रामचन्द्र पौडेलले आजै अप्रिय निर्णय लिन सक्ने !

सत्तारुढ दल नेपाली काग्रेसको १४ महाधिवेशन तर्फ सिंगो देशको ध्यान मोडिएको छ । नयाँ नेतृत्व चयनका लागी हुन लागेको महाधिवेशनलाई काग्रेस मात्रै होइन राजनितीमा सामान्य मात्रै पनि चासो राख्ने हर कोहिले नजिक बाट नियालीरहेका छन् ।

काग्रेसको संस्थापन पक्षले वर्तमान सभापती शेरबहादुर देउवालाई नै अर्को कार्यकालका लागी पनी सभापतीको उमेदवारको रुपमा मैदानमा उतारिसेकेको छ भने संस्थापनइतरको पक्षले महाधिवेशन सुरु हुने दिन सम्म पनि साझा उमेदवार तय गर्न सकेको छैन।

महाधिविशेन उद्घाटनको दिन सम्म आइपुग्दा संस्थापन इतरको पक्ष झनै तितरवितर हुने अवस्थामा पुगेको छ । सहमती हुन्छ भने सभापतीको दावी छोड्न सशांक कोइराला र रामचन्द्र पौडेल समेत तयार भएको बेलामा प्रकाशमान सिंह र शेखर कोइरालाले अड्डी नछोडे पछि हलो अह्किएको छ ।

संस्थापन इतरको टिम यस्तो अवस्थामा पुगेका छ की सभापतीको दावेदारी प्रस्तुत गरिरहेका काग्रेस वरिष्ठ नेता रामचन्द्र पौडेलले आजै राजनिती बाट सन्यास घोषणा गर्न सक्ने सम्भावना समेत बढेर गएको छ । सहमती नहुने हो भने राजनितीनै छोड्ने भनेर पौडेलले चेतावनी दिइसकेका छन् ।

हिजो बसेका काग्रेुसको १३ महाधिवेशन बाट निर्वाचित केन्द्रिय समितीको अन्तिम बैठकमा समेत नगएर बोहोराटारमा गुप्तवास बसेका पौडलले आजै अप्रिय निर्णय लिन सक्ने हल्ला काग्रेसमा चलेको छ । आज भृकुटीमण्डपमा हुने उद्घाटन समारोहमा पनि उनी नजान सक्ने बताइएको छ ।

यस्तै पारा हो भने म पार्टीमा बस्दिन, उद्घाटनमा पनि आउँदिनु भनेर चाक्सीवारिबाट निस्किएका नेपाली काँग्रेसका वरिष्ठ नेता रामचन्द्र पौडेल बिहीबार बोहोराटारबाट कतै निस्किएनन्।

कांग्रेसका नेता डा रामशरण महतका अनुसार संस्थापनइतरबाट सभापतिको एकल उम्मेदवार छान्ने प्रयास सफल नभएपछि पिलपिलाउँदो अनुहार बनाएका पौडेल बिहीबारको पार्टी केन्द्रीय समितिको बैठकमा समेत गएनन्। भोलि शुक्रवारबाट पार्टीको १४ औँ महाधिवेशन सुरु हुँदै छ। दिनभर संस्थापनइतरका नेताहरू समूहगत छलफलमा बसे पनि पौडेल कसैको छलफलमा बसेनन्। उनी मोबाइल डाइभर्ट गराएर घरमै बसेका छन्।

शशाङ्क कोइरालाले पौडेल सभापतिको सभापति हुने हो भने आफ्नो समर्थन रहने भने पनि सभापतिका अर्का २ आकाङ्क्षी शेखर कोइराला र प्रकाशमान सिंहले भने मानेका छैनन्। यी दुवै उम्मेदवार बन्ने अडानमा बसेपछि पौडेल समस्यामा परेका हुन्। उनले यी दुईमध्ये एकको नाममा सहमति भए आफू पनि उम्मेदवार नबन्ने बताइसकेका छन्। तर दुवै नेता पछि हट्न राजी भएका छैनन्।

