माधव नेपाललाई सुर्य थापाको जवाफ ‘मच्चीयो- मच्चीयो थच्चीयो,’ ‘नमच्चीने पीङको सय झड्का’

आगामी निर्वाचन पछि नेकपा एमालेलाई टर्च बालेर खोज्नु पर्ने छ भन्ने नेकपा एसका अध्यक्ष माधव नेपाललाई नेकपा एमालेका केन्द्रिय सदस्य एवं प्रचार विभाग उपप्रमुख सुर्य थापाले मुखभरिको जवाफ दिएका छन् ।

ओटीभी नेपाल डट कम सँगको विशेष कुराकानीमा एमाले नेता थापाले माधव नेपाल आफै त ‘महादेव उत्तानो पर, कसले देला वर’ को हातमा रहेको बताए । माधव नेपालले एमालेलाई टर्च बालेर खोज्नु पर्छ भनेको नमच्चीने पीङको सय झड्का जस्तो मात्रै भएको उनको भनाई छ ।

पार्टी फुटाएर हिड्ने , आन्दोलन र जनप्रीय सरकारलाई धोका दिएर हिड्ने माधव नेपाललाई अहिले देशभरका जनता कार्यकर्ताले छि छि र दुरदुर गरिरहेको भन्दै नेता थापाले नेपालको हालत मच्चीयो मच्चीयो थच्चीयो जस्तो हुने ठोकुवा गरे ।

नेकपा एमाले एकताप्रेमीहरुको पार्टी हो भन्दै थापाले माधव नेपालहरुले पार्टी विभाजन गराउँदा एमालेलाई सामान्य प्रभाव परे पनि यसले खासै ठूलो फरक नपर्ने बताए । अहिलेको विभाजन चौथो विभाजन भएको र यस अघि पार्टी फुटाएर जानेहरु आफै विलाएर गएको र माधव नेपालहरुको पनि हालत त्यस्तै हुने उनले ठोकुवा गरे ।

केन्द्र र प्रदेशका केहि सांसदहरु पद र कुर्सी मोहले नेपाल सँग लागे पनि तल्लो तहमा भने एमाले एकतावद्ध रहेको थापाको दावी छ । अहिले चर्को स्वरले बोल्नेहरुले चर्को बोलेको देखाएर मन्त्रीको निवेदन हालेको भन्दै जनाधार अन्यन्तै कमजोर भएका, समानुपातीक कोटा बाट सांसद बेनेका र स्थानिय तहमा पनि उपप्रमुखहरु मात्रै एस पार्टीका गएको थापाको दावी छ ।

जनु दिन एमाले फुटाएर अर्को पार्टी बनाउँने बाटो माधव नेपालले तय गरे त्यहि दिन देखी उनको पतन सुरु भएको थापाले जिकिर गरे । ‘जब मान्छे सन्किन्छ नी उसले आत्म हत् या पनि गर्न सक्छ हो यो पनी माधव नेपालको राजनितीक जीवनको आत्म हत् या हो’। उनले भनेका छन् ।

फरक प्रसंगमा एमाले नेता थापाले माओवादी केन्द्रका अध्यक्ष प्रचण्ड मानसिक रुपमा विक्षिप्त बनिसकेको पनि बताए । प्रचण्डका पछिल्ला अभिव्यक्तीहरु हतास र निरासाका उपज भएको भन्दै उनले प्रचण्डले कुन दिन आत्म हत् या पनि गर्न सक्ने पनी बताए ।

चरम महत्वाकाक्षांको घोढ सवार भएको मान्छेले आफ्ना महत्वाकांक्षाहरु पुरा गर्न सकेन भने अप्रीय निर्णय पनि लिन सक्ने भन्दै उनले प्रचण्डलाई पनी अतृप्त महत्वाकांक्षाले आत्म हत् या सम्मनै पुर्याउँन सक्ने दावी गरे ।

एमाले केन्द्रिय सदस्य एवं प्रचार विभाग उपप्रमुख सुर्य थापा सँग ओटीभी नेपालले गरेको भिडियो कुराकानी हेर्नुहोस्