चोलेन्द्र माथीनै ‘सफ्ट कू’ !कतै यस्तो त छैन षड्यन्त्र ?

परमादेश बाट बनेको सरकारले तीन महिना सम्म पनि मन्त्रीपरिषद विस्तार गर्न नसक्दा अन्तिम तिर ठुलो हल्लाखल्ला मच्चियो गठबन्धनमा प्रधानन्यायाधिश पनि, मागे मन्त्रिपषिदमा भाग ।

संसारमै पहिलो पटक परमादेशबाट प्रधानमन्त्री बनाएको सर्वोच्च अदालतले प्रधान्याधिश सँग जोडेर यस्तो खबर बाहिरए पछि विश्वास गर्ने आधारहरु पनि धेरै थिए । आखिर जो व्यक्ति मन्त्री हूँदैछन् भनेर हल्ला गरियो ती व्यक्ति मन्त्री भएरै छोडे ।

प्रधानन्यायाधिश चोलेन्द्र शमशेर राणाले दुइ मन्त्रालय मागेका एकजना जेठान गजेन्द्र हमाल र अर्का एक तिमल्सीना थरका विचौलियालाई मन्त्री बनाउँन दवाव दिएको खबर बाहिर आयो, अन्तिममा विचौलिया भनिएका तिमल्सिना मन्त्री बनेनन् जेठान साबले त झण्डा हल्लाउँनै थालीसके ।

प्रधानन्यायाधिशले मन्त्रीपरिषदमा भाग खोजको समाचार आए पछि राणा आफैँले व्यक्तीगत रुपमा त खण्डन गरेनन् सर्वोच्च अदालतले विज्ञप्ती जारी गरेर खण्डन गर्यो जे कुरा होइन भनेर खण्डन गरेको थियो आखिर त्यहि नै भयो । यति धेरै आलोचनाका विच पनि जेठानलाई मन्त्री बनाउँने आँटको स्रोत के हो त ?भन्ने प्रश्नको जवाफ खोज्न थालिएको छ ।

गजेन्द्र हमाल चोलेन्द्र शमशेरका पहिली श्रीमतीको दाई हुन् । पहिली पत्नीको निधन भए पछि उनले अहिलेकी श्रीमती विवाह गरका थिए ।हमाल पुराना काग्रेस कार्यकर्ता पनी हुन् । यतिको हल्ला भइसक्दा पनि आफ्नो सम्म कुर्सि दाउमा राखेर राणाले किन यो आँट गरे त कि खेल अर्कै छ यसको पनि खोजि सुरु भएको छ ।

भनिन्छ राजनितीमा जे देखिन्छ त्यो हुँदैन र जे हुन्छ त्यो देखिँदैन कतै यो खेलमा पनि त्यसै त भएको छैन? जेठानलाई प्रयोग गेरर राणालाई बदानाम गर्ने र सर्वोच्च बाटै विदा गरेर फेरी अर्को खेल खेल्ने डिजाइन त भइरहेको छैन ?यसको पनि खोजि हुन थालेको छ ।

आज प्रधानन्यायाधिश राणाको सबैभन्दा चर्को विरोध ति व्यक्तीले गरिरहेका छन् जो हिजो शेरबहादुर देउवालाई परमादेश बाट प्रधानमन्त्री बनाउँन ज्यान दिएर लागेका थिए । शम्भु थापा देखि भिमार्जुन आचार्य सम्म सुशिला कार्की देखी कल्याण श्रेष्ठ सम्म । यि सबैको बोली हिजो पनि एउटै र आज पनि एउटै हुुनुको कारण के हो ?

सडक बाट खेगन्द्र संग्रौला देखी नारायण वाग्ले सम्म हिजो जसरी देउवालाई परमादेश बाट प्रधानमन्त्री बनाउँनु पर्छ भनेर कुर्लन्थे आज उनीहरु उसै गरि राणालाई प्रधानन्यायाधिश बाट हटाउन पर्छ भनेर भनीरहेको छन् । के यो संयोग मात्र हो कि सुनिनियोजित हो ?

ओटीभी नेपाल डट कम सँगको कुराकानीमा नाम उल्लेख नगर्ने सर्तमा एक वरिष्ठ अधिवक्ताले खेल अर्कै भएको हुन सक्ने आशंका व्यक्त गरे । जुन जनु मिडिया बाट समाचार आए त्यो पनि प्रोपोगाण्डाका रुपमा र अहिले जो जो मान्छेहरु उग्र सँग बोलिरहेका छन् यसले अर्कै संकेत गर्ने उनको मत छ ।

ती वरिष्ठ अधिवक्ताका अनुसार प्रधान्यायाधिश राणा पहिलो पटक पनि र दास्रो पटक पनि संसद विघठन सदर गर्ने मत मा थिए तर उनी अल्पमतमा परे पछि टिमले गरेको निर्णयमा सहमती जनाइ सर्वसम्मत फैसला जस्तो देखाएका थिए । यो कुरा देउवा प्रचण्ड र माधव नेपालहरुलाई राम्रो सँग थाहा छ ।

