आफैँले खनेको खाल्डोमा यसरी खसे चोलेन्द्र, चार बर्ष पछि पाप धुरीबाट कराएकै होत ?

गाउँ घरमा एउटा युक्ति बढो चर्चित छ पाप धुरी बाट कराउँछ ,अहिले प्रधानन्यायाधिश चोलेन्द्र शमशेर प्रकरणमा पनि त्यस्तै भएको चर्चा चल्न थालेको छ ।

प्रधानन्यायाधिश चोलेन्द्र शमशेर राणा आफ्नो न्यायिक करियरकै सबैभन्दा कठिन र संकटपुर्ण क्षणमा रहेका छन् । विषय यसरी पेचिलो बनेर अघि बढेको छ की अब सायद कुनै आश्चर्य भएन भने सायद उनको प्रधानन्याधिशको कुर्सी बढिमा केहि दिन नभए पनि केहि घण्टाको लागी मात्रै हुने छ ।

प्रधानन्यायाधिश राणाको राजिनामालाई सर्त बनाएर सर्बोच्चका १४ न्यायाधिशले इजलासनै बहिस्कार गरेका छन् भने नेपाल बार एसोसियसनले पनि राणाले राजिनामा दिनुपर्ने अडान राखेको छ । चारैतिर घेरिएका राणाले सहज निकास देखेका छैनन् ।

ठिक यसै बेला चार बर्ष अघिको घटनालाई न्याय क्षेत्रका व्यक्तीहरुल फेरी एक पटक सम्झीएका छन् ।उ बेला उमेर विवादका कारण तत्कालिन प्रधानन्यायाधिश गोपाल पराजुली अप्ठेरोमा परेका बेला यिनै चोलेन्द्रले इजलास बहिस्कार गरेका थिए र घटना यसरी मोडियो कि पराजुलीले प्रधानन्नयायाधिश बाटै हातै धुनु परेको थियो ।

उमेर विवादका कारण न्याय परिषद् सचिवले नै तत्कालीन प्रधानन्यायाधीश गोपाल पराजुलीलाई ०७४ फागुन ३० गते अवकाशको पत्र थमाइदिए। अवकाशको पत्र दिनुअघि पराजुलीले नेतृत्व गरेको इजलास हालको प्रधानन्यायाधीशले जबराले बहिस्कार गरेका थिए।

कान्तिपुर पब्लिकेशन्सविरुद्धको अवहेलना मुद्दाको सुनुवाइ भइरहेको उक्त इजलास चोलेन्द्रले बहिस्कार गर्दा कारण लेखेका थिए, ‘उमेर विवादका कारण अवकाश पाइसकेका प्रधानन्यायाधीशसँग बेन्च सेयर नगर्ने।’

हेर्दाहेर्दैमा रहेको मुद्दामा २८ फागुन २०७४ मा जबराले बेन्च बहिस्कार गरेपछि सुनुवाइ अवरुद्ध भएको थियो। न्यायाधीशबाटै बेन्च बहिस्कार गरेर सुनुवाइ अवरुद्ध पारिएको यो बिरलै हुने घटना थियो।झण्डै चार वर्षपछि अहिले जबरा यस्तै परिदृश्यको सम्मुखमा छन्।

रोचक संयोग कस्तो भने त्यस बेला कान्तिपुर पब्लीकेशन सम्बधी मुद्धामानै चोलेन्द्रले इजलास बहिस्कार गरेका थिए त्यस बेला कान्तिपुरले चोलेन्द्रलाई प्रयोग गरेको भन्ने सम्मका चर्चा थिए भने अहिले सोहि मिडियाले राणाले भाग खोजेको समाचार देखी अहिले राजिनामा गराउँन दवाव दिन विभिन्न फलोअप सामाग्री पटक पटक प्रकाशन गरेर दवाव बढाइरहेको छ।