निधिले भने– देउवालाई ज्योतिषीले धेरैपटक प्रधानमन्त्री हुन्छ भनेको हो, सभापति होइन !

कांग्रेस उपसभापति विमलेन्द्र निधिले सभापति शेरबहादुर देउवालाई सभापति उम्मेदवारी नदोहोर्‍याउन आग्रह गरेका छन् । प्रधानमन्त्रीसमेत रहेका देउवाले बिहीबार सरकारी निवास बालुवाटारमा संस्थापन पक्षीय नेताहरूको भेला गरेर सभापतिका लागि आफूलाई सहयोग गर्न आग्रह गरेकोमा उपसभापति निधिले कार्यकर्ताले वरिष्ठ नेता रामचन्द्र पौडेल र शेरबहादुर दुवै आउन नहुने भनिरहेको बताए ।

तपाईं एकीकृत कांग्रेसको सभापति भइसक्नुभएको छ । कांग्रेसबाट प्रजातन्त्रदेखि गणतन्त्रमा प्रधानमन्त्री पनि भइसक्नुभएको छ,निधिले देउवालाई भनेका थिए, अब कार्यकर्ताको मुड बुझेर मात्र अघि बढ्नुस् । कार्यर्ताले तपाईं र रामचन्द्र दुवै नआओस् भनिरहेका छन् ।

देउवाले आफू १४औँ महधिवेशनमा पनि उम्मेदवार बन्न लागेको बताएपछि निधिले यस्तो सुझाव राखेका थिए । उनले १३औँ महाधिवेशनसम्म आफूले देउवालाई नै सहयोग गरेको भन्दै पूर्वसहमतिअनुसार अब आफू उम्मेदवार बन्न लागेको बताएका थिए ।

१३औँ महाधिवेशनसम्म मैले शेरबहादुरजीलाई सहयोग गरेको हुँ र त्यसबेलाकै सहमतिअनुसार एक वर्षअघि नै मैले शेरबहादुरजीलाई जानकारी पनि गराएको हुँ, निधिले भने, अब शेरबहादुरजीकै समर्थनमा म सभापति उम्मेदवार बन्छु । सम्पूर्ण टिमले सहयोग गर्नुपर्छ । उनले त्यसो भन्नासाथ देउवाले मेरो सुभकामना छ भनेका थिए ।

त्यसपछि निधिले खुसी व्यक्त गरेका थिए । ूयो त सुखद समाचार भयो । तपाईंले शुभकामना दिएपछि मैले यसलाई समर्थन र सहयोगसहितको शुभकामना बुझेको छ, निधिले भनेका थिए ।

त्यसपछि हतारिँदै देउवाले आफ्नो शुभकामना सच्याएका थिए ।

ूमैले शुभकामना भनेको हुँ । तर, अहिलेलाई कहाँ भनेको छु र १ देउवाले भनेका थिए, ूतपाईंलाई १५औँ महाधिवेशनका लागि शुभकामना हो । त्यसबेला हाम्रो टिमको नेता तपाईं नै हो । त्यसपछि बैठकमा हाँसो फैलिएको थियो ।

सबैसँग हाँस्दै निधिले भने देउवालाई कडा जवाफ फर्काएका थिए ।

तपाईंलाई ज्योतिषीले पटक पटक प्रधानमन्त्री हुन्छस् भनेको हो, सभापतिमा भनेको हैन निधिले भनेका थिए, समयको माग र कार्यकर्ताको मुड हेर्नुस् । मैले धेरै कुरा भनिरहनु नपर्ला । अब तपाईं सभापति उम्मेदवार नबन्नुस् । मलाई समर्थन गर्नुस् ।

त्यसपछि देउवाले आफूलाई दोहोर्‍याएर चुनाव लड्न विधानले नरोकेको भन्दै निधिलाई पनि लड्न शुभकामना दिएका थिए ।

तपाईं शुभकामना मात्र होइन समर्थन गर्नुस् । जीवनभर सहयोग गरेको साथीलाई सहमति गरेर धोका नदिनुस् म यति नै भन्छु, भन्दै निधिले बाहिरिने अनुमति मागेका थिए ।