डा गोविन्द केसीको अबको टार्गेटमा आरजु राणा ,कडा चेतावनी सहित चाले यस्तो कदम

चिकित्सा शिक्षा सुधारका लागी पटक पटक अनसन बस्दै आएका डा गोविन्द केसीले प्रधानमन्त्री पत्ती आरजु राणालाई माफिया भनेका छन् ।

आरजु राणाले स्वास्थ्य क्षेत्र तहसनहस बनाउँन खोजको भन्दै डा केसीले कुनै पनि अनसन बस्ने चेतावनी दिएका छन् । सरकार माफीयको संरक्षण गर्दै स्वास्थ्य क्षेत्रलाई तहसनहस बनाउँन लागीपरेको भन्दै डा केसीले आरजुले त्यसको नेतृत्व गरेको आरोप लगाएका छन् ।

आज एक विज्ञप्ति जारी गरी डा। केसीले शैक्षिक र मेडिकल माफियाहरुको स्वार्थमा आयोग भताभंग पार्न खोजिएको भन्दै विरोध जनाएका हुन् । प्रधानमन्त्री देउवाले अस्पतालै नबनाइ, पढाउँदै नपढाइ, नर्सिङ लगायतका कोर्सका डिग्री बेच्ने गरेका पार्टी कार्यकर्ता तथा माफियाहरुका लागि आकस्मिक रुपमा चिकित्सा शिक्षा आयोगको बैठक बोलाएको उनको भनाइ छ ।

‘त्यसको मुख्य एजेण्डा चिकित्सा शिक्षा ऐनलाई कुल्चँदै नपढाइ डिग्री बेच्ने कलेजहरुलाई नयाँ भर्ना खुलाउनु हो,’ उनले भनेका छन्, ‘यस्तो अवैध काम सरकारबाट गराउने जिम्मा पार्टी कार्यकर्ता तथा निजी कलेजका सञ्चालक खगेन्द्र प्रसाद अधिकारीले लिएका छन् जो सिटिइभिटीका समेत उपाध्यक्ष हुन् । सिटिइभिटीलाई जथाभावी सम्बन्धन र घुसखोरीको अखडा बनाएर माफियाहरुका लागि काम गरिरहेका अधिकारी र उनको गिरोह अहिले चिकित्सा शिक्षा आयोगलाई धराशायी पार्न लागिरहेका छन् ।’

सिंहदरबारस्थित कार्यालय नगइ वासस्थानबाटै प्रधानमन्त्रीको जिम्मेवारी सम्हाल्ने तथा आरजु देउवा र उनी वरपरका माफियाहरुको स्वार्थमा देश चलाउने अधिकार देउवालाई नभएको डा।केसीको टिप्पणी छ ।

केही समयअगाडि डा। केसीले सत्याग्रह घोषणा गरेकोमा प्रधानमन्त्री देउवाले पाँच बुँदै प्रतिबद्धता गरेपछि स्थगित गरेका थिए । तर, ती प्रतिवद्धता कार्यान्वयन नभएको उनको गुनासो छ । उनले पाँच बुँदे माग अघि सार्दै ती माग पुरा नभए जुनसुकै बेला अनसन सुरु गर्ने चेतावनी दिएका छन् ।

मागपत्रको पहिलो बुँदामा भनिएका छ, ‘राज्यको नीति निर्माणमा आरजु देउवालगायतका शैक्षिक र मेडिकल माफियाहरुको हस्तक्षेप तत्काल रोकियोस् । माफियाहरुको स्वार्थ पुर्तिका लागि कार्तिक २५ गते बोलाउन लागिएको चिकित्सा शिक्षा आयोगको बैठक रद्द गरियोस् ।

पार्टी कार्यकर्ता तथा माफियाका प्रतिनिधि खगेन्द्र प्रसाद अधिकारीलाई सिटिइभिटीको उपाध्यक्षबाट तत्काल बर्खास्त गरियोस् । नर्सिंगलगायतका विषय पढाउने कलेजहरुबारे चिकित्सा शिक्षा ऐनका प्रावधान तथा चिकित्सा शिक्षा आयोगका निर्णयहरु अक्षरशः कार्यान्वयन गरियोस् ।’

यी लागायतका माग राखेर केसीले आन्दोलनको चेतावनी दिएका छन् । सिटिइभिटीका उपाध्यक्ष खगेन्द्र अधिकारीलाई केपी ओली नेतृत्वको सरकारले सिटिइभिटीको उपाध्यक्षमा नियुक्त गरेको थियो ।