प्राधिकरण,आयल निगम की वायुसेवामा कुलमान?चौतर्फी डिमाण्ड

सरकारले नेपाल विधुत प्राधिकरणको कार्यकारी निर्देशकमा कुलामान घिसिङलाई नियुक्ती गर्ने चर्चा चले सँगै दैनिक १८ घण्टा लोडसेडिङ बाट मुक्त गरेर उज्यालो नेपालका नायकको रुपमा जनताको माया पाएका कुलमानको चर्चा फेरी एक पटक भएको छ ।

कुलमानलाई नेपाल विधुत प्राधिकरणको प्रमुख बनाउँने चर्चा चलिरहँदा जनताको तहबाट विभीन्न खाले मत प्रकट भएका छन् । कतिपयले कुलमानलाई प्राधिकरणमा होइन नेपाल आयल निगममा ल्याउँनुपर्ने मत राखेका छन् । प्रत्येक हप्ता जस्तो मूल्य वृद्धीको समाचार दिइरहेको निगममा कुलमान आए राहतको श्वास फर्ने पाइने जनतालाई लागेको छ । कुलमान प्राधिकरणको नेतृत्वमा आउँनु अघि प्राधिकरणको अवस्था पनि अहिलेको आयल निगमको जस्तै थियो । नेपाल आयल निगमको खराब समाचार मात्रै सुन्न परेका जनतालाई कुलमान आउँने हो भने पक्का सुधार गर्नेछन् भन्ने लागेको हुनसक्छ ।

कतिपयको भने यस विषयमा भिन्न मत रहको छ । सामाजिक संजालमा आफ्नो मत राख्ने केहिले भने कुलमानलाई नेपाल वायुसेवा निगमको प्रमुखका रुपमा देख्न चाहेको बताएका छन् । बदनाम सरकारी अड्डा मध्ये एक बनको छ ,नेपाल वायुुसेवा निगम, जहिले घाटा र घोटलाको मात्रै समाचार सुन्न विवस जनतालाई कुलमान आए निगम सुधार हुने थियो की भन्ने परेको छ । निजी क्षेत्रका वायु सेवा प्रदायक कम्पनीहरु नाफा रहेको समाचार आइरँदा नेपाल वायु सेवा निगममा भने घाटा र घोटलाका मात्रै खबर आइरहेका छन् । कुलमान आए राष्ट्रिय ध्वजावहाकको इज्जत माथी लाने थिए की भन्ने जनतालाई लागेको छ ।

नेपाल आयल निगम देखी वायु सेवा निगम हुँदै धेरै तिर कुलमानको खोजी भइरहेको छ । एकजना व्यक्तिले चाहेको अवस्थामा जनताको यत्तिको हाइहाई बन्न सकिने रहेछ भन्ने वुझ्दा वुझ्दै पनि अन्य क्षेत्रमा नयाँ कुलमानहरु किन जन्मिन सकेनन् यो बिषय गम्भिर छ । एकजना व्यक्ति प्रति देखीएको यो अभूतपूर्व क्रेजले हाम्रो प्रणाली कुन तहमा पुगेको रहेछ भने प्रष्ट भएको छ ।

सबैतिर कुलमानको खाजी भए पनि नेपाल विधुत प्राधिकरणमा चाँही उनी पुन कार्यकारी प्रमुख भएर आउँने पक्का पक्कीजस्तै भएको छ । प्रधानमन्त्री देउवाले उर्जामन्त्री पम्फा भुसाललाई बोलाएर कुलमानलाई नियुक्ती गर्ने पक्रिया थाल्न निर्देशन दिएका थिए । प्राधिकरणका वर्तमान कार्यकारी निर्देशक हितेन्द्रेव शाक्यले आज पत्रकार सम्मेलन गर्दै सरकारले आफुलाई अन्य कुनै सम्मानजनक ठाउँमा उपयुक्त जिम्मेवारी दिएमा पद छोड्न तयार भएको बताएका छन् ।

हितेन्द्रको यस्तो प्रतिक्रिया सँगे अब बल सरकारको कोर्टमा पुगेको छ । सरकारले साँच्चै नै कुलमानलाई प्राधिरकणको नेतृत्वमा ल्याउँन चाहको हो भने शाक्यलाई तुरुन्त कुनै जिम्मेवारी दिएमा केहि दिनमै कुलमानलाई फेरी नेपाल विधुत प्राधिकरणको कार्यकारीको कुर्सीमा देख्न पाईने छ । स्वयम उनले पनी सरकारले दिने कुनै पनि जिम्मेवारी आफ्ना लागी स्विकार्य हुने र उक्त जिम्मेवारी पुरा गर्न तयार रहको बताई सकेका छन् ।