सुर्य थापाले सोधेको यो प्रश्नको जवाफ होला भिम रावल सँग ? यसरी उत्रियो रावलको मुकुण्डो

नेकपा एमालको दशौँ राष्ट्रिय महाधिवेशनबाट केन्द्रिय सदस्यमा बिजयी नेता सुर्य थापाले अध्यक्षमा पराजित भिम रावलको मुकुण्डो उतारिदिएका छन् ।

एमाले महाधिवेशनमा सर्वसम्मत नेतृत्व चयनको सम्भावनालाई विथोल्दै चुनाव गराएर लज्जास्पद पराजय बोहोरेका रावललाई नेता थापाले उनका पुराना कुराहरु समेत स्मरण गराएर कडा कटाक्ष गरेका छन् ।

महाधिवेशनबाट निर्वाचित पदाधिकारी र केन्द्रिय किमिटि सदस्यहरुले सपथ ग्रहण गरिरहँदा भिम रावल मात्रै बसिरहेको टिठलाग्दो तस्बिर सामाजिक संजालमा सेयर गर्दै एमाले नेता थापाले नेतृत्वको सपथग्रहण रावलको आसनग्रहण शीर्षकमा आफ्नो धारणा राखेका छन् ।

महाधिवेशन प्रतिनिधीहरुले निर्वाचित गरेको पदको सपथ लिन अस्विकार गरेर भिम रावलले जात्रा मात्रै देखाएको नभई पदाधिकारी हारेपनि केन्द्रीय कमिटीमा रहनसक्ने पार्टीको प्रबन्धलाई अस्वीकार गर्नु भनेको हदैसम्मको अराजकता पनी भएको थापाले टिप्पणी गरेका छन् ।

आठौँ राष्ट्रिय महाधिवेशनमा पनि उपाध्यक्ष होरेर केन्द्रित सदस्य जितेका रावलले यस्तो व्यहोरा देखाएको स्मरण गर्दै थापाले १२ बर्षमा खोलो फर्किन्छ भन्थे हो रहेछ भनेका छन् । रावलको गतिविधी प्रति निकै तिखो रुपमा खनिएका उनले उपाध्यक्ष प्रस्ताव गर्दा अस्वीकार, केन्द्रीय सदस्यको सपथग्रहण गर्नुको साटो आसनग्रहण र अध्यक्षमा पराजय भएपछि रावलजी अब पाँच बर्ष अछाम जिल्ला भागेश्वर कालाआम वडा कमिटीको सदस्य नै बन्न जाने हो त ?भन्दै रावललाई प्रश्न गरेका छन् ।

नेकपा एमालेका केन्द्रिय सदस्य सुर्य थापाले एमाले अध्यक्ष पराजित भिम रावलको बारेमा टिप्पणी गर्दै सामाजिक संजालमा लेखेको स्टाटस यस्तो छ :

नेतृत्वको सपथग्रहण
रावलको आसनग्रहण!
१० २०६५ सालमा बुटवलमा रावलजीले उपाध्यक्षमा चुनाव हार्नुभयो र केन्द्रीय सदस्यमा जित्नुभयो। तर केन्द्रीय सदस्यको सपथ तबसम्म लिनुभएन, जबसम्म उहाँ मन्त्री बन्ने निश्चित भएन। २०६६ मा गृहमन्त्रीको सपथ लिने सुनिश्चित भएपछि तत्कालीन अध्यक्ष झलनाथ खनालले अघिल्लो दिनमात्रै हतारहतार उहाँलाई केन्द्रीय सदस्यको सपथ गराउनुभएको झल्झली संझना भइरहेछ। म पनि त्यो समारोहमा उपस्थित थिएँ।२० बुढापाकाले बा-ह बर्षमा खोलो फर्किन्छ भन्थे, हो रहेछ !

उपाध्यक्ष प्रस्ताव गर्दा अस्वीकार, केन्द्रीय सदस्यको सपथग्रहण गर्नुको साटो आसनग्रहण र अध्यक्षमा पराजय भएपछि रावलजी अब पाँच बर्ष अछाम जिल्ला भागेश्वर कालाआम वडा कमिटीको सदस्य नै बन्न जाने हो त ?