अष्टलक्ष्मीको प्रस्ताव ओलीले गरे ठाडो अस्विकार अब के हुन्छ?

विभाजन बाट गुज्र्रिएको नेकपा एमालेले विभाजनको असर कम गर्दै देशभरका कार्यकर्तामा आत्मविश्वास जगाउँन देशव्यापी कार्यक्रम गरिरहेको छ ।

आज एमाले काठमाडौँ जिल्ला कमिटीले गरेको कार्यक्रमलाई पार्टी अध्यक्ष केपी ओली, उपाध्यक्ष अष्टलक्ष्मी शाक्य महासचिव इश्वर पोखरेल लगायतले सम्बोधन गरेका थिए । आजकै कार्यक्रममा उपाध्यक्ष अक्ष्टलक्ष्मी शाक्यले गरेको एउटा प्रस्ताव अध्यक्ष ओलीले ठाडै अस्विकार गरिदिएका छन् ।

आजको कार्यकर्ता प्रशिक्षण कार्यक्रममा शाक्यले माधव नेपालले लिएको बाटो सही नभएको बताएकी थिइन् । लामो समय नेपालको पक्षमा लागेकी उनी वाग्मती प्रदेशको मुख्यमन्त्री बन्नु केही पहिला मात्रै ओलीको पक्षमा लागेकी थिइन् ।

कार्यकर्ता प्रशिक्षण कार्यक्रममा पनि शाक्यले माधव नेपाललाई पार्टीमा फर्कन आग्रह गरिन् । उनले मुलुकमा फुटको नभई जुटको राजनीति आवश्यक रहेको बताइन् । ‘माधव नेपाल हामी सबैको नेता हो । माधव नेपाल हाम्रो अग्रज हो र उहाँले त्यै ढंगले काम गर्दै आउनुभएको छ ।

आज आफूले त्याग गरेको, दुस्ख गरेको, समर्पण गरेको, सम्पूर्ण शक्ति, आफ्नो जीवन दिएको पार्टीलाई चटक्क त्यागेर नयाँ पार्टी गठन गरेर अनि जनमत सिर्जना गर्छु, आन्दोलन सिर्जना गर्छु भनेर भनेको कुरा सही हुन सक्दैन,

यति समीक्षा सुनाएपछि शाक्यले भनिन्, ‘म अनुरोध गर्न चाहन्छु उहाँलाई आफूले दुस्ख गरेको पार्टी, आफूले त्याग गरेको पार्टी, आफूले जन्माएको पार्टी, हामी सबै नेताहरू यसरी लागेको पार्टीमा फेरि पनि एकचोटी समीक्षा गर्नुस् । मनमनैमा समीक्षा गर्नुस् । फर्केर आउनुस् र एमालेलाई सुदृढ एमाले बनाउनको लागि तपाईंको भूमिका आवश्यकता छ ।’

आफूसँग गएको पार्टी कार्यकर्ता र नेताको पंक्तिलाई अल्मल्याएर नराख्न र एमालेमा फर्किन माधव नेपाललाई मुख्यमन्त्री तथा उपाध्यक्ष शाक्यले अनुरोध गरेकी थिइन् ।

एमाले विभाजनको डीलमा पुगेपछि वाग्मती प्रदेशको मुख्यमन्त्रीको पदमा पुगेकी शाक्य विभाजनपछि अल्पमतमा छिन् । नेपाल नेतृत्वको नेकपा (एकीकृत समाजवादी)ले मुख्यमन्त्री पदमा दाबी गरिरहेको छ र गठबन्धनका कांग्रेस र माओवादीसँग छलफल गरिरहेको छ । शाक्यलाई मुख्यमन्त्रीबाट हटाएर आफू हुनुपर्ने नेकपा (एस)को दाबी र पहल छ । यस्तो अवस्थामा शाक्यले नेपाललाई पार्टीमा फर्किन र एमालेलाई सुदृढ बनाएर अगाडि बढाउन अनुरोध गरेकी थिइन् ।

शाक्यको उक्त अनुरोधलाई अध्यक्ष केपी शर्मा ओलीले अस्वीकार गरिदिएका छन् । कार्यक्रमको अन्तिममा बोलेका ओलीले माधव नेपाललाई पार्टीमा ठाउँ नभएको भन्दै के गर्न बोलाएको हो रु भनेर प्रश्न समेत गरे । ‘हुन त केही साथीहरू अहिले पनि भन्नुहुन्छ ‘माधव कामरेड आउनुस्, तपाईंको आवश्यकता छु भनेर ।

फुटाउनलाई आवश्यकता छ अब उहाँको यहाँ ? फेरि फुटाउने ? के गर्न आवश्यकता छ माधव कामरेडको रु म त बुझ्दिनँ । केलाई आवश्यकता छ ? उनले एकपछि अर्को प्रश्न गरेर नेपालको किन आवश्यकता छ भनेको भनेर सोधेका थिए ।

नेपाल पार्टीमा रहेको बेलासम्म गुटबन्दीबाहेक केही नभएको ओलीको भनाइ थियो । उनले आफू प्रधानमन्त्री र पार्टी अध्यक्ष रहेको बेला नेपालले पार्टी र सरकारको पक्षमा एक शब्द नबोलेकोमा पनि असन्तुष्टि जनाए । प्रतिपक्षीले पनि नगर्ने विरोध नेपालले गरेको ओलीको भनाइ थियो ।

लामो समय सँगै काम गरेकाले फर्किए हुन्थ्यो भन्ने लाग्ने तर त्यस्तो मान्न छोडिदिन ओलीले सुझाए । ुलामो समय सँगै काम गरेपछि अलि माया ममता हुन्छ क्या, त्यसकारण अलिअलि लोभ लाग्छ साथीभाइको त्यो लोभ छोडिदिनुपर्छ अब । काम छैन त्यस्तो लोभको, उनले भने ।

ओलीले माधव नेपाललाई नभई उनीसँग गएका नेता र कार्यकर्ताहरूलाई भने पार्टीमा फर्किन आग्रह गरेका थिए । ‘म माधव नेपाललाई भन्दिनँ । माधव नेपालले अल्मल्याइएका, झुक्याइएका, भ्रममा पारिएका साथीहरू फर्किनुस् । कार्यकर्ता फर्किनुस् । झुक्किएका साथीहरू फर्किनुस्,’ उनको आग्रह थियो ।