प्रचण्ड र देउवाको मास्टर प्लान बुझे उपेन्द्र झसंग, मन्त्री खान्न भन्नुको कारण यस्तो पो !

सबैलाई सप्राइज दिँदै जनता समाजवादी पार्टीका अध्यक्ष उपेन्द्र यादवले देउवा सरकारको मन्त्री नखाने घोषणा गरेका थिए । उपेन्द्रले एकाएक किन यस्तो घोषणा गरे त भनेर यसको कारण खोजि हुन थालेको छ ।

पटक पटक सत्ताकै लागी पार्टी विभाजन गर्ने र सरकारमा कसले नेतृत्व गर्ने भन्ने कारणमा समेत पार्टी विभाजन गराएका उपेन्द्र यादवले म यस पटक मन्त्री खान्न अरु साथीलाई मौका दिन्छु भन्ने घोषणा गर्नुलाई धेरैले रोचक र आश्चर्य मानेका छन् ।

बाहिर बाहिर मलाई मन्त्री खाने रहर छैन अरु साथीलाई मौका दिन्छु भनेर बोले पनि भित्री कारण भने अर्कै भएको चर्चा राजनितीक बजारमा चलेको छ। उपेन्द्रले मन्त्री नखाने घोषणा गर्नुको पहिलो कारण हो प्रधानमन्त्री देउवाले यो क्याविनेटमा उपप्रधानमन्त्री नबाउँने निर्णय गर्नु ।

पहिले नै उप्रधानमन्त्री खाइसकेकाहरुलाई रोक्नका लागी देउवा र प्रचण्डको डिजाइनमै यो पटक उपप्रधानमन्त्री नबाउँने समझदारी बनेको छ , जसको घानमा उपेन्द्र यादव परेका छन् । देउवाले सुजाता कोइराला र प्रकाशमान सिंह र प्रचण्डले नारायणकाजी श्रेष्ठ लाई रोक्न बनाएको मास्टर प्लानमा उपेन्द्र यादव पिल्सीएका हुन् ।

उपप्रधानमन्त्री बन्न नपाउँने भए पछि मन्त्री मात्रै खानु भन्दा पार्टी अध्यक्ष जस्तो मान्छे बरु बाहिरै बस्छु भन्ने देखावटी महानता उपेन्द्र यादवले देखाइरहको छन् । अर्को कारण भनेको पार्टी भित्र उपेन्द्र र बावुरामको लफडा पनि भएको जानकारहरु बताउँछन् ।

जम्मा एक सिटे बावुरामले पनि ठूलो भाग खाजेर लफडा गरे पछि उपेन्द्रले ल त्यसो भए म पनि मन्त्री बन्दीन भनेर डिसीजन गरेको बताइन्छ । स्रोतले ओटीभी दिएको जानकारी अनुसार बावुराम भट्टराईले पत्नी हिसीला यमि सहित अर्को एक जना गैर सांसदलाई पनि मन्त्री बनाउँन माग गरेका थिए उनीहरुलाई रोक्न पनि उपेन्द्रले यो निर्णय लिएको बताइन्छ ।

आफु नै मन्त्री नबन्ने भए पछि बावुरामको किचकिच पनि कम हुने र आफुलेनै छानीछानी मन्त्री बनाउँन पाइने र आफु पार्टी काममा केन्द्रित हुने मनसायले उपेन्द्र यादवले यो निर्णय लिएको बताइन्छ । यदी परिस्थीती फेरीएर सरकारमा उपप्रधानमन्त्री पनि राख्ने निर्णय भएका मन्त्री खान कुदीहाल्ने दाउ पनी उनले गरेको स्रोतको दावी छ ।