केहि घण्टा भित्रै नयाँ मन्त्रीहरुलााई सपथ गराउँने तयारी, माथिल्लो तहबाट बाहिरियो सुचना

परमादेश बाट प्रधानमन्त्री बनेको ३ महिना सम्म पनि मन्त्रीपरिषद विस्तार गर्न नसकेर लाचार बनेको देउवा सरकारले आज भने मन्त्री परिषद विस्तार गर्न लागको सुचना बाहिरिएको छ ।

सत्तासाझेदार प्रमुख दल माओवादी केन्द्रका अध्यक्ष पुष्पकमल दहाल प्रचण्डले आजनै बेलुवा सम्ममा मन्त्रीपरिषद विस्तार गरेर मन्त्रीहरुलाई सपथ ग्रहण गराउँने तयारी रहेको खुलासा गरेका छन् । प्रचण्डको अभिव्यक्ती पछि को को मन्त्री बन्दै छन् भन्ने कौतुहलता पनि सुरु भएको छ ।

सरकारले मन्त्रीपरिषद् विस्तारको अन्तिम तयारी गरेको छ । प्रधानमन्त्रीको सफथ लिएको दुई महिना वितसक्दा पनि कांग्रेस सभापति समेत रहेका शेरबहादुर देउवाले सरकारलाई पूर्णता दिन सकेका छैनन् ।

यसबीच पार्टीभित्रैबाट आलोचना खेपिरहेका देउवाले मन्त्रीपरिषद्लाई पूर्णता दिने तयारी गरेका हुन् । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आजै मन्त्रिपरिषद् विस्तार हुने बताएका छन् ।

सोमबार पार्टीनिकट नेपाल बुद्धिजीवी संगठनको राष्ट्रिय भेलालाई सम्बोधन गर्दै प्रचण्डले आजै मन्त्रीपरिषद् विस्तार हुने र सपथ पनि आजै हुने दावी गरेका हुन् । ‘क्याबिनेट विस्तार गरेर आज सपथ ग्रहण गर्ने नभए टुंग्याउने काम भने आजै हुन्छ’ उनले भने ।

लामो समयसम्म सरकार विस्तार हुन नसकेपछि सरकारको चौतर्फित आलोचना भइरहेको छ । गठबन्ध सरकारमा नेपाली कांग्रेस, नेकपा माओवादी केन्द्र, नेकपा ९एकीकृत समाजवादी०, जनता समाजवादी पार्टी (जसपा) र राष्ट्रिय जनमोर्चाका गरी मुख्यतः ५ दलको गठबन्धन सरकारको नेतृत्वमा छ ।

अहिले मन्त्रिपरिषद्‍मा ५ जना मात्रै मन्त्री रहेका छन् । कांग्रेसबाट स्वास्थ्य राज्यमन्त्रीमा उमेश श्रेष्ठ छन् । कांग्रेसबाटै गृहमा बालकृष्ण खाँण, परराष्ट्रमा डा। नारायण खड्का, कानूनमा ज्ञानेन्द्रबहादुर कार्की छन् । माओवादी केन्द्रबाट अर्थ मन्त्रालयमा जनार्दन शर्मा र ऊर्जामा पम्फा भूसालले नेतृत्व गरिरहेका छन् । त्यसबाहेक १६ वटा मन्त्रालयको नेतृत्व प्रधानमन्त्री देउवाले नै गर्दै आएका छन् ।