गृहमन्त्रीको घोषणाले देशभरका प्रहरी जवानमा खुशियाली

गृहमन्त्री बालकृष्ण खाँडले तल्लो तहका प्रहरी जवानहरुमा खुशियाली छाउँने घोषणा गरेका छन् ।

गृहमन्त्री खाँडले उच्च मनोवलका साथ राष्ट्रसेवामा होमिने प्रहरीहरुको मनोवल बढाउँने गरि सरकारले प्रहरी नियमावलीनै संशोधन गर्न लागको बताएका छन् । प्रहरीमै जनावमै कोहि रिटायर्ड भएको हवल्दार बनाइदिने तयारी गरिएको छ।

बुधबार नेपाली कांग्रेस तरुण विभागले आयोजना गरेको ‘साफ च्याम्पियनसिप २०२१, फुटबल टिमका राष्ट्रिय खेलाडीलाई सम्मान तथा शुभकामना आदानप्रदान कार्यक्रम’ लाई सम्बोधन गर्दै गृहमन्त्री खाणले सरकारले नेपाल प्रहरीको संगठनभित्र सुधारको काम गर्न लागेको बताए।

नियमावली संशोधन गरेर भए पनि प्रहरी जवानहरू उत्साहित भएर र आत्मबल बढाएर काम गर्न सक्ने वातावरण बनाउन लागेको उनले बताए ।प्रहरी संगठनको तल्लो तहबाट परिवर्तन ल्याउन सरकार लागेको उनले उल्लेख गरे।

प्रहरीभित्र बढुवा गर्नका लागि थप पद सिर्जना गर्न लागेको उनले जानकारी दिए।उनले भने,‘सुरक्षा निकायले पनि, प्रशासनका कर्मचारी र प्रशासनका पदाधिकारीले पनि सबै नेपालीलाई सम्मान गर्नुहोस्। कुनै पनि अफिसमा बसेको अधिकृत वा हाकिमले कुनै नेपालीलाई तँ भन्नै पाइँदैन।

सबैलाई सम्मान। त्यस्तै नेपाल प्रहरी र सुरक्षा निकाय पनि प्रहरी अधिकृतहरूले पनि सबैलाई सम्मानार्थी शब्द प्रयोग गर्नैपर्ने त्यो हाम्रो निर्देशन जारी भएको छ। समानता व्यवहारमा पनि हुनुपर्‍यो। स्वतन्त्रता, समानताका हामी पक्षपाती। समान व्यवहार हामी सबैले गर्नुपर्छ। अहिले गृह मन्त्रालय र नेपाल सरकारले नेपाल प्रहरीमा केही परिवर्तन ल्याउन खोजिराखेको छ।

तलबाट परिवर्तन ल्याउने कोसिस छ। नियमावलीमा संशोधन गरेर नेपालका सम्पूर्ण प्रहरी जवानहरू उत्साहित हुन सकून्। उनको पनि आत्मबल बढोस्। उनीहरू दिनरात सुरक्षाका लागि खटेका छन्, त्यहाँ कमीकमजोरी होला, ती कमीकमजोरीलाई सुधार्ने हो।

तर तिनीहरू पनि नेपाली नागरिक हुन्। नेपाली नागरिक भएको कारणले तिनको पनि सुविधाको लागि, तिनको पनि भविष्यका लागि सोच्ने काम सरकारको हो। त्यो दायित्व पूरा गर्ने कोसिस हामीले गरिरहेका छौं।’

गृह मन्त्री खाणले नेपाली कांग्रेसले सधैंभरि खेलाडीलाई सम्मान गर्ने उल्लेख गर्दै अब हुने तीनै तहको निर्वाचनमा सर्वोत्कृष्ट खेलाडीलाई कांग्रेसले उम्मेदवार बनाउने प्रयत्न गर्नेु पनि बताए।

उनले भने,‘नेपाली कांग्रेसले खेलाडीहरूलाई सदैव सम्मान गर्छ। आउने दिनमा प्रयत्न के रहन्छ भने स्थानीय निर्वाचनमा, प्रदेश निर्वाचनमा र प्रतिनिधि सभाको निर्वाचनमा पनि खेलाडीमध्ये सर्वोत्कृष्ट खेलाडीलाई हामीले उम्मेदवार बनाउन सकियोस् भन्ने हाम्रो प्रयत्न छ।’