सीके राउतले गोप्य प्रशिक्षणमा बालेको कुरा लिक भए पछि ठूलो खैलाबैला

कुनै समय मधेशलाई छुट्टै राज्य बनाउँनु पर्छ भनेर विखण्डनकारी अभियान चलाएका डा सिके राउतले पार्टीको गोप्य प्रशिक्षणमा बोलेको कुरा बाहिर आए पछि मधेशमा ठूलो खैलाबैला मच्चीएको छ ।

सीके राउत आफैँले नेतृत्व गरेको जनमत पार्टीको प्रशिक्षणमा राउतले बोलेका कुरा साच्चै लागु हुन सक्यो भने अहिले आफुलाई मधेशको ठेकदार सम्झीएर सत्तामा हालीमुहाली गरिरहेका धेरैको खेल चौपट हुने छ ।

दुई दिन सम्म चलेको डा सीके राउत नेतृत्वको जनमत पार्टीको केन्द्रीय कार्यसमितिको विस्तारित बैठकमा डा राउतले पुरै मधेस कसरी कब्जा गर्ने भन्ने रणनीति सुनाएका थिए । राउतको यस्तो रणनिती बाहिरिए पछि उपेन्द्र यादव, महन्थ ठाकुर देखी राजेन्द्र महतो हुँदै बावुराम भट्टराई सम्मको निद हराम भएको छ ।

अलग्गै मधेस बनाउने अभियान छाडेर मूलधारको राजनीतिमा आएका जनमत पार्टीका अध्यक्ष सीके राउतले पूरै मधेसमाथि आफ्नो कब्जा जमाउने रणनीति बनाउन लागेको एक केन्द्रीय सदस्यले बताए ।

उनका अनुसार सीके राउतले मधेसमा अरु कुनै पनि दललाई प्रवेश गर्न दिन नहुने भन्दै चुनावमार्फत जनमत पार्टीलाई एक नम्बरको पार्टी बनाउनुपर्ने र पूरै मधेसमाथि कब्जा गर्नुपर्ने धारणा प्रशिक्षणमा राखेका थिए । ‘हामी स्वतन्त्र मधेसका लागि लडेर आएका थियौं, त्यो अहिलेलाई छाडेका छौं तर पार्टीमार्फत अहिले पनि मधेसमाथि कब्जा गर्न सकिन्छ,’ सीके राउतलाई उद्धृत गर्दै ती नेताले भने, ‘पूरै मधेसलाई नियन्त्रणमा लिन सकिन्छ ।’

मधेसको करिब २६ सय वडामा हाल १६ सयभन्दा बढी वडास्तरमा जनमत पार्टीको संगठन विस्तार भएको तथ्याङ्क प्रस्तुत गर्दै अध्यक्ष राउतले बाँकी एक हजार वडामा ३ महिनाभित्र संगठन निर्माण गर्न निर्देशन दिएका छन् । उनले वडास्तरमा संगठन विस्तार गर्नका लागि केन्द्रीय सदस्यहरुलाई फरक फरक जिल्लामा तीन महिनासम्म खटाउने भएका छन् ।

​‘संगठन माथिल्लो कमिटीले बलियो हुँदैन, तल्लो कमिटीले बलियो हुन्छ, सबभन्दा तल्लो कमिटी वडा कमिटी हो, वडा कमिटी जति बलियो हुन्छ, पार्टी त्यति नै बलियो हुन्छ,’ ती नेताले सीके राउतको भनाइ उद्धृत गर्दै भने ।

मधेसका हरेक जिल्लाका वडामा वडा स्तरीय कमिटी बनाउने र सोही कमिटीमार्फत तलदेखि नै कार्यक्रमहरु गर्दै आएपछि विस्तारै मधेसमाथि आफ्नो पार्टीको कब्जा हुने धारणा राखेको ती नेताले सुनाए ।

मधेस कब्जाका लागि उनले पहिलो चरणमा ‘कभरेज अभियान’ सञ्चालन गर्ने, त्यसपछि अर्को अभियान सञ्चालन गर्ने योजना सुनाए । तर दोस्रो चरणको अभियानको बारेमा उनले नखुलाएको स्रोतको भनाइ छ ।