जनार्दन शर्माले आफुले आफैँलाई गरे गुरिल्ला घोषणा

नेकपा माओवादी केन्द्रका नेता एवं अर्थमन्त्री जनार्दन शर्मा आफुले आफैँलाई गुरिल्ला घोषणा गरका छन् ।

अर्थमन्त्री शर्मालाई माओवादी गरिल्ला भएको आरोप लागीरहँदा उनले आफैँलाई सगौरव गुरिल्ला घोषणा गरेका हुन् । आफुलाई गुरिल्ला हुनमा गौरव रहेको भन्दै शर्माले प्रतिगामीको कुख्यात मतियार हुनु भन्दा गुरिल्ला हुनु महान कुरा हो भनेका छन् ।

तपाइहरुलाई थाहा छ नी मलाइ गुरिल्ला भन्छन् म गुरिल्लै हुँ भ्रष्टाचारका हिमायती खलनायकहरु ,संविधान विरोधी खलनायकहरु होइनौँ, संविधानलाई कार्यान्वयन गर्नका लगी प्रतिगमनलाई परास्त गर्नका लागी गुरिल्ला हुन के नराम्रो कुरा होर ?म गर्व साथ गुरिल्ला भएको घोषणा गर्दछु ।उनले भनेका छन्

नेकपा माओवादी केन्द्र रुकुम (पश्चिम)–काठमाडौं सम्पर्क समन्वय समितिको भेलालाई बुधबार काठमाडौंमा सम्बोधन गर्दै शर्माले यस्तो घोषणा गरका हुन् । उनले आफू अर्थमन्त्री भएर आएपछि बजेटको प्रतिस्थापन बिधेयकमार्फत धेरै जनताकेन्द्रित कार्यक्रम ल्याएको समेत बताएका छन् ।शर्माले वर्तमान सरकार मुलुक र जनताप्रति पूर्णरुपमा उत्तरदायी भएर काम गर्ने बताएका छन् ।

अर्थमन्त्री शर्माले वर्तमान सरकारले गरिबीको अन्त्य, आत्मनिर्भर अर्थतन्त्रको निर्माण, व्यापार घाटा न्यूनिकरणलगायतको दिशामा सरकारले प्रतिस्थापन बजेटमार्फत काम सुरु गरिसकेको बताए ।

उनले सरकारले पहिलो पटक गरिब र विपन्नहरुलाई आर्थिक राहत दिने कार्यक्रम ल्याएको र दीर्घ रोगीहरुलाई मासिक उपचार खर्च दिने पनि व्यवस्था पहिलो पटक गरिएको दावी गरे ।

मलुकमा देखिएका समस्या समाधानका लागि समय तोकेर नै कार्ययोजनामार्फत् काम गर्न लागिएको उनको भनाइ छ । माओवादी स्थायी समिति सदस्य समेत रहेका शर्माले उत्पादनसँग जोडिएको संगठन नभइ समाजवादमा जान नसकिने उल्लेख गरे ।