शम्भु थापाले केपी ओलीलाई सोधेको त्यो अन्तिम प्रश्न र ओलीको जवाफ

सर्वोच्च अदालतका प्रधान्यायाधिश चोलेन्द्र शमशेर जबरालाई महाअभियोग लगाइदिन हारगुहार गर्दै एमाले अध्यक्ष केपी ओली निवास बालकोट पुगेको नेपाल बार एसोसिएसनको टोली र अध्यक्ष ओलीको वार्तामा केहि रोचक दृश्य देखियो ।

बारको टोलिले एमाले अध्यक्ष ओलीलाई ज्ञापनपत्र बुझाउँदै केहि वरिष्ठ अधिवक्ताहरुले आफ्नो कुराहरु राखेका थिए । विशेष गरि नेपाल बारका पूर्वअध्यक्ष समेत रहेका वरिष्ठ अधिवक्ता शम्भु थापाले निकै भाँती पुर्याएर ओलीको मन जितेर कन्भिीन्स गर्ने प्रयास गरेका थिए ।

सबैका कुरा सुने पछि ओलीले अदालतमा भएका विकृती , देखी मोलतोलाई सम्म र न्यायपालिकाको सुधारका लागी के गर्ने सम्मको रोडम्याप दिए । चोलेन्द्रलाई मात्रै हटाएर न्यायपालिकाको सुधार नहुने प्रष्ट कुरा ओलीले राख्दै परमादेश बाट प्रधानमन्त्री छान्दाको परिणामा आज देखिएको सम्म बताएका थिए ।

ओलीले आफ्ना कुरा राखिसके पछि वरिष्ठ अधिवक्ता थापाले नरम स्वरमा भने त्यसो भए अध्यक्ष ज्यु अब हामी के आश्वासन लिएर फर्कउँ त ? थापाको प्रश्नमा ओलीले भने तपाईहरुले उठाएको कुरा २० प्रतिशत मात्रै पुरा छ १०० प्रतिशतनै बनाएर अघि बढौँ । त्यस पछि थापाको टोली अक्क न बक्क बन्न पुग्यो एक छिन् ।

औपचारिक कुरा सकाएर विदा हुनै लाग्दा जुरुक्क उठेर थापाले एमाले अध्यक्ष ओली सँग फेरी बिन्ती बिसाए ,हामी त मर्मान्त भएका छौँ , केपी ओलीको घर बाट पनि न्याय पाइएन भने हामी कहाँ जाने ? हायल कायल भएका थापाको अनुहारमा हेरेर मुसुक्क हास्दै ओलीले हामी हेर्छौ पार्टीमा छलफल गर्छौ भन्दै टोलिलाई बिदा गराए ।

सर्वोच्च अदालतको प्रधानन्यायाधिश चोलेन्द्र शमेशर जबरालाई पदबाट हटाउँन दिलो ज्यानले लागेको नेपाल बार एसोसिएसनको आन्दोलन लगभग तुहिने अवस्थामा पुगेको छ ।

नेपाल बार एसोसिएसनको अध्यक्ष चण्डेश्वर श्रेष्ठ रहेका छन् तर पनि चोलेन्द्र विरुद्धको आन्दोलननको नेतृत्व अघोषित रुपमा बारका पूर्व अध्यक्ष समेत रहेका वरिष्ठ अधिवक्ता शम्भु थापाले गरेका छन् । थापाले गरेको आन्दोलनको हविगत आज सम्म आइपुग्दा कन्तविजोग भएको छ ।

सुरुमा नेपाल बार एसोसिएन भित्रै सूरु भएको आन्दोलन माइतीघर मण्डला हुँदै सर्वोच्चको गेटमा प्रधान्यायाधिश विरुद्ध धर्ना बसेर उनलाई सर्वोच्च भित्रै छिर्न नदिने हद सम्म पनि पुग्यो तर कुनै पनि कार्यक्रम सफल हुन नसके पछि चालेन्द्रलाई महाअभियोग लगाई दिन प्रमुख राजनितक दलको घरदैलो सम्म पनि गरिसकेका छन् ।

माओवादी केन्द्रका अध्यक्ष पुष्पकमल दहाल प्रचण्ड बाहेक घरलदैलो गरेको कुनै पनि प्रमुख दलका नेताको मुखबाट शम्भु थापाको टिमले सकारात्मक जवाफ पाउँन सकेको छैन । सबैतिर सकाएर अन्तिममा प्रमुख प्रतिपक्षी दल नेकपा एमालेका अध्यक्ष केपी ओलीको दैलोमा गुहार माग्न गएको वारको टोली निरासजनक जवाफ सुनेर फर्किएको छ ।

परमादेश बाट शेरबहादुर देउवालाई प्रधानमन्त्री बनाउँन पनि मुख्य भूमिका सहित वकालत गरेका वरिष्ठ अधिवक्ता शम्भु थापा एमाले अध्यक्ष केपी ओलीको अगाडी लगभग हारेको जुवाडे शैलीमा हात जोडेर उभिएका थिए । उनले निकै भाँती पुर्याएर ओलीलाई कन्भीन्स गरे तर ओलीको प्रश्नका तेजवाण अगाडी सबै निरर्थक भए ।

थापाले ओलीलाई चिल्लो लागाउँन कुनै शब्द बाँकी राखेनन् ,नख्खु देखी पोखरा जे ल सम्म भेटेका स्मरण देखी गत चुनावमा आफु पनि भोट माग्न हिँडेका सम्मका कथा थपााले हालेका थिए । २०२७ साल देखी अनेरास्ववियूमा हिँडेको टोली यहाँ आएको भन्दै उनले ओलीको मन पगाल्न खोजेका थिए ।

सबै कुरा सुने पछि ओलीले न्यायपालिका स्वतन्त्र र निष्पक्ष बनाउँने बारको भावनामा आफु सहमत भएको तर चोलेन्द्रलाई मात्रै हटाएर न्यायपालिका भित्रको फोहोरको डंगुर सफा हुन नसक्ने प्रष्ट कुरा राखेका थिए । बारेले उठाएका सवालहरु २० प्रतिशत मात्रै पुरा भएको भन्दै ओलीले बाँकी ८० प्रतिशत पनि पुरा गरेर अघि बढ्न आग्रह गरेका थिए, त्यस पछि शम्भु थापाहरु नाजवाफ भएका थिए ।

हामीले २० प्रतिशत भए पनि ल्याएका छौँ ८० प्रतिशत पुर्याउँन तपाईले पनि योगदान गर्नु पर्यो केपी ओलीको घरबाट पनि निसाफ पाइएन भने हामी कहाँ जाने रु ख्यालख्याल होइन हामी साँच्चै मर्माहत भएका छौ भनेर शम्भु थापाले फेरी अनुनय विनय गरे । ओलीले ठिक छ फेरी बसौँला भनेर विदा गरे पछि थापा सहितको बारको टोली ननिको अनुहार बनाएर बालेकोटको गेट बाहिर निस्कीएको थियो ।