देउवाले ब्ल्याक्मेलीङ गर्न थाले पछि शेखर कोइरालाले पत्रकार सम्मेलननै गरेर दिए यस्तो दनक

आफु सभापतीमा निर्वाचित नभए भोलीपल्ट बाटै हल्लाखल्ला गरेर प्रधानमन्त्री बाट हटाउँछन् भन्ने शेरबहादुर देउवाको भनाईलाई काग्रेस सभापतीका अर्का उमेदवार शेखर कोइरालाले कडा प्रतिवाद गरेका छन् ।

देउवालाई यस्ता कुरा गरेर भ्रम फिजाउँने काम बन्द गर्न पनि कोइरालाले सचेत गराएका छन् । देउवाले जति सुकै भ्रमको खेती गर्न खोजे पनि अब त्यो कदापी सम्भव नहुने भन्दै कोइरालाले देउवा केहि दिन भित्रै काग्रेसको निर्वमान सभापती हुने ठोकुवा गरेका छन्् ।

कोइरालाले भोलि हुने निर्वाचनबाट नेतृत्व परिवर्तन भइछाड्ने बताएका छन् । सभापतिका अर्का उम्मेदवार शेरबहादुर देउवाले पार्टीमा आफ्नो नेतृत्व नभए सरकार ढल्ने अभिव्यक्ति दिएको भन्दै उनले कटाक्ष गर्दै नेतृत्व परिवर्तन भइछाड्ने बताएका हुन् । देउवाको सो अभिव्यक्तिले आम नेता कार्यकर्तालाई निराश पारेको पनि कोइरालाले बताए ।

आइतबार साँझ राजधानीमा पत्रकार सम्मेलन गरेर उनले भने, ‘म हारेँ भने यो गठबन्धन सरकार जान्छ, भनेर भनिदिनुभयो । साथीहरु म भन्छु, नेतृत्व परिवर्तन हुन्छ हुन्छ हुन्छ।। । सँगसँगै नेतृत्व परिवर्तनपछि गठबन्धन सुदृढ र संगठित भइकन निर्वाचनमा होमिन्छौं । यो सरकारलाई अझ मजबुत गर्ने प्रयास हाम्रो नेतृत्वले गर्छ ।’​

​उनले आफूहरुले गतिशील र ऊर्जाशील काँग्रेस बनाउन गइरहेको पनि बताए । नयाँ विचार र कार्यशैलीबाट अघि बढ्ने प्रतिबद्धता आफूहरुको रहेको उनको भनाइ छ । उनले आफू नेतृत्वमा आए पार्टीका भ्रातृ र शुभेच्छुक संस्थालाई सुदृढ गरेर अघि बढ्ने बताउँदै त्यसलाई क्रियाशील र जिम्मेवार बनाएर लैजाने पनि प्रण गरे । जवाफदेहिता, पारदर्शिता र उत्तरदायित्व पार्टीमा महत्त्वपूर्ण भएको बताउँदै उनले त्यसमा आफू प्रतिबद्ध रहेको पनि बताए ।