एमालेमा फेरी बल्झीयो विवाद, केपी ओली सहभागी कार्यक्रम बहिस्कार गर्न उर्दी

लामो समय सम्म किचलोमा गुज्रिएर दश बुँदे सहमतीको आलोकमा पुन एकताको दिशामा अघि बढेको प्रमुख प्रतिपक्षी दल नेकपा एमाले भित्र फेरी विवाद बल्झीएको छ ।

१० बुँदे सहमती अक्षरंश कार्यान्यन नगरेको र पार्टी अध्यक्ष केपी ओली एकलौटी रुपमा पेलेर अघि बढ्न खोजेको भन्दै अर्को पक्ष सशंकित बनेको छ । ओलीले मुखले मात्र सहमती गर्ने तर व्यवहारमा पुरानै पारा ल्याएको आरोप उनीहरुको छ ।

एमाले निकट पेशागत तथा प्रगतिशील कानुन व्यवसायी संगठन ९पीपीएलए० नेपालको भोलिलाई बोलाइएको भेलाले एमाले २०७५ जेठ २ गतेको अवस्थामा फर्किएको भन्ने संस्थापन पक्षको भनाईलाई गलत सावित गरिदिएको छ । पार्टी इञ्चार्ज र संस्थाका अध्यक्षको जानकारी बिना भोलि दिउँसो तुल्सीलाल स्मृति प्रतिष्ठानमा २ बजे बोलाइएको भेलाको प्रमुख अतिथि भने एमाले अध्यक्ष केपी शर्मा ओली बनाइएको छ ।

पार्टीलाई २०७५ जेठ २ गतेको अवस्थामा पुर्याइएको भनिँदा त्यसको इञ्चार्ज नेता रघुजी पन्त छन् । पीपीएलएको अध्यक्ष रुद्रप्रसाद नेपाल छन् ।तर, इञ्चार्ज र अध्यक्ष दुबैले भोलिको भेलाको बारेमा अनभिज्ञता जनाउनुले पार्टी संस्थापन पक्ष पेलेरै अघि बढ्ने ढंगले अघि बढेको बताइएको छ ।

“इञ्चार्ज पन्तले अवैधानिक भेलाबारे पार्टी महासचिव, उपमहासचिवलगायतका नेतालाई जानकारी गराए पनि उहाँहरुले कानमा तेल हालेर बस्नुभएको आरोप लगाएको छ । “

आयोजक पक्षले केन्द्रीय समितिको तर्फबाट सबै समर्थक, शुभेच्छुक र सदस्यलाई निम्तो दिएको छ । तर,पीपीएलएका अध्यक्ष नेपालले आज जारी गरेका विज्ञप्तिमा संस्थागत निर्णय नै नभएको उक्त भेलामा सहभागी नहुन सबैलाई अपिल गरिएको छ ।

‘भोलि केन्द्रीय समितिको नाममा बोलाइएको भनिएको भेला पीपीएलएको संस्थागत निर्णय विना भएकोले उक्त भेलाबारे पीपीएलएलाई संस्थागतरुपमा कुनै जानकारी नभएको व्यहोरा अनुरोध छ । पीपीएलएको एकता बचाउन चाहने कानुन व्यवसायीहरुलाई उक्त भेलामा सहभागी नहुन हार्दिक अपिल गर्दछु ।’अध्यक्ष नेपाल द्धारा जारी गरिएको विज्ञप्तीमा भनिएको छ ।

भोलिको भेलालाई संस्थाका एक जना केन्द्रीय सदस्यले अध्यक्ष ओलीले आफ्ना मान्छे प्रयोग गरेर जबर्जस्ती अघि बढाइएको गतिविधिको संज्ञा दिएका छन् । संस्थाका अध्यक्ष र पार्टीका इञ्चार्जलाई थाहा नै नहुने कस्तो भेला हो भन्दै उनले थपे ,‘अवैधानिक भेला बोलाएर स्वयम् पार्टी अध्यक्षले जेठ २ अघिको सहमतिको ठाडो उल्लंघन गर्न खोज्नुभएको छ ।’

‘
स्रोतले यसबीच इञ्चार्ज पन्तले अवैधानिक भेलाबारे पार्टी महासचिव, उपमहासचिवलगायतका नेतालाई जानकारी गराए पनि उहाँहरुले कानमा तेल हालेर बस्नुभएको आरोप लगाएको छ । इञ्चार्जले पार्टी नेतृत्वमा सबिस्तार रिपोर्टिङ गरे पनि संस्थापन पक्ष कुनै हालतमा भोलिको भेला बोलाउन लागि पर्नुले समस्या नयाँ ढंगले बल्झिने अड्कल लगाइएको छ ।