डा दिक्षितको यहि जवाफ खानु रहेछ र प्रचण्डलाई त्यत्ति बोल्नु परेको !

राप्रपा सँग गोत्र मिल्छ भन्ने नेकपा माओवादी केन्द्रका अध्यक्ष पुष्पकमल दहाल प्रचण्डलाई नागरिक समाजका अगुवा एवं वरिष्ठ चिकित्सक डा सुन्दरमणी दिक्षितले मुख भरिको जवाफ दिएका छन् ।

माओको सिद्धान्त बोकेर हिड्ने तर राप्रपा सँग गोत्र मिल्छ भन्दै प्रचण्डलाई अहिले सम्म माओ बाँचेका भए गद्दार घोषणा गरिसक्ने डा दिक्षितले भनेका छन् । हावा र नचाहिने कुरामा गर्नमा प्रचण्डलाई कसैले नसक्ने भन्दै उनले यहाँ भन्दा तल अब उनी गिर्ने ठाउँ नरहेको दाबी गरेका छन् ।

प्रचण्डलाई बोलीको कुनै ठेगान नभएको नेता भन्दै डा दिक्षितले प्रचण्ड जत्तीको जे मन लाग्यो त्यहि बोल्ने र मैले कुन ठाउँमा के बोल्दै छु भनेर होस नपाउँने नेता अरु नभएको बताएका छन् । प्रचण्ड यती गिरिसके की अब यहाँ भन्दा तल जाने ठाउँ छैन । दिक्षितले भनेका छन् ।

ओटीभी नेपाल डटकम सँगको विशेष कुराकानीमा डा दिक्षितले केहि दिन अघि राप्रपाको कार्यक्रममा गएर प्रचण्डले दिएको अभिव्यक्तिले आफु अचम्मीत भएको बताएका छन् । राप्रपा सँग मेरो गोत्र मिल्छ भनेर प्रचण्डले के भनेका हुन् रु यस्तो पनि कहि हुन्छ रु दिक्षितले प्रश्न गरे ।

गोत्र भनेको केहो रु एउटै दाजुभाई सबैभन्दा नजिकको सम्बन्धलाई गोत्र भनिन्छ के प्रचण्डले होसमै यो कुरा बोलेका हुन रु भन्दै दिक्षितले अब उनले म पनि राजवादी हुँ , हिन्दु धर्म ल्याउँने र संघियताको विरोधी हुँ भनेर भन्न सक्नु पर्छ भनेका छन् । होइन भने जे मुखमा आयो त्यहि बोल्न त हुँदै नी दिक्षितको तर्क छ ।

प्रचण्डको स्वभाव नै जता गयो जस्तो खालको मान्छे भेट्यो उसलाई के मन पर्छ त्यस्तै खालको भाषण दियो हिड्यो भन्ने खालको रहेको दिक्षितले बताएका छन् । मैले के बोल्दै छु र यसले कस्तो असर पर्छ भनेर प्रचण्डले अलिकती पनि ख्याल नगर्ने आरोप उनले लगाएका छन् ।

कुराकानीका क्रममा डा दिक्षितले प्रचण्डले एक्लै भेट्ने हो भने पूर्वराजा ज्ञानेन्द्रको खुट्टा ढोग्न सक्ने बताएका छन् । प्राइभेट्ली भेट्ने हो भने प्रचण्डले ज्ञानेन्द्रलाई हात जोडेर सरकार हजुर आइबक्सनु पर्यो हामीले देश चलाउँन सकेनौँ हामी सबै खत्तम भयौँ हजुर आइबक्सनु पर्यो सरकार नभने त के डा दिक्षितले भनेका छन् ।

प्रचण्डको बानी कुरा एउटा काम अर्को गर्ने खालको रहेको दिक्षितले बताए । बोल्दा ख्याल नगरी प्याच्च बोल्दीने भोलीपल्ट अर्को ठाउँमा गएर फेरी अर्कै कुरा गर्ने । केहि समय अघि भारतिय रामदेव बाबालाई क्रान्तिकारी भनेकोमा पनि दिक्षितले आपत्ती जनाएका छन् । योग अध्यात्म बाट आएको रामदेब क्रान्तिकारी हुन्छ रु उनले प्रश्न गरेका छन् ।

रामदेवलाई क्रान्तिकारी भन्दिएको छ ,राप्रपा सँग गोत्र मिल्छ भन्दिएको छ यस बाट के बुझिन्छ भने प्रचण्डले नत धर्म बुझे नत राजनिती बुझे उनले मात्रै हावा गफ गर्न बुझे , प्रचण्डले बन्दुक चलाउँन त सिके उनले राजनिती गर्न सिकेनन् । दिक्षितले भनेका छन् ।

नागरिक समाजका अगुवा वरिष्ठ चिकित्सक डा सुन्दरमणी दिक्षित सँग समसामयिक राजनितीक विषयलाई केन्द्रमा राखेर ओटीभी नेपाल डटकमले गरेको भिडियो कुराकानी हेर्नुहोस्