केहि बेरमा बोल्ड डिसिजन गर्ने तयारीमा शेखर कोइराला !

नयाँ नेतृत्व चयनका लागी भइरहेको नेपाली काग्रेसको १४ औँ महाधिवेशनमा शेरबहादुर देउवा पुन सभापती निर्वाचित हुने पक्का भए पछि सभापतीका अर्का प्रत्यासी शेखर कोइराले बोल्ड डिसिजन गर्ने तयारी गरेका छन् ।

चुनाव हार्ने पक्का भए पछि हार्ने चुनाव नलड्नेकी नलड्ने भनेर कोइरालले आफ्नो टिम सँग छलफल अघि बढाएका छन् । प्रकाशमान सिंह र विमलेन्द्र निधीले देउवा सँग घुँडा टेकेर तुमशरणम् गरे पछि कोइरालाले दास्रो चरणको निर्वाचन नगरी देउवालाई समर्थन गर्न सक्ने पनि बताइएको छ।

हाल सम्म कोइराला बाहेक सभापतीका सबै उमेदवारहरुले देउवालाई सभापतीमा समर्थन गरिसकेका छन् । यस्तो अवस्थामा पुन मतदान गर्नु भन्दा देउवालाईनै सर्वसम्मत बनाउँनु पर्छ भन्ने मत पनि कोइराला टिममा उठ्न थालेको छ एक थरीले भने जती मत आए पनि प्रतिष्पर्धा गर्नु पर्ने आत्मसमर्पण गर्न नहुने तर्क पनि दिएका छन् ।

नेपाली कांग्रेसको सभापति चयनको लागि दोस्रो चरणमा निर्वाचन हुँदैछ। पहिलो चरणमा कसैले पनि बहुमत ल्याउन नसकेपछि दोस्रो चरणमा शेरबहादुर देउवा र डा। शेखर कोइरालाबीच प्रतिष्पर्धा हुँदैछ । तर, दोस्रो चरणको निर्वाचन हुनुभन्दा अघि नै शेखरबाहेक सभापतिका सबै उम्मेदवारको समर्थन देउवाले पाएका छन् ।

दोस्रो चरणमा निर्वाचन हुने भएपछि देउवा र शेखर दुवैको सक्रियता बढेको थियो । तर, सभापतिका उम्मेद्धवार प्रकाशमान सिंह, विमलेन्द्र निधि र कल्याणकुमार गुरुङले सभापतिमा देउवालाई सघाउने निर्ण गरिसकेका छन् । पहिलो चरणमा देउवाभन्दा ५ सय बढि मतले पछि परेका शेखर दोस्रो चरणमा पराजित हुने निश्चित् भएपछि अहिले उक्त समूहमा सर्वसम्मत् रुपमा देउवालाई सभापति बनाउनेबारे छलफल भएको बुझिएको छ ।

शेखरको टिमबाट उपसभापतिका उम्मेद्धवार रहेका डा। चन्द्र भण्डारीले अहिले आफ्नो समूह आन्तरिक छलफलमा रहेको जनाए । पत्रकार ऋषि धमलासँगको संक्षिप्त कुराकानीमा उनले सभापतिको लागि सकेसम्म दोस्रो चरणको निर्वाचनमा नजानेबारे छलफल भएको जनाए ।

उनले चुनावमा जाँदा पार्टीभित्र अब फाटो आउने भन्दै सकेसम्म देउवालाई सर्वसम्मत् सभापति बनाउनेबारे छलफल भैरहेको बताए । यसअघि पहिलो चरणमा देउवाले २२५८, शेखरले १७०२, प्रकाशमान सिंहले ३७१, विमलेन्द्र निधिले २५० र कल्याणकुमार गुरुङले २२ मत प्राप्त गरेका थिए ।