प्रदीप ज्ञवालीले गरेको मात्र एउटा प्रश्न जसले देउवा र प्रचण्ड दुवैको पसिना छुटायो

प्रमुख प्रतिपक्षी दल नेकपा एमालेका सचिव एवं केपी आली सरकारका परराष्ट्रमन्त्री प्रदीप ज्ञवालीले प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डको पसिना छुटाउँने प्रश्न गरेका छन् ।

ज्ञवालीले गरको एउटै प्रश्नले देउवा देखी प्रचण्डको सम्मको पसिना छुट्ने अवस्था आएको छ । एमसीसीका विषयमा राष्ट्रिय राजनिती तरंगित भइरहेका बेलामा ज्ञवालीको उठाएको सवालले केहि महत्वपुर्ण संकेत गरेको छ किनभने उनी ओली सरकारका परराष्ट्रमन्त्री समेत रहेका थिए ।

सचिव ज्ञवालीले प्रधानमन्त्री देउवा र माओवादी केन्द्रका अध्यक्ष प्रचण्डप्रति लक्षित गर्दै एमसीसी सम्झौता गर्ने तपाईहरु गाली खाने केपी ओली? भन्दै प्रश्न गरेका छन् । एमसीसीमा कसको पालामा के के भएको थियो ज्ञवालीले प्रष्ट पारिदिएका छन् । पछिल्लो समय एमसीसीको विरोधमा जस्तो देखिएका प्रचण्डको मुकुण्डो समेत उनले खोलिदिएका छन् ।

ज्ञवालीलेले प्रचण्ड र माधवकुमार नेपालहरुले एमसीसीलाई बिगतमा केपी ओलीविरुद्ध दाउपेचको विषय बनाएको भन्दै अब सरकारले एमालेको सहयोगबिना पनि पारित गर्न सक्ने बताएका छन् ।

टोखाको नयाँ किरण समूह (न्हुँजःखलः)ले काठमाडौंमा आयोजना गरेको ‘नयाँ सरकारको कुटनीतिक अभिमुखिकरण स् सम्भाव्य विश्लेषण’ विषयक विचार गोष्ठिमा बोल्दै नेता ज्ञवालीले वर्तमान सरकार सँग बहुमत रहेकाले प्रतिपक्षी दलको सहयोग बिना एमसीसी संसदबाट पास गर्न चुनौती दिए ।

विगतमा एमाले नेतृत्वको सरकारले एमसीसी अघि बढाउन खोज्दा वर्तमान सत्ता गठबन्धनकै दलहरुले सडकमा आगो बालेको भन्दै एमसीसी गलत भए किन सम्झौता गरेको भन्ने प्रश्न समेत गरे ।

ज्ञवालीले एमसीसी सम्झौतामा हस्ताक्षर गर्ने बेला शेरवहादुर देउवा नै प्रधानमन्त्री रहेको र त्यो सरकारलाई अहिलेजस्तै माओवादीको बलियो समर्थन रहेको भन्दै बेठिक भए त्यसको जिम्मेवारी पनि देउवा र प्रचण्डले नै लिनुपर्ने बताए ।

त्यो सरकारको प्रधानमन्त्री देउवा, उपप्रधानमन्त्री तथा परराष्ट्रमन्त्री कृष्णवहादुर महरा,हस्ताक्षर गर्ने त्यो बेलाका अर्थंमन्त्री ज्ञानेन्द्रवहादुर कार्की अहिले कानूनमन्त्री हुनुहुन्छ । त्यो सरकारका गृहमन्त्री जनार्दन शर्मा अहिले अर्थमन्त्री हुनुहुन्छ ।

उहाँहरुले गरेको त्यो सम्झौता ठिक थियो भने अघिल्लो सरकारले यसलाई अगाडी बढाऔँ भनेकै हो । अघिल्लो सरकारले गरेको भएपनि यसलाई अगाडी बढाऔं भन्दा आगो बाल्नु भो उहाँहरुले । सम्झौता गर्ने उहाँहरु गाली खाने केपी ओली । सम्झौता गर्ने उहाँहरु गाली खाने हामी त्यतिबेलाका सरकारमा रहेका मान्छेहरु । यदी त्यो गलत थियो भने सम्झौता किन गर्नुभो तपाईहरुले ?

यदी सहि थियो भने त्यसलाई पास हुनबाट रोक्नु भो किन तपाईहरुले रु अनि आज प्रतिपक्षको सहयोग खोजिरहनुभएको छ । आज उहाँहरुसँग १६५ जनाको संख्या छ उहाँहरुले अगाडी बढाउने हो भने अगाडी बढाए हुन्छ । जे भन्नुपर्ला प्रस्ताव आइसकेपछि त्यति नै बेला हामिले आफ्नो पोजिसनहरु क्लियर गरौँला ।’

पूर्वपरराष्ट्रमन्त्री ज्ञवालीले सरकारले लिपुलेक, लिम्पियाधुरा र कालापानीलाई समस्याको रुपमा लिएको भन्दै सीमा समस्या नै नभएको चिनसँग भने सिमा समस्या देखाएर सम्बन्धमा चिसोपन निम्त्याउने काम गरेको आरोप लगाए ।

ज्ञवालीले भने स् ‘जहाँ समस्या छ, त्यहाँ समाधान नखोज्ने । त्यहाँ पहल नगर्ने । जहाँ समस्या छैन त्यहाँ एकतर्फी ढंगले हल्लाखल्ला गरेर सिमा मिचिएको पहिल्यै निष्कर्ष निकालेर, पहिलै निष्कर्ष निकालीसक्नु भो उहाँहरुले । यो नियमित अनुगमन त होईन । पहिलै मिचिएको निष्कर्ष निकालेर जे गर्नुभएको छ यो वर्तमान सरकारले दुई देशबीचको सम्बन्धलाई अनावश्यक चिसोपन निम्त्याउने काम गरेको छ ।’

न्हुँज खलःका अध्यक्ष दिपेन्द्र श्रेष्ठको अध्यक्षतामा भएको कार्यक्रममा सिमाविद बुद्धिनारायण श्रेष्ठले समेत सरकार नभएका सीमा समस्या बल्झाउन उद्यत रहेको बताए ।