प्रचण्डले एक्लो हुन्छु भनेको ३ दिन पछि ओलीले फर्काए स्वादिलो जवाफ

नेकपा माओवादी केन्द्रका अध्यक्ष पुष्पकमल दाहाल प्रचण्डले ३ दिन अघि राजधानीमा आयोजित एक कार्यक्रममा आाफु एक्लो हुन सक्ने अभिव्यक्ति दिएका थिए । प्रचण्डको उक्त अभिव्यक्तिमा एमाले अध्यक्ष ओलीले आज स्वादिलो जवाफ फर्काएका छन् ।

नेकपा एमाले काडमााडौँ जिल्ला कमिटीले आज राजधानीमा आयोजना गरेको विशेष कार्यक्रममा बोल्दै एमाले अध्यक्ष ओलीले अब प्रचण्ड पथ सकियो भनेर ठोकुवा नै गरेका छन् । प्रचण्डको मनोबल पुरै घटिसकेको भन्दै ओलीले अब प्रचण्ड एकादेशको कथा बन्ने जिकिर गरेका छन् ।

तपाईहरुले सुन्नु भएकै छ प्रचण्ड अब म एक्लो हुन्छु भन्दै हिड्या छन् उनमा कुनै आत्मविश्वासनै छैन । कहिले ४९ जना सबैलाई मन्त्री चाहिएको छ म के गरौँ भन्दै टाउकोमा हात राखेर हिड्या छन् त्यस्तो मान्छेको पछि लागेर हुन्छ सबै जना एमालेमै आउँनुस् ओलीले भनेका छन् ।

एमाले अध्यक्ष ओलीले ‘प्रचण्ड’ अब नेपालको राजनिती बाटै बिलाउँदै गएको टिप्पणी गरेका छन् । प्रचण्डलाई उडिरहेको जहाजसँग तुलना गर्दै भने, ‘प्रचण्डरूपी यत्रो जहाज उडेको, अलिक पर जाँदा विस्तारै देख्न छोडिन्छ ।’

जहाज उड्दा कति ठूलो देखीन्छ माथी माथी आकाशमा खिइँदै जाँदा विलायर जान्छ नी हो अब प्रचण्डको हालत पनि त्यस्तै हुन्छ विलाउँदै जान्छ । अब पनि प्रचण्डबाट केहि होलाकी भनेर पछि लाग्न जुरुरी छैन भ्रममा परेर पछि लागेका भविश्य भएका साथीहरु फर्कनुहोस् ओलीले भने ।

माओवादीका कार्यकर्तालाई पार्टीको कार्यकर्ता कि प्रचण्डको सेवक भन्दै एमालेमा आउन आह्वान गरे । ‘हिजो हामी नेकपा भएर एकीकृत भइसक्यौं,’ ओलीले भने, ‘तपाईंहरू पार्टीको कार्यकता हो कि प्रचण्डको घरेलु कार्यकर्ता ? प्रचण्डलाई घाँस हालेर के दिन्छन् ? मन्त्री दिन्छु भन्थे अहिले त त्यो पनि दिन छाडे । दुई महिना भइसक्यो अहिले मन्त्री पनि बनाएको छैन ।’

‘माओवादी केन्द्रमा नाममा प्रचण्डका साथमा जो हुनुहुन्छ, उहाँहरूलाई पार्टीमा फर्किन म आग्रह गर्न चाहान्छु, यो एकीकृत पार्टी हो,’ ओलीले थपे, ‘प्रचण्डलाई मैले ८-१० वटा मन्त्री त दिएको थिएँ नि, धेरै खाउँला भनेर गएको हेर त ?