नाटकिय रुपमा एमाले काग्रेस मिल्न लागेको सुचना प्रचण्ड र माधव नेपालको कानमा पुगे पछि ..

केहि दिन अघि मात्रै गृहजिल्ला झापा पुगेर दुई दिन बसेका एमाले अध्यक्ष केपी ओलीको भ्रमणको खास उदेश्य अर्कै भन्ने वुझे पछि नेकपा माओवादी केन्द्रका अध्यक्ष पुष्पकमल दहाल प्रचण्ड र नेकपा एसका अध्यक्ष माधव नेपाल झस्किएका छन् ।

यस पटकको पूर्व बसाइका क्रममा अध्यक्ष ओलीले विर्तामोडमा मात्रै होइन विराटनगरमा पनि महत्वपुर्ण समय विताएका थिए । प्रदेश नम्बर एकमा सरकार परिवर्तन हुने अवस्था आएको बेलामा ओलीले त्यहाँ बसेर महत्वपुर्ण रणनिती बनाएको बताइन्छ ।

ओलीको एक इसारले प्रदेश नम्बर एकको सरकारमा नाटकिय परिवर्र्तनको हल्लाले अहिले बिराटनगर तताएको छ । काग्रेस सांसदले फ्लोर क्रस गरेर एमाले सरकार जोगउँने देखी एमालेको समर्थनमा काग्रेसले मुख्यमन्त्री पाउँने सम्मका चर्चा सुुरु भएका छन् ।

सत्तागठबन्धनमा भएको समझदारी अनुसार वाग्मती र प्रदेश नम्बर एकको नेतृत्व नेकपा एसले पाउँने भनिएको छ तर प्रदेश एकको राजनिती नयाँ ढंगले विकास हुँदै गएको छ । वाग्मतीमा भने नेकपा एसका नेता राजेन्द्र पाण्डे छ महिनाका लागी मुख्यमन्त्री आज बनेका छन् ।

ओलीले शनिबार विराटनगरमा आयोजित पत्रकार सम्मेलनमा ‘प्रदेश १ मा जे पनि हुन सक्ने’ बताएका थिए । उनले भनेका थिए, ‘अहिले राजनीतिमा केही यकिन भइहाल्दैन किनकि सर्फेसमा जे देख्या हुन्छ त्यही मात्रै हुँदैन कहिलेकाहीं ।

प्रदेशसभाको बैठक कात्तिक १५ गतेसम्म किन स्थगित भएको हो रु त्यसबाट पनि बुझ्नुपर्छ, त्यसैले जे पनि हुन सक्छ ।’ ओलीको भनाइको आधारमा पनि कांग्रेसले आधा कार्यकाल नपाए एमालेको समर्थनमा एकल सरकार गठन गर्ने सम्भावना देखिन्छ ।

सत्तारूढ गठबन्धनले वाग्मती प्रदेशमा नेकपा (एकीकृत समाजवादी) र कांग्रेसले आधा–आधा कार्यकाल बाँड्ने सहमति गर्ने तर कांग्रेसको राजनीतिक राजधानी तथा आधार क्षेत्र प्रदेश १ मा सिंगो कार्यकाल एकीकृत समाजवादीलाई दिने गठबन्धनको निर्णय मान्य नहुने प्रदेश सांसदहरूले बताएका छन् ।

प्रदेश १ मा शेखर कोइरालानिकट राजीव कोइराला मुख्यमन्त्री बन्ने भएपछि प्रधानमन्त्री तथा कांग्रेस सभापति शेरबहादुर देउवाले एकीकृत समाजवादीलाई प्रदेश सरकारको पूर्ण नेतृत्व दिने सहमति गठबन्धनमा गरेको प्रदेश सांसदहरूको आरोप छ ।

प्रदेश १ मा कांग्रेस नेता कोइराला मुख्यमन्त्री बने पार्टीको १४ औं महाधिवेशनमा सभापतिका उम्मेदवार शेखर कोइरालाको प्रभाव बढ्ने भएकाले देउवाले पूर्ण कार्यकाल एकीकृत समाजवादीलाई दिने सहमति गरेको सांसदहरूको बुझाइ छ । देउवाले विभेद गरे सत्तारूढ गठबन्धनको निर्णयलाई चुनौती दिँदै एमालेको समर्थनमा एकल सरकार निर्माण गर्ने प्रमुख प्रतिपक्षी कांग्रेसले तयारी गरेको छ ।

कांग्रेसका मोरङ सभापति डिगबहादुर लिम्बूले अहिले गठबन्धनलाई जोगाएर अघि बढ्ने रणनीति भएको तर अन्य दलको समर्थनमा कांग्रेसको एकल सरकार निर्माण हुने अवस्था बने त्यसलाई स्विकार्ने बताए ।

कांग्रेसका प्रमुख सचेतक केदार कार्कीले अहिलेको गठबन्धन र प्रदेशमा पार्टीको राजनीतिसमेत जोगाउँदै अघि बढ्ने तत्कालको रणनीति भएको बताए । ‘प्रदेश १ सरकारको नेतृत्वमा कांग्रेसले न्यूनतम आधा कार्यकाल पाउनुपर्ने मागसहित अहिले पार्टीभित्र संघर्ष गरिरहेका छौं,’ उनले भने, ‘राजनीति सम्भावनाको खेल भए पनि तत्काल गठबन्धनलाई जोगाएरै अघि बढ्ने तयारी छ ।’

कांग्रेसको राजनीतिक अन्तरविरोधले प्रदेश १ सभाको बैठक कात्तिक ७ गते सूचना टाँसेर १५ गतेसम्मका लागि स्थगित गरिएको छ । सत्तारुढ दल एमाले र प्रमुख प्रतिपक्षी कांग्रेसले बैठक स्थगनका लागि निवदेन दिएपछि सभामुख प्रदीपकुमार भण्डारीले कात्तिक १५ गते सोमबार दिउँसो १२ः३० बजेसम्मका लागि सदन स्थगित गरेका हुन् ।

मुख्यमन्त्री भीम आचार्यले प्रदेशसभा बैठकमा कात्तिक ५ गते विश्वासको मतका लागि पेस गरेको प्रस्तावमाथि छलफल गरी मत विभाजन प्रक्रियाद्वारा १५ गते टुंगियाउने कार्यसूची छ । तर विश्वासको मत नपाउने अवस्था देखिए राजीनामा दिएर मार्गप्रशस्त गर्ने एमालेका एक सांसदले बताए । आचार्यलाई विश्वासको मत प्राप्त गर्न ४६ सांसद आवश्यक हुन्छ ।

९२ सदस्यीय प्रदेशसभामा सभामुखसहित एमालेका ४१, कांग्रेसका २१, माओवादी केन्द्रका १५, एकीकृत समाजवादीका १०, जनता समाजवादी पार्टीका ३, संघीय लोकतान्त्रिक राष्ट्रिय मञ्च र राप्रपाको १÷१ जना प्रदेश सांसद छन् । एमाले सांसद गुलेफुन खातुन उच्च अदालत विराटनगरले किर्ते कागज मुद्दामा दोषी ठहर गरेदेखि फरार छिन् ।