बिहीबार दियालो पार्टी प्यालेस वसुन्धरामा काठमाडौँमा उपलब्ध जिल्ला सभापति तथा आफू निकटका प्रतिनिधि र नेताको भेलामा शेखर सहभागी भएका थिए। त्यहाँ उनी पौडेलप्रति नरमै देखिएका थिए।

भेलामा उनले ‘वरिष्ठताको हिसाबले रामचन्द्रजीको नाममा सहमति हुन्छ भने म बाधक बन्दिन। अन्यथा म ब्याक हुने ठाउँ छैन’ भनेका थिए। तर प्रकाशमान कसैको नाममा ब्याक हुन तयारै छैनन्। उनी ‘सधैँभरि गणेशमान सिंहको परिवारले त्याग गर्नुपर्नेरु कोइराला परिवारले एकपल्ट त्याग गर्न हुँदैन’ भन्दै जुनसुकै हालतमा उम्मेदवार बन्ने अडानमा छन्।

बिहीबार कुनै छलफलै हुन सकेन। केन्द्रीय समितिको बैठकमा पौडेल त गएनन् नै प्रकाशमान पनि गएनन्। पौडेलको सचिवालयका अनुसार उनले बैठकमा नआउने मुख्यसचिव कृष्णप्रसाद पौडेलमार्फत सभापति देउवालाई सूचना पठाइसकेका थिए।

‘बैठकका एजेन्डा पनि जानकारी थिएन। उहाँ आज बैठकमा जानु भएन। यसबारे सभापतिलाई जानकारी थियो,’ पौडेलको सचिवालयले भन्यो। केन्द्रीय समितिको बैठकपछि पार्टी प्रवक्ता विश्वप्रकाश शर्माले भने ‘ उहाँ उद्घाटन सत्रमा पनि आउनु भएन भने दुःखद हुन्छ।’

सभापतिका आकाङ्क्षीहरूको संयुक्त बैठक नबसे पनि समूहगत बैठकहरू भने भइरहे बिहीबार। बिहानै शेखरले आफू निकटकाहरुसँग छलफल गरे। प्रकाशमान पनि दिनभर आफू निकट नेताहरूसँग छलफलमै व्यस्त रहे। केन्द्रीय समितिको बैठकपछि शशाङ्कले समेत आफू निकटहरूलाई बोलाएर बैठक राखेका थिए।

बैठक स्रोतका अनुसार वरिष्ठ नेता भएको र यसभन्दा अगाडि पनि उम्मेदवार बनेकाले यसपालि पौडेललाई समर्थन गरेर अगाडि बढ्ने विषयमा छलफल केन्द्रित भएको थियो। शेखरले समेत पौडेलको नाममा सहमति भए आफू बाधक नबन्ने बताइसक्दा पनि सिंहले नमानेपछि पौडेललाई नै समर्थन गरेर अगाडि बढ्नुपर्नेमा छलफलमा लगभग सहमति बनेको छ।सिंहलाई सभापतिमा सहमति गर्न सकिँदैन। यस्तै अवस्था रहे रामचन्द्र दाइलाई शशाङ्क र शेखरले समर्थन गर्ने सम्भावना छ, बैठक स्रोतले भन्यो।

शेखरले आफ्नो समूहको भेलामा संस्थापनइतर समूहबाट एकल उम्मेदवारको रूपमा पौडेलको नाममा सबैले सर्वसम्मत गरे मात्र समर्थन गर्ने बताएका थिए। सिंहले उम्मेदवारी दिएमा उनी ब्याक भएर पौडेललाई समर्थन गर्ने-नगर्ने भन्ने उनले खुलाइसकेका छैनन्। पौडेलसँगको बिहीबारको भेटमा शेखरले सिंहले पनि माने आफू बाधक नबन्ने तर उनले उम्मेदवारी दिए आफू पनि उम्मेदवार हुने भन्दै सहयोग मागेका थिए। पौडेलले संस्थापनइतरबाट एकल उम्मेदवार नभए आफू उम्मेदवार नबन्ने शेखरलाई बताएका थिए।