिटलको बिल बढाएर खाने सम्मको काम नेताहरुले गर्दै आइरहेका थिए । विरामी हुने भनेको उनीहरुलाइै दशै आए जस्तै हुने सम्मको चर्चा चल्छ ।

झलनाथ खनाल आर्थिक मामलामा सँधैभरि विवादमा पर्ने नेता हुन् । सर्प पाल्न ७२ करोड लिने बेलामा होस् या उपचार खर्चका लागी राज्य कोष बाट करोडौ लिने बेलमा उनी विवादमा परिनैरहे । ल्हारक्याल लामालाई बोकेर हिँडे सँगै उनी फेरी एक पटक विवादमा परेका छन् । लामा तिनै मान्छे हुन् जसलाई खनालले आफु प्रधानमन्त्री भएका बेला अर्थराज्यमन्त्री बनाएका थिए ।

एमालेको वरिष्ठ नेताका रूपमा दिल्ली गएका खनाल मिर्गौला प्रत्यारोपण गरेर फर्किँदा नेकपा एसको वरिष्ठ नेता बनिसकेका थिए । उनले विमानस्थलमै माधव नेपालसहितका नेताहरू राखेर गरेको पत्रकार सम्मेलनमा डा ल्हारक्याल लामालाई सम्झिए ।

खनालको विज्ञप्तिमा भनिएको छ, ‘म सँगसँगै एपोलो हस्पिटल पुगेर मेरो उपचारमा विशेष सहयोग गर्नुहुने डा। ल्हारक्याललाई लामालाई पनि विशेष धन्यवाद दिन चाहान्छु ।’

खनाल पहिलोपटक दिल्लीमा उपचारका लागि जाँदा लामा एक महिना उतै बसेका थिए । दोस्रोपटक यसपाली लैजान पनि ३४ दिनसम्म उनी दिल्लीमा थिए । पछिल्लो राजनीतिक घटनाक्रमपछि उनी नेपाल फर्किएका हुन् ।

स्रोतका अनुसार खनालको उपचारको व्यवस्थापनमा सघाउन प्रचण्डले डा। लामालाई आग्रह गरेका थिए । प्रचण्डले भनेरै उनी खनालको उपचारको प्रबन्ध मिलाउन पहिले नै दिल्ली गएका थिए ।

धेरैले बिर्सिसकेका र नयाँ पुस्ताले थाहा नपाएका ल्हारक्याल लामा अहिले नेकपा माओवादी केन्द्रसँग छन् । उनी माओवादी अध्यक्ष प्रचण्डका विशेष सहयोगीमात्र होइन भित्र र बाहिरका सूचना प्रचण्डसम्म पुर्‍याउने र रणनीतिक महत्वका विषयमा सहल्ला दिने हैसियतमा उनी खुमलटारको किचनसम्म पहुँच राख्छन् ।

झलनाथ खनालसँग भने उनको पुरानो र विशेष सम्बन्ध छ । खनाल प्रधानमन्त्री भएका बेला डा। ल्हारक्याललाई उनले अर्थ राज्यमन्त्री बनाएका थिए । तत्कालीन अर्थमन्त्री भरतमोहन अधिकारीको अन्तर्गत उनी थिए ।

उनी दोस्रो संविधानसभा निर्वाचन अगाडि एमाले छाडेर माओवादीमा प्रवेश गरे । माओवादीबाट उनी समानुपातिकतर्फ सांसद पनि भए । सांसद भएका बेला उनलाई मुद्दा मामिलामा फसाउन खोजिएको थियो । नेकपा एकीकरणका बेला उनले प्रचण्डलाई एमालेसँग एकता गर्न नहातरिन सुझाव दिएका थिए ।

डा ल्हारक्यालको तर्क थियो ‘एमाले ब्युरोक्रेटिक संरचना भएको पार्टी हो । यसमा जति गुट भए पनि एमालेको वडा तहको कार्यकर्ताले पनि माओवादीलाई नेता मान्न चाहदैनन् । गठबन्धनबाटै अघि बढौं, केपी ओलीले धोखा दिन्छन् ।’

नेकपा एकतापछि प्रायः देश र विदेश बराबर ओहोर-दोहोर गरिरहेका उनी प्रचण्डको अन्तर्राष्ट्रिय सम्बन्ध सुधार र विस्तारमा भने क्रियाशील थिए । प्रचण्डले उनलाई बुद्धलाई मान्ने कुनै देशको राजदूत बनाउन आग्रह गरे पनि ओलीले मानेका थिएनन् ।