एमसीसीको विरोध नगर्न चित्रबहादुर केसीलाई करोडौँको अफर , अफर लिएर आउँनेको अनुहार पर्दाफास गरिदिए

लामो समय देखी एमसीसीको विरोध गदै आएको राष्ट्रिय जनमोर्चा का अध्यक्ष चित्रबहादुर केसीलाई एमसीसीको विरोध नगन ठूलो प्रलोभन आएको खुलासा भएको छ ।

अध्यक्ष केसी स्वयमंले यस्तो खुलासा गरेका छन् । अहिले सम्म एमसीसीमै काम गर्ने विदेशीले ठाडै प्रस्ताव राख्न नसके पछि एमसीसीका केहि नेपाली दलालहरुले प्रलोभन देखाएर आफुलाई प्रभाव पार्न खोजेको केसीले खुलासा गरेका छन् ।

आफुले विश्वासनै गन नसक्ने वुद्धिजिवीको आवरणमा रहेका केहि मानिसहरु समेत विभिन्न अफर लिएर भेट्न आएको केसीले जिकिर गरेका छन् । यस्ता यस्ता मान्छे पनि एमसीसीका दलाल रहेछन् भनेर आफुलाई ताजुब लागेको उनले बताएका छन् । जनमोर्चाले कुनै पनि हालतमा एमसीसीलाई समर्थन गर्न नसक्ने पनी केसीले उद्घोष गरेका छन् ।

प्रधानमन्त्री शेरबहादुर देउवाले आइतबार अपरान्ह ४ बजे बोलाएको बैठकअघि बस्न लागेको सत्ता गठबन्धनको बैठकमा नै एमसीसीको पक्षमा जनमोर्चा नरहेको सन्देश पुनः दिने जनाएका छन् ।

‘जनमोर्चाको पहिलादेखि नै स्पष्ट धाराणा के हो भने चीन विरोधी क्याम्पमा नेपाललाई लैजान एमसीसी ल्याइएको हो । अनुदानको नाममा साम्राज्यवादी शक्ति अमेरिकाको षडयन्त्रमा नेपाल फस्नु हुदैन,’ केसीले भने, ‘यो नेपालको विकासका लागि होइन, आफ्ना गतिविधि बढाउन लागि ल्याइएको एमसीसीको पक्षमा कुनै नेपाली छैनन् ।’

प्रधानमन्त्री देउवाले एमसीसी पारित गर्ने प्रयास गरेमा सत्ता गठबन्धनबाट जनमोर्चा अलग्गिन सक्ने उनको चेतावनी छ । अमेरिकी अनुदान एमसीसी पारित गराउनका लागि आफूलाई दबाब र फकाउने दुवै काम गरिरहेको केसीले जानकारी दिएका छन् ।

‘एमसीसीका प्रतिनिधिले त मलाई भेटेका छैनन्, तर एमसीसीको नेपाली दलालहरू भने म भएको ठाउँमा आउँछन, कतिपय त बुद्धिजीवीहरू नै लागेको देख्दा अचम्म लाग्छ,’ केसीले भने, ‘फकाउने र दबाब दिने दुवै काम गरे पनि म भने डग्मगाएको छैन, हामी विरोधमा नै छौँ ।’

केसी निवासमा एमसीसीको प्रतिनिधि बनेर को को नेपाली बुद्धिजीवी आएका थिए रु त्यो भने उनले खुलाउन अझै चाहेनन् । यति मात्र भने, ‘तिनलाई चिन्ने मौका पाइएको छ, समय आए पछि भनौंला ।’काउनका अनुसार सम्पूर्ण नेपाली एमसीसीको विरोधमा भएकाले संसदवाट पारित हुने अवस्था छैन ।