एमालेमा भिम रावललाई यती गर्न बाँकी थियो त्यो पनि ओलीले गरे !

नेकपा एमालेको दशौँ राष्ट्रिय महाधिवेशनमा अध्यक्षमा केपी ओली सँग प्रतिष्पर्धा गरेका भिम रावललाई ओलीले कागती निचोरे जसरी निचोर्न थालेका छन् ।

अध्यक्षमा पराजित भएका रावललाई अहिले सम्म कुनै पनि जिम्मेवारी दिइएको छैन , त्यत्ति मात्रै होइन रावलको जिम्मेवारी के हो भनेर सोध्दा एमाले महासचिव शंकर पोखरेलले रावल अहिले सल्लाहकार परिषदको सदस्य भएको प्रतिक्रिया दिएका छन् । यो भन्दा रावललाई हेपेको वचन अरु हुन नसक्ने चर्चा एमाले वृतमा चल्न थालेको छ ।

केन्द्रमा कुनै जिम्मेवारी नपाएका रावललाई आफ्नै गृहजिल्ला अछाममा पनि केपी ओलीले छिर्के हानेका छन् । रावलको गृहजिल्ला अछाममा इन्चार्ज र सहइन्चार्जमा रावल विरोधीहरुलाई जिम्मेवारी दिइएको छ । लेखराज भट्ट सँगै माओवादी केन्द्रबाट एमालेमा आएका झपटबहादुर बोहरालाई ओलीले अछाम इन्चार्ज बनाएका छन् ।

१०औं महाधिवेशनबाट केन्द्रीय सदस्य निर्वाचित बोहरालाई २५ र २६ मंसिरमा भक्तपुरमा बसेको केन्द्रीय समितिको दोस्रो बैठकले अछामको इन्चार्जको जिम्मा दिएको हो।ओलीनिकट सांसद यज्ञ बोगटी सहइञ्चार्ज बनेका छन् । उनले रावलको चर्को आलोचना गर्दै आएका छन्।

ओलीसँग अध्यक्षमा प्रतिस्पर्धा गरेका डा भीमबहादुर रावलको गृहजिल्लामा पूर्वमाओवादी नेता बोहराले जिम्मेवारी पाउनुलाई अर्थपूर्ण रुपमा हेरिएको छ।सुदूरपश्चिम सरकारमा तत्कालीन समयमा आर्थिक मामिला तथा योजनामन्त्री रहेका बोहरा नेकपा पार्टी विभाजनपछि लेखराज भट्टसँगै एमाले प्रवेश गरेका थिए।

जसरी केन्द्रमा लेखराजले एमाले र ओलीका लागि मन्त्री तथा सांसद पद गुमाए, त्यसैगरी बोहराले प्रदेशमा मन्त्रीका साथै प्रदेश सांसद पनि गुमाउने गरी एमाले प्रवेश गरेका थिए।

१०औं महाधिवेशनअघि सुदूरपश्चिम इन्चार्जमा भीम रावल कि लेखराज भट्ट भनेर विवाद जारी थियो । १०बुँदे गरेर एमालेमै रहेका रावलले आफूलाई इन्चार्ज दाबी गर्दै आएका थिए भने अध्यक्ष ओलीले लेखराजलाई जिम्मेवारी दिएका थिए। इन्चार्जलाई लिएर रावल र भट्टबीच विवाद नै भएको थियो।

तर १०औं महाधिवेशनपछि भट्ट औपचारिक रुपमै इन्चार्ज तोकिएका छन् भने रावल पार्टीको कुनै जिम्मेवारीमा छैनन्।रावलको पछिल्लो भूमिकाप्रति ओलीका साथै भट्ट पनि असन्तुष्ट छन् । ओलीलाई चुनौती दिने रावललाई साइजुमा ल्याउन लेखराजनिकट बोहरालाई रावलको गृहजिल्लामा इन्चार्ज बनाइएको एमालेवृत्तमा चर्चा छ।

१०औं महाधिवेशनअघि अछाममा रावलनिकट शेरबहादुर कुँवर अध्यक्ष थिए। रावलनिकट संघीय सांसद झपटबहादुर रावललाई भने खानेपानी तथा सरसफाई विभागको प्रमुख बनाइएको छ।