रामहरी खतिवडाको राजनिती चम्कीयो ,अर्को महत्पुर्ण जिम्मेवारी दिँदै देउवा !

नेपाली काग्रेसका लोकप्रिय युवा नेता रामहरी खतिवडाले राजनितीमा कमाल गरेका छन् । भेट्रान मानिएका कतिपय पुराना नेताहरुलाई समेत पछि मार्दै लोकप्रिय मत सहित केन्द्रिय सदस्यमा निर्वाचित भए पछि अहिले उनको चर्चा चुलिएको छ ।

प्रष्ट वक्ता र आकर्षक व्यक्तित्वले भरिपुर्ण भएका खतिवडाले सानदार मत सहित काग्रेस केन्द्रिय सदस्यमा बाजी मारे पछि देशभरका काग्रेस कार्यकर्तामा खुशियाली छाएको छ । नयाँ पुस्ताको लागी क्यावात काग्रेस र पुरानो पुस्ताका लागी स्याबास काग्रेस बनाउँछु भन्ने नारा सहित चुनावी मैदानमा होमिएका खतिवडालाई महाधिवेशन प्रतिनिधीहरुले भारी मत सहित अनुमोदन गरेर पठाएका छन् ।

ओखलढुंगा जिल्लाबाट संघिय संसदको निर्वाचनमा प्रतिष्पर्धा गर्ने गरेका खतिवडा जिल्ला भित्र निकै लोकप्रिय मानिन्छन् । २०७० सालको निर्वाचनमा प्रत्यक्ष निर्वाचित भएर आएका उनले संसद भित्र खेलेको भूमिका निकै चर्चामा आएको थियो । निरन्तर संसद जाने र जनताको आवाज बोलेर मन जितेका खतिवडाले यस पटक देशभरका काग्रेस प्रतिनिधीको मन जित्न सफल भएका छन् ।

केन्द्रिय सदस्यमा भारी मतले खतिवडा निर्वाचित भएर आए पछि अब उनलाई पार्टीको महत्पुर्ण भूमिका दिन काग्रेस सभापती एवं प्रधानमन्त्री शेरबहादुर देउवा सकारात्मक रहेको बताइएको छ । कतिपय युवा नेताहरुले अप्ठेरो परेका बेला देउवाको उछितो काटेका थिए भने खतिवडाले निरन्तर देउवालाई काँध हालेका छन् ।

देउवा निकट विश्वस्त स्रोतले ओटीभी नेपाल डटकमलाई दिएको सुचना अनुसार सभापती देउवाले नेता खतिवडालाई यस अघि विश्वप्रकाश शर्माले सम्हाल्दै आएको प्रवक्ताको जिम्मेवारी दिने तयारी गरेका छन् । काग्रेस महामन्त्रीमा निर्वाचित भए पछि प्रवक्ताको जिम्मेवारी बाट अलग भएको घोषणा शर्माले गरिसकेका छन् ।

राम्रो सँग बोल्न सक्ने ,मिडिया फ्रेण्डली र पार्टीको पक्षमा दरो खरो रुपमा बोल्न सक्ने ओजपुर्ण व्यक्तित्व भएका खतिवडालाई प्रवक्ताको जिम्मेवारी दिँदा राम्रो सँग पुरा गर्न सक्ने विश्वास देउवाले लिएको स्रोतले दावी गरेको छ । गगन र विश्वप्रकाशहरुले महामन्त्री भए पछि के के सम्म गर्ने हुन् भन्ने शंशयले पनि देउवाले खतिवडा जस्ता युवालाई महत्पुर्ण जिम्मेवारी दिएर अघि बढाउँने तयारी गरेको बताइएको छ।

पटक पटक केन्द्रीय सदस्य र मन्त्री बनेका नेताहरुलाई पछि पार्दै खतिवडाले पाचौं लोकप्रिय मत प्राप्त गरेर काग्रेस केन्द्रिय सदस्यमा निर्वाचित भएका थिए ।आइतवार सार्वजनिक अन्तिम नतिजामा खतिवडाले २ हजार ८ सय ३२ मत प्राप्त गरेका हुन् ।