छिटो काम नगरेको भन्दै कुलमान घिसिङ यसरि खनिए कर्मचारि माथि !

उज्यालो नेपालका नायक बनेका नेपाल विद्युत प्राधिकरणका कार्यकारी निर्देशक कुलमान घिसिङले फेरि आफ्नो कामलाई झन राम्रो बनाउन थालेका छन् । दोस्रो पटक नेपाल विद्युत प्राधिकरणका कार्यकारी निर्देशक बनेका घिसिङ मैदा उत्रिएका छन् ।

कपिलवस्तुको वाणगङ्गा नगरपालिका ७ मा र अर्खाखाँचीको सन्धिखर्क नगरपालिकामा १३२\३३\११ केभी सबस्टेशनको निर्माण अन्तिम चरणमा पुगेको छ ।

कपिलवस्तुको मोतीपुर र अर्घाखाँचीको सन्धिखर्क सबस्टेशन क्रमशस् आउँदो १५ मङ्सिर र १५ पुसभित्र सञ्चालनमा ल्याउने लक्ष्यका साथ काम भइरहेको छ ।

बुर्तिवाङ पाउदी अमराई तम्घास सन्धिखर्क गोरुसिङ्गे १३२ केभी प्रसारण लाइन आयोजना अन्तर्गत मोतीपुर र सन्धिखर्क सबस्टेशनमा अन्तिम चरणका काम भइरहेको हो ।

सबस्टेशनमा ३० र १६ एमभीएका पावर ट्रान्सफर्मरहरू रहने छन् । सबस्टेशनका सबै उपकरणको जडान सम्पन्न गरी परीक्षण भइरहेको छ ।

पूर्व(पश्चिम १३२ केभी लाइनलाई आठ वटा टावर निर्माण गरी मोतीपुर सबस्टेशनमा लगिने छ । यसका लागि टावर निर्माण गरिसकिएको छ भने तार तान्ने काम भइरहेको छ ।

आयोजना अन्तर्गतको मोतीपुर सन्धिखर्क खण्डको प्रसारण लाइनमा पर्ने एक सय ६ वटा टावरको जग हालिएको छ जसमा ८७ वटा टावर खडा गरिएको छ भने १२ किलोमिटर तार टाँगिएको छ ।

यस खण्डको प्रसारण लाइनको लम्बाइ ६८ किलोमिटर छ । प्रसारण लाइनको निर्माण आउँदो १५ पुसभित्र सम्पन्न गरी सञ्चालनमा ल्याउने लक्ष्यका साथ काम भइरहेको छ ।

मोतीपुर–सन्धिखर्क प्रसारण लाइन र सबस्टेशनको निर्माण सम्पन्न भइ सञ्चालनमा आएपछि त्यहाँबाटै स्थानीय क्षेत्रमा विद्युत् आपूर्ति गरिने छ । यसबाट कपिलवस्तु, अर्घाखाँची, पाल्पा, गुल्मी जिल्लाको विद्युत् आपूर्ति भरपर्दो र गुणस्तरीय हुने छ ।

यसबाट विद्युतको प्राविधिक चुहावट पनि कम हुने छ । अहिले बुटवलबाट ३३ केभी प्रसारण लाइनमार्फत अर्घार्खाँची, पाल्पा, गुल्मीमा विद्युत् आपूर्ति हुँदै आएको छ ।

३३ केभी प्रसारण लाइन धेरै लामो हुँदा लाइन ट्रिप भएर झ्याप्प झ्याप्प बत्ती जाने र भोल्टेजको समस्या छ । साथै प्राविधिक चुहावट पनि छ । नेपाल विद्युत् प्राधिकरणका कार्यकारी निर्देशक कुलमान घिसिङले मोतीपुर सबस्टेशन र प्रसारण लाइन निर्माणस्थलको अनुगमन गरी तोकिएको समयभन्दा अगाडि नै काम सक्नुपर्ने बताउनुभयो ।

‘अर्घाखाँची, पाल्पा, गुल्मी जिल्लाबाट झ्याप्प झ्याप्प बत्ती गएको भन्दै मलाई सिधै फोन गरी धेरै गुनासा आएका छन्, उपभोक्ताबाट गाली खाएका छौँ, त्यसैले सबस्टेशन र प्रसारण लाइनको निर्माण जतिसक्दो छिटो सकेर उपभोक्तालाई गुणस्तरीय र भरपर्दो विद्युत् दिनुपर्छ ।

उत्पादित विद्युत् देशभित्रै खपत गर्ने अभियानमा रहेको उल्लेख गर्दै घिसिङले सबस्टेशन र प्रसारण लाइनको निर्माणपछि यस क्षेत्रका उद्योगहरूलाई चाहिएजति बिजुली दिन सकिने बताउनुभयो ।

कपिलवस्तु, अर्घाखाँची, गुल्मी, पाल्पा, बाग्लुङ जिल्लाको विद्युत् आपूर्ति सुधार गर्न, ट्रिपिङको समस्या समाधान गर्न, प्राविधिक चुहावट घटाउन र निजी क्षेत्रका जलविद्युत् आयोजनाहरूको विद्युत् प्रवाहका लागि आयोजनाको निर्माण गरिएको हो । आयोजनाअन्तर्गत गुल्मीको तम्घास, पाउदी, अमराई र बाग्लुङको बुर्तिबाङमा सबस्टेशन निर्माणाधीन छन् ।