दोस्रो पटकको विघठनमा पनि संवैधानिक इजलास जुन सुरुमा गठन भएको थियो त्यसबाट पनि धेरै कुरा बुझ्न सकिन्छ । इजलास नै विवादीत बनाएर आफु अनुकुलको इजलास बनाएर परमादेश बाट प्रधानमन्त्री बनाइएको थियो । ती वरिष्ठ अधिवक्ताका अनुुुसार दास्रो पटकको फैसलामा पनि राणाको व्यक्तिगत रुपमा फरक मत थियो अल्पमतमा पर्ने अवस्था आए पछि त्यसमा पनि उनले सहमती जनाएका थिए । खेल त्यहि बाट सुरु भएको उनको बुझाइ छ ।

चोलेन्द्र शमशेर राणालाई नजिक बाट बुझेको अहिलेको गबबन्धनले उनलाई प्रधानन्यायाधिश बाट नहटाइ आफ्नो स्वार्थ पुरा नहुने देखेर नै यो गेम खेलिएको हुन सक्ने अर्का एक वरिष्ठ अधिवक्ताले पनी बताए । ओटभी नेपाल डट कम सँगको कुराकानीमा उनले यसका लागी जेठान प्रयोग भएको हुन सक्ने बताए ।

जेठानलाई अगाडी सारे पछि जती तर्क गरे पनि चोलेन्द्रको कोटा बाट होइन भनेर कसैले नपत्याउँने गरि माहोल सिर्जना गर्ने र प्रधानन्यायाधिशले मन्त्रीपरिषदमा भाग खोजेको भनेर बाहिर चर्काउँने र पद बाटै विदा गर्ने सके राजिनामा नभए महाअभियोग सम्मको वातावरण बनाउँने सम्मको तयारी भएको हुन सक्ने उनको बुझाई छ । ठूलो चलखेलको आशंका उनको पनि छ ।

हुन पनि गजेन्द्र हमाल चोलेन्द्रका जेठान हुन उनी राणाको कोटा बाट मन्त्री बनेका होइनन् भनेर कसैले पत्याउँन सक्ने आधार केही देखिँदैन कतै यस्तो वातावरण बनाएर राणा माथीनै कू त भइरहेको छैन ?यो पनि प्रश्न उठेको छ नभए यतीको विरोध र आलोचनाका विच राणाले यत्रो आँट कसरी गरे ठुलो प्रश्न चिन्ह तेर्सिएको छ ।

कतिपयले प्रधानन्यायाधीशको कोटा भनेर देउवानिकट गैरसांसद व्यक्तिलाई मन्त्री बनाउने र त्यही विषयलाई जोडेर प्रधानन्यायाधीश राणामाथि नैतिक प्रश्न उठाउँदै राजीनामा माग्ने तयारीसमेत भइरहेको बताएका छन् । यो खेलमा भने असार २८ को फैसलाका लेखक ईश्वर खतिवडादेखि वरिष्ठतम न्यायाधीश दीपक कार्कीसम्मका न्यायमूर्तिहरू नै संलग्न रहेका छन् ।

राणाविरुद्ध अदालतभित्र र बाहिर माहौल सिर्जना गरेर पदमा बस्नै नसक्ने अवस्था सिर्जना गर्ने र दीपक कार्कीलाई कामु भने पनि प्रधानन्यायाधीश बनाउनेसम्मका चलखेल भइरहेको चर्चा न्यायाधीशहरूबीचमै चलेको छ ।

सत्ता गठबन्धनका शीर्ष नेताहरूको विहीबारको बैठकमा पनि अदालतलाई साथमै लिएर जाने विषयमा सामान्य छलफल भएको एक नेताले बताए । संवैधानिक परिषद्ले यसअघि गरेका नियुक्तिविरुद्धको रिटमाथिको सुनुवाइ र त्यस सम्बन्धी विवादसमेत सर्वोच्चमा रहेकाले प्याकेजमै सहमति गर्न खोजिएको उनको भनाइ छ ।

संवैधानिक परिषद्को सदस्य र संवैधानिक इजलासको अध्यक्ष दुवै पदमा प्रधानन्यायाधीश रहने संवैधानिक व्यवस्था रहेकाले संवैधानिक नियुक्तिसम्बन्धी मुद्दाको सुनुवाइ राणाले गर्न मिल्ने कि नमिल्ने भन्ने विवाद अदालतमा विचाराधीन छ । त्यसैले सत्ता गठबन्धनले संवैधानिक नियुक्ति उल्ट्याउने सन्दर्भमा राणाको पनि सहमति चाहिने भएकाले अदालतभित्रको गुटबन्दीमा सावधानीपूर्वक खेल्न खोजेको देखिन्छ ।

परमादेश जारी गर्न वातावरण मिलाउने वरिष्ठ अधिवक्ताहरूले प्रधानन्यायाधीशलाई बोलाइएको भनेपछि सर्वोच्च बारको चियापान समेत बहिष्कार गरेका थिए । त्यो भनेको गुटबन्दीको असर हो । त्यसो त कल्याण श्रेष्ठ, सुशीला कार्कीलगायत पूर्वप्रधानन्यायाधीशहरूको तजबिजमा राणाविरोधी न्यायाधीशहरू चल्ने भएकाले अबका दिनहरूमा राणाविरोधी माहौल बनाउनेतर्फ अदालतभित्र र बाहिरका शक्तिहरू केन्द्रित हुने देखिएको छ ।