एमसीसी पास गर्छौ भनेर पत्र लेखेको छैन भन्ने प्रचण्डले पहिला यी प्रश्नको जवाफ दिन सक्छन् ?

प्रधानमन्त्री शेरबहादुर देउवाले भने जस्तो एमसीसी पास गर्छौै भनेर पत्र लेखेको कुरा अस्विकार गरेका माओवादी केन्द्रका अध्यक्ष प्रचण्ड तिर केहि प्रश्न तेर्सिएको छ ।

पत्रकारिताका विज्ञ समेत रहेका चर्चित राजनितिक विश्लेषक डा विजय मिश्रले प्रचण्डको अभिव्यक्ती पछि उनी सँग जोडेर केहि सिरियस प्रश्नहरु गरेका छन् । साँच्चै प्रचण्डले भनेका कुरा पत्याउँन सक्ने आधार नदेखिएको भन्दै डा मिश्रले केहि प्रश्न गरेका छन् ।

आफ्नो सामाजिक संजाल मार्फत डा मिश्रले प्रचण्डले आफ्नो गल्ती ढाकछोप गर्न कुरा लुकाएको आरोप लगाएका छन् । यदि त्यसो होइन भने अमेरिकालाई लेखेको पत्र सार्वजनिक गर्न पनि उनले चुनाती दिएका छन् । यो प्रकरणमा प्रचण्ड नमज्जाले चुकेको आशय उनको रहेको छ।

राजनितिक विश्लेषक डा विजय मिश्रले आफ्नो सामाजिक संजालमा प्रचण्ड ज्यूलाई थप एक प्रश्न शीर्षकमा यस्तो लेखेका छन्- ‘मानिसले आफ्ना गल्ती कमजोरी सकभर लुकाउन खोज्दछन् । जसरी प्रचण्डले आज लुकाए । हिजो ओली, देउवा, चोलेन्द्र, ज्ञानेन्द्र लगायतले लुकाइरहेका थिए ।

प्रचण्डले एमसीसीको विषयमा पत्र पठाएकै हुन् । उनकै भनाइमा पहिले एमसीसी ठीक थियो रे । पछि संसदबाट पास गर्नुपर्दछ भनेर थपिएको गलत हो । त्यसो भए संसदबाट पास गर्नुपर्दछ भन्ने सुझाव दिने ओली सरकारको कानुन मन्त्रालय थियो ।

अब कानुनमन्त्री रहेका ज्ञानेन्द्र कार्कीले संसदबाट पारित गर्न नपर्ने रहेछ भनेर मन्त्रालयको पुरानो निर्णय उल्टाएभने त प्रचण्डले यो एमसीसी पास गर्ने नै भए त ? त्यही चाँजोपाँचो मिलाउन संसद अधिवेशन अन्त्य गरिएको हो की ? या डा बाबुराम भट्टराईले भनेजस्तै चिठ्ठीपत्र गरेर यसलाई पास गरौं भनेको आशय र प्रचण्डले एमसीसीका पुराना सर्तहरु त ठीक थिए । पछिल्लो समयमा थपिएका सर्तहरुले गडबड गरेको हो त ?

प्रचण्डले पत्रमा लेखेको कुरा हुवहू सार्वजनिक गर्नु पर्दछ । एक कपी त राखेकै होलान । हैन भने अब प्रचण्डले नै भन्नु पर्दछ की पुरानो कुरा के के ठी थिए रु र कहिले कसले के के थपेकाले ती थपेका कुराहरु गलत हुन् ? किनकी उनीपनि सरकारमा छन् ।

अब प्रचण्डले आफैले अगुवाई लिएर थपिएका कुरा यी यी गल्ती हुन पुराना कुरा यी यी ठीक हुन भनेर तीन करोड नागरिकलाई सही बताउने र अमेरिकी सरकारलाई पनि स्पष्ट बुझ्ने भाषामा जानकारी गराउने काम पनि अब प्रचण्ड कै हो । हैन भने हामी भन्न बाध्य हुन्छौं । सबै नाटकै हो ।’