माधव नेपलको पार्टीको गोप्य सुचना जब भिम रावलको कानमा पुग्यो

नेकपा एमाले विभाजन गराएर नेकापा एस पार्टीका अध्यक्ष बनेका माधव कुमार नेपलको पार्टी भित्रको गोप्य लफडा नेकपा एमालेका उपाध्यक्ष भिम रावलको कान सम्म पुगेको छ ।

एमाले उपाध्यक्ष भिम रावलले माधव नेपालले पद र कुर्र्सीकै लागी पार्टी फुटाएको दावी गर्दै अहिले को को मन्त्री बन्ने भन्ने बिषयमा हानाथाप परिरहेको र भित्र भित्रै फोहरी खेलको पराकाष्ठ चलिरहेको दावी गरेका छन् ।

उपाध्यक्ष रावलले माधव नेपाल नेतृत्वको पार्टीमा मतभेद सुरु भइसकेको दावी गरेका छन् । गृहजिल्ला अछाम पुगेका रावलले एमाले अछामको अगुवा कार्यकर्ता भेलालाई सम्बोधन गर्दै मन्त्री को भन्ने विषयलाई लिएर नेपालको पार्टीमा मतभेद सुरु भएको बताएका हुन् ।

उनले भौतिक तथा योजना मन्त्रालय लिन पनि सत्तारुढ दलबीच मतभेद रहेको बताए । उनले भने, ‘दुई महिना बितिसक्यो सरकारले पूर्णता पाएको छैन। भौतिक तथा योजना मन्त्रालय अन्तरगत सडक, खानेपानी, सिचाई हुने, ठेक्का र कमिसन बढी आउने भएकाले त्यो मन्त्रालय कसले लिने भनेर मारामार छ । सरकारले पूर्णता पाउन त छाटकाट छैन ।’

एमाले तत्कालीन नेता माधव नेपाललाई अलग पार्टी खोल्न आग्रह नगरेको र कतै नभनेको उनको दाबी छ । माधव नेपालको पार्टीले पार्टी विभाजनको औचित्य पनि पुष्टि गर्न नसक्ने रावलले ठोकुवा गरेका छन् ।

सुदुरपश्चिम प्रदेशको इन्चार्ज को भन्ने बिषयमा रावल र लेखराज भट्ट विच विवाद भइरहेका बेलामा उनले बाहिर आएजस्तो कुनै विवाद नभएको जिकिर गरेका छन् । बाहिर चलेको हल्लाहरु प्रायोजित भन्दै रावलले त्यस्ता हल्ला बाट विचलित नुहुन पनि सबैमा अनुरोध गरेको छन् ।