अध्यक्षले प्रस्ताव गर्नु हुन्छ हामी ताली बजाउँने हो भन्ने भट्टराईलाई नै ओलीले बजाईदिए पछि …

नेकपा एमालेको दशाँै राष्ट्रिय महाधिवेशनमा नयाँ नेतृत्वको लागी अध्यक्ष ओलीले प्रस्ताव गरेको नाममा नपरे पछि केहि अनुहारका बारेमा व्यापक चर्चा भएको छ ।

महाधिवेशनमा प्रतिनिधीहरुको बन्दसत्रको हलले अध्यक्ष केपी ओलीलाई पदाधिकारी देखी केन्द्रिय सदस्य सम्मको नाम प्रस्ताव गर्ने सार्वाधिकार दिएको थियो सो बमोजिम ओलीले प्रस्ताव गरेका नामहरुमा यस्ता केहि नामहरु परेनन् जुन सुन्नेहरुलाई पनि अचम्म लागेको छ ।

केपी ओलीले प्रस्ताव गरेका केन्द्रिय कमिटिमा नपर्ने मध्येको एक नाम हो विशाल भट्टराई । अहिले नेकपा एमालेको संसदीय दलको प्रमुख सचेत रहेका भट्टराईलाई एमाले अध्यक्ष ओलीले प्रस्ताव गरेका ३०१ सदस्यीय केन्द्रिय कमिटिमा प्रस्ताव गरेका छैनन् ।

रोचक संयोग कस्तो छ भने दशौँ राष्ट्रिय महाधिवेशन बाट सर्वसम्मत नेतृत्व चयन गनुपर्छ र नेतृत्व चयन गर्ने सर्वाधिकार अध्यक्ष ओलीलाई दिनु पर्छ भनेर माहोले बनाउँने मध्येको एक थिए भट्टराई अन्तिममा उनकै नाम केन्द्रिय सदस्यको सुचिमा अट्न सकेन ।

भट्टराईले सार्वजनिक रुपमै बोलेका थिए अध्यक्ष ओलीले नामहरु प्रस्ताव गर्नु हुन्छ हामीले ताली बनाउँने हो । तर आफ्नै नाम नपरे पछि उनले ताली बजाउँछन् की बजाउँदैनन् भन्ने चासो सुरु भएको छ । भट्टराईले बोलेको कुरा समाचार बनेर निकै भारइल भएको थियो । अहिले उनलाई आफ्नै बोली महंगो पर्ने अवस्था आएको छ ।

नेकपा एमाले संसदीय दलका प्रमुख सचेतकसमेत रहेका विशाल भट्टराई, मात्रै होइन राष्ट्रिय युवा संघका अध्यक्ष रमेश पौडेल र अनेरास्ववियुका पूर्वअध्यक्ष ऐन महर केन्द्रीय सदस्यमा अटाएका छैनन्।

केन्द्रीय कमिटीमा नअटाएका विषयमा भट्टराईले नेतृत्वले केही सोचेर नराखेको हुनसक्ने बताए। उनले भने, ‘नेतृत्वले केही सोचेरै कमिटीमा नराखेको होला। बहालवाला केन्द्रीय सदस्य भएकाले जानी–जानी छुटाउने कुरा भएन।’

राष्ट्रिय युवा संघका पूर्वअध्यक्ष रमेश पौडेल पनि केन्द्रीय कमिटीमा अटाएनन्। उनी ओलीका खाश प्रशंसक हुन्। ओलीलाई केन्द्रमा राखेर उनले ‘मुर्झिएका सपना’ नामको गीत नै सार्वजनिक गरेका थिए। जहाँ ओलीले समृद्धिको सपना देखेकोदेखि राष्ट्रियलाई उचाइमा पुर्‍याएको वखान छ।

यसैगरी अनेरास्ववियुका अध्यक्ष ऐन महर ओलीका लागि डट्ने युवा नेता हुन्। ओलीकै निर्देशनमा बनेको युथ फोर्समा विद्यार्थीको कमान्ड उनले सम्हालेका थिए।ओली सत्ताबाट बाहिरिँदा समेत उनलाई बालुवाटारबाट बालकोट पुर्‍याउने युवाहरुको भीड जम्मा गर्ने एक मुख्य व्यक्ति उनी नै हुन्।

महाधिवेशनको दुई दिनअघि मात्रै ‘आफ्नै क्यामेराले खिचेको ‘बा’ तस्बिर’ भन्दै ओलीले जुंगा मिलाइरहेको तस्बिर उनले ट्वीट गरेका थिए। यी तीनैजनाले केन्द्रीय सदस्यको आकांक्षा राख्ने उम्मेदवारी घोषणा समेत गरिसकेका थिए।

त्यस्तै ओलीको विश्वासपात्र मानिने मानिने गोकुल बाँस्कोटा र महेश बस्नेत पदाधिकारीमा नअटाएका हुन् । ओलीले बन्दसत्रमा पदाधिकारीको नामावली प्रस्तुत गर्दा बाँस्कोटा र बस्नेतको नाम उच्चारण गरेनन् । उनीहरु दुबै सचिवका दावेदार थिए भने चुनाव चुनावी लबिङमा समेत उत्रिसकेका थिए ।

त्यस्तै अर्का विश्वास पात्र झापास्थित बीएण्डसीका अस्पतालका संचालक दुर्गा प्रसाईंलाई नेकपा एमालेका अध्यक्ष केपी शर्मा ओलीले केन्द्रीय सदस्य बनाउने चर्चा थियो । केन्द्रीय सदस्य बनाउने ओलीको आश्वासनमै नेकपा माओवादी केन्द्र निकट रहेका प्रसाईं केही अघिमात्र एमाले प्रवेश गरेका थिए ।