ओली सँगको टक्कर प्रचण्डलाई निकै महंगो पर्ने संकेत, एमालेले चर्कायो यो बिषय

प्रमुख प्रतिपक्षी दल नेकपा एमालेले सत्तारुढ दल नेकपा माओवादी केन्द्रका अध्यक्ष पुष्पकमल दहाल प्रचण्ड र पूर्वराजा ज्ञानेन्द्र शाह विच भएको भनिएको पाँच बुँदै सम्झौताको बिषयलाई चर्र्काउँने संकेत गरेको छ ।

केहि दिन अघि एमाले अध्यक्ष ओलीले मिति नै तोकेर पूर्वराजा ज्ञानेन्द्र र तत्कालिन विद्रोही पार्टी माओवादीका अध्यक्ष प्रचण्डका विचमा पाँच बुँदै सम्झौता भएको र त्यो सार्वजनिक हुन पर्ने बताएका थिए ,ओलीले अचानक यस्तो कुरा झिके पछि झस्किएका प्रचण्डले विज्ञप्ती जारी गरेर खण्डन गरेका छन् तर पनि एमालेले यो कुरा चर्काउँदै लगेको छ ।

एमाले नेताहरुले सार्वजनिक अभिव्यक्तिहरुमा प्रचण्ड र ज्ञानेन्द्र विचको सम्झौताको प्रमाण भएको बताइरहेका छन् । प्रचण्डले एक विज्ञप्ती जारी गरेर केपी ओलीलाई विदेशीको एजेण्टनै भने पछि एमालेहरु थप आक्रोसित देखिन्छन् । माओवादी केन्द्रका अन्य पंक्तिले यो बिषयमा खासै प्रतिवाद गर्न सकेको छैन ।

यसै विच एमाले महासचिव शंकर पोखरेलले सञ्चारकर्मीहरूलाई पूर्वराजा ज्ञानेन्द्र शाह र माओवादी केन्द्रका अध्यक्ष पुष्पकमल दाहाल ‘प्रचण्ड’ बीच भएको भनिएको सहमति खोजेर सार्वजनिक गरिदिन आग्रह गरेका छन् । शुक्रबार पार्टी केन्द्रीय समितिका निर्णय सार्वजनिक गर्न आयोजित पत्रकार सम्मेलनमा महासचिव पोखरेलले सञ्चारकर्मीहरूलाई यस्तो आग्रह गरेका हुन् ।

केही दिनअघि एमाले अध्यक्ष केपी शर्मा ओलीले पूर्वराजा ज्ञानेन्द्र शाह र प्रचण्डबीच २०६० साल मंसिर १८ गते सहमति भएको बताएका थिए । ओलीको उक्त अभिव्यक्तिको पुष्टि गर्ने आधार केही छ भनेर महासचिव पोखरेललाई सञ्चारकर्मीले गरेको प्रश्नमा उनले भने, ‘हामी पुराना कुरा बिर्सन्छौ ।

माघ १९ को घटना पछाडि माओवादीका तर्फबाट आधिकारिक रुपमा सार्वजनिक गरिएको वक्तव्यले नै त्यो कुरालाई संकेत गरेको छ, त्यो हामीले बताइरहनुपर्ने विषय होइन’, पोखरेलको भनाइ छ । उनले माघ १९ पछि माओवादका तर्फबाट आधिकारिक रुपमा संंप्रेशित वक्तव्य र उहाँहरुले गरेका अनुभूति बाटै त्यसबारे अनुमान लगाउन सकिने बताए ।

‘त्यसमाथि बाबुराम र प्रचण्डका बीचमा भएको अन्तरकलहमा उहाँहरुले सार्वजनिक गरेका विचारहरूले पनि सबै कुरा बाहिर ल्याएको छ’, पोखरेलको भनाइ छ । साथै उनले यो विषय सञ्चारकर्मीहरुले खोजेर बाहिर ल्याउन आग्रह समेत गरे ।

‘यो विषय त म के ठान्छु भने तपाइहरुजत्तिको अनुसन्धान गर्ने, स्रोतमा पहुँच राख्ने साथीहरुले बाहिर ल्याइदिनुभयो भने हामीलाई सजिलो हुन्छ, किनकि राजनीतिक दलभित्र एकले अर्कालाई भनिरहने भन्दा आधार हामीले प्रदान गरेका छौ, पुस्ट्याई गर्दिने कुरा तपाइँहरुको पनि हो भन्ने लाग्छ, किनकि त्यो गलत कुरा होइन’, महासचिव पोखरेलको आग्रह छ ।