फतिमाको अगाडी देउवा लचार ,आफ्नो कुर्सी छोडेर सोफामा बसे, सिँगो देशको शिर झुक्यो

एमसीसी पास गराउँन दवाव दिने उदेश्यले नेपाल आएकी एमसीसी उपाध्यक्ष फतिमा सुमार सहितको टोलीले प्रधानमन्त्री शेरबहादुर देउवालाई भेटेका छन्।

नपाली नेताहरुको भेटघाटमा व्यस्त फतिमाले अरु नेताहरु सँग भेट्दा नेताहरु आफ्नै कर्सीमा बसेका थिए भने प्रधानमन्त्री देउवा आफ्नो कुर्सीमा नबसी अरु सँगै सोफामा बसेका थिए । देशको प्रधानमन्त्रीको यस्तो लाचारीले देशको नै शिर झुकेको भन्दै आलोचना भइरहेको छ ।

तस्बिरका देखिए अनुसार सदाझै राखीएको ठाउँमा देउवाको कुर्सी देखीँदैन फतिमा आउँनु भन्दा अघिनै कुर्सी हटाएर ठिक्क पारिएको बुझ्न सकिन्छ । कुर्सी केवल आसन मात्रै होइन पदको वजन पनि हो तर देउवाले आफन्नो कर्सीनै हटाएर फतिमा सँग बराबरीको हैसितमा बसेका छन् ।

अमेरिकी मिलेनियम च्यालेन्ज कर्पोरेसन ९एमसीसी०का उच्च अधिकारी नेपालको संसदबाट सम्झौता अनुमोदनका लागि उपयुक्त वातावण बनाउन दुई दिनदेखि लगातार सक्रिय भए पनि उनीहरूले सोचेअनुसारको वातावरण बनेको छैन ।

एमसीसी उपाध्यक्ष फातिमा सुमार नेतृत्वको टोलीले सो अनुमोदनका लागि राजनीतिक दौडधुप थाले पनि दलका नेताहरूबाट स्पष्ट जवाफ आउन नसक्दा उनीहरू आश्वस्त हुन सकेका छैनन् ।

नेपाल सरकारको प्रश्नको लिखित जवाफ दिएलगतै नेपाल भ्रमणमा आएकी उपाध्यक्ष फातिमाले दुई दिनदेखि नेताहरूसँग गम्भीर छलफल गरे पनि नेताहरू कार्यान्वयनका विषयमा भने मौन बसेका छन् । सत्तारूढ दल नेकपा माओवादी केन्द्र र समाजवादी पार्टी एमसीसी संशोधन नभई कार्यान्वयन नहुने अडानका रहिरहँदा एमसीसी उपाध्यक्ष फातिमाले संशोधन हुन नसक्ने जवाफ दिइसकेकाले कार्यान्वयनको विषय जटिल बनेको हो ।

एमाले अध्यक्ष ओलीबाट विश्वस्तता खोजेकी फातिमाले एमालेबाट विभाजित भई बनेको एकीकृत समाजवादी पार्टीका अध्यक्ष माधवकुमार नेपालसँग भेट गरिन् । सिंहदरबारमा भएको भेटमा समाजवादीका अध्यक्ष नेपालले पार्टी र गठबन्धन छलफलमा रहेको प्रतिक्रिया दिएका थिए । त्यस्तै जनता समाजवादी पार्टीका अध्यक्ष तथा संघीय परिषद् अध्यक्ष बाबुराम भट्टराईसँग उनीहरूबीच झन्डै ४५ मिनेट कुराकानी भएको थियो ।

त्यस क्रममा सुमारले सम्झौताका विवादित विषयबारे प्रस्ट पारेकी थिइन् । दुवै नेताले एमसीसीको विषयमा सकारात्मक जवाफ दिएका छन् । त्यस्तै, प्रधानमन्त्री शेरबहादुर देउवासँग एमसीसी उपाध्यक्ष फातिमाको टोलीले बालुवाटार पुगेर भेट गरेका छन् । भेटमा प्रधानमन्त्री देउवाले एमसीसी कम्प्याक्ट र नेपालको आर्थिक रूपान्तरणका सम्भावनासहित नेपाल–अमेरिका सहयोगबारे छलफल भएको बताएका छन् ।

भेटमा कानुनमन्त्री ज्ञानेन्द्रबहादुर कार्की र एमसीसीका सहउपाध्यक्ष जोनाथन ब्रक्सलगायत सहभागी थिए । फातिमा नेतृत्वको टोलीले शुक्रबार नै ऊर्जामन्त्री पम्फा भुषालसँग पनि भेट गरेको छ । टोलीले एमसीसीसँग एमसीसी कार्यान्वयनको विषयमा छलफल गरेका थिए । फातिमा नेतृत्वको टोली अझै दुई दिनसम्म नेपालमा रहनेछन् ।