काग्रेसमा भद्रगोल विश्वप्रकाश शर्माले दिए देउवा प्यानल बाट बाहिरिने चेतावनी !

नेपाली काँग्रेसका प्रवक्ता विश्वप्रकाश शर्माले सभापति शेरबहादुर देउवाको प्यानल छाड्ने चेतवानी दिएका छन् पूर्वमहामन्त्री कृष्णप्रसाद सिटौलानिकट नेता प्रदीप पौडेल देउवा प्यानलबाट महामन्त्रीको उम्मेदवार बन्ने निश्चित भएपछि शर्माले प्यानल छाड्ने चेतवानी दिएका हुन् ।

स्रोतका अनुसार शर्माले संस्थापनइतर समूहको कुनै पनि पक्षबाट महामन्त्रीका लागि स्थान लगभग पक्का गरिसकेका छन् ।झापामा सिटौलासँग आन्तरिक प्रतिष्पर्धा गर्दै आएका शर्माले महामन्त्रीको दाबेदारी प्रस्तुत गर्दै आएका छन् । यद्यपि, उनले महामन्त्रीमा आफ्नो स्थान पक्का भएमा देउवा प्यानलमै रहने भएका छन् ।

यस्तै नेपाली कांग्रेसमा संस्थापनसमूहबाट सभापति शेरबहादुर देउवाको टिममा महामन्त्रीमा डा। प्रकाशशरण महत र प्रदिप पौडेललाई अघि सार्ने तयारी भएको छ ।देउवाले महतलाई महामन्त्री पदमा छानेसँगै महतले औपचारिक रुपमा आज शनिबार बिहान ११ बजे विश्व भाषा क्याम्पसमा पत्रकार सम्मेलन गरेर जानकारी दिने छन् ।

नेता कृष्णप्रसाद सिटौलाले प्रदिप पौडेललाई महामन्त्री उमेदवार बनाउने सर्तमा देउवालाई सहयोग गर्ने प्रतिबद्धता व्यक्त गरेपछि देउवा तयार भएको स्रोतले जनाएको छ । दुई जनालाई महामन्त्री बनाउँदा बाँकी रहेका नेताहरुको असन्तुष्टि बढेको र मिलाउन हम्मे हम्मे देखिएको एक नेताले बताए ।

यस्तै नेपाली काँग्रेसका नेता गोपालमान श्रेष्ठले सभापतिमा उम्मेदवारी दिने भनिए पनि अन्तिम समयमा आएर फिर्ता लिएका छन्। नेता गोपालमान श्रेष्ठले शेरबहादुर देउवालाई समर्थन गर्ने भएका छन् ।

देउवा समूहकै नेता श्रेष्ठले १४ औं महाधिवेशनमा सभापतिको उम्मेदवारी घोषणा गरेका थिए । अन्तिममा आएर श्रेष्ठ देउवालाई समर्थन गर्ने निर्णय पुगेका छन् । शनिबार ९आज० बिहान १० बजेदेखि मनोनयन दर्ता सुरु भएको छ ।​

देउवाले सभापतिमा दोहोरिन चाहेपछि संस्थापन समूहमा पूर्व उपसभापति श्रेष्ठ र उपसभापति विमलेन्द्र निधिले सभापतिमा उम्मेदवारी घोषणा गरेका थिए । श्रेष्ठले देउवालाई समर्थन जनाउने भएपनि निधि भने उम्मेदवारी दर्ताको तयारीमा छन् ।