प्रभु शाह हिजो देखी चौपट्टै खुशि !

नेकपा एमाले प्रति केहि कुरामा असहमती जनाएर रिजर्भ बसेका प्रभु शाह हिजो बाट खुशि भएका छन् ।

तुलसीलाल स्मृती प्रतिष्ठानमा हिजो बसेको नेकपा एमाले स्थायी कमिटि बैठकले प्रभु शाहको कोटा बाट दुई जनालाई एमाले केन्द्रिय सदस्यमा मनोनित गरेको छ ।बैठकले रौतहटका कुन्दन कुसवाह र बाराका मोहम्मद समीरलाई केन्द्रीय सदस्यमा मनोनयन हो ।

एमालेको यस्तो निर्णयले प्रभु शाह त खुशि भएका छन् तर विधी पद्धती विपरीत कुन आधारमा यस्तो निर्णय गरिएको हो भन्दै यस बिषयले एमालेमा अर्को भाँडभैलो सरु भएको छ । विशेष गरी एमाले उपाध्यक्ष भिम रावलले यी लगायतका विषयमा गम्भिर असहमती राखेको छन् ।

नेकपा एमालेमा १० बुँदे प्रस्ताव कार्यन्वयन नभएपछि फेरि भाँडभैलो सुरु भएको छ । गत असार २७ मा पार्टी एकताका लागि भन्दै गरिएको १० बुँदे सहमति कार्यान्वयन गर्नबाट अध्यक्ष केपी शर्मा ओली पछि हटेपछि पुरानो विवाद बल्झिन पुग्दा भाँडभैलो हुन पुगेको हो ।

शुक्रबार बसेको स्थायी कमिटीको बैठकमा विवाद बढेपछि १० बुँदे प्रस्ताव तयार गर्न गठित कार्यदलका संयोजकसमेत रहेका उपाध्यक्ष भीम रावलले संयोजक पदबाटै राजीनामा दिएका छन् । साथै उनले १० बुँदे कार्यान्वयन नभएको भन्दै पार्टी बैठकमा लिखितरुपमै फरक मत राखेका छन् ।

यसअघि अध्यक्ष ओलीले १० बुँदे कार्यान्वयन गर्ने प्रतिवद्धता जनाएपछि रावल लगायतका नेता माधव नेपाललाई छाडेर एमालेमै बसेका थिए । तर, १० बुँदे सहमति कार्यान्वयन नगरेर अध्यक्ष ओली आफू अनुकुल निर्णय गर्न उद्दत् भएपछि शुक्रबार बसेको स्थायी कमिटी बैठकमै रावलले राजीनामाको घोषणा गरेका हुन् ।

​‘कार्यदलमा भएको छलफल र पार्टीले गरेको निर्णयसमेत मान्य नहुने भएपछि त्यो कार्यदलमा बसिरहनुभएको कुनै औचित्य नहुने भएकाले राजीनामा दिएको हुँ’ उपाध्यक्ष रावलको भनाइ छ ।

रावलले १० बुँदे सहमति कार्यन्वयन गर्नुको साटो प्रभु साहलाई खुशी पार्न दुई जना नेतालाई केन्द्रीय सदस्यमा मनोनयन गरेकोमा बैठकमै चर्को असन्तुष्टि जनाएका थिए ।

स्थायी कमिटी बैठकले रौतहटका कुन्दन कुसवाह र बाराका मोहम्मद समीरलाई केन्द्रीय सदस्यमा मनोनयन गर्ने निर्णयप्रति रावलसँगै तेस्रो धारका अन्य नेताले असन्तुष्टि जनाएका थिए । कुसवाह र समीर प्रभु साह निकट नेता हुन् । एमालेसँग असन्तुष्ट रहेका पूर्वमाओवादी नेता राहलाई रिझाउन ओलीले उनीहरुलाई केन्द्रीय सदस्य बनाएको तेस्रो धारका एक नेताले बताए ।

शुक्रबारको स्थायी कमिटी बैठकमा १० बुँदे प्रस्तावमाथि छलफल हुँदा स्थायी कमिटीका धेरैजसो नेताले कार्यान्वयनमै जोड दिएका थिए । तर, अध्यक्ष ओलीले भने टालटुले पाराले जवाफ दिँदै आफूले १० बुँदेको औचित्य सकियो भनेर नभनेको बरु छिटो कार्यान्वयन गर्नुपर्छ भनेर बोलेको भन्ने तर्क गरको थिए ।

‘