अपमान गरिएको भन्दै एमालेका यि प्रभाबशालि नेताले गरे आफुलाइृ दिइृएको पद अश्विकार

नेकपा एमालेका एक नेताले आफुलाई दिईएको पद अश्किार गरेका छन् । एमाले केन्द्रीय सदस्य निरज आचार्यले जाजरकोट जिल्लाको सहइन्चार्ज पद अस्वीकार गरेका छन् ।

अध्यक्ष केपी शर्मा ओलीलाई आइतबारको केन्द्रीय कमिटी बैठकमा आचार्यलाई जाजरकोट जिल्लाको सहइन्चार्जको जिम्मेवारी दिने प्रस्ताव गरेका थिए ।

केन्द्रीय सदस्य आचार्यले महासचिवमार्फत जाजरकोट जिल्लाको सहइन्चार्जको जिम्मेवारी अस्वीकार गर्ने पत्र अध्यक्ष ओलीलाई पठाएको जानकारी दिए ।

‘मलाई पनि जाजरकोट जिल्लामा तीन-चारजना सहइन्चार्ज मध्येमा राखिएको थियो । त्यसमा लिखित रुपले असहमति जनाउँदै अध्यक्षको नाममा महासचिवमार्फत पत्र लेखेर केन्द्रीय कमिटी बैठकबाट बाहिरिएको हुँ,’ उनले भने ।

विगतमा भन्दा केन्द्रीय कमिटीका एजेन्डा व्यवस्थित रूपमा प्रस्तुत गरिए पनि स्थायी कमिटी र पोलिटब्युरो गठन तथा कार्यविभाजन भने व्यक्तिगत रूपमा गरिएको आचार्यको भनाइ थियो । ‘डीएनए परीक्षण गरेर उहिले-उहिले को पक्षमा बोलेको थियो, को विपक्षमा थियो भन्ने हेरेर कार्यविभाजन गरियो ।

त्यो प्रस्ताव स्वीकार गर्न सकिएन,’ आचार्यले भने, ‘केन्द्रीय कमिटीमा मनोनित गर्ने कुनै मापदण्ड, योग्यता, क्षमता, पार्टीमा काम गरेको इतिहासको ख्याल गरिएन । पार्टी निर्माणमा लागेका भन्दा पनि नेताका घर-घरमा जानु र चाकडी गर्नुलाई आधार बनाइयो ।’

अध्यक्ष ओलीको कार्यविभाजनको प्रस्तावको उपाध्यक्षहरू अष्टलक्ष्मी शाक्य, युवराज ज्ञवाली, सुवासचन्द्र नेम्वाङ, सुरेन्द्र पाण्डे, उपमहासचिव पृथ्वीसुब्बा गुरुङ, सचिव योगेश भट्टराईलगायतले असन्तुष्टि जनाएको आचार्यले जानकारी दिए । केन्द्रीय सदस्यहरूले पनि उक्त प्रस्तावको विरोध गरेको उनको भनाइ थियो ।

पोलिटब्युरो र स्थायी कमिटी गठनमा नेताहरूलाई घोर अपमान गरिएको आचार्यको भनाइ थियो ।