चाप्लुसीवाजहरुले थाङ्नामा सुताएको पत्तै पाएनन् देउवाले

सरकार बनेको एक महिना सम्म पनि मन्त्रीपरिषद विस्तार गर्न नसकेर चौतर्फी आलोचनाको सिकार भइरहेका प्रधानमन्त्री देउवा आफ्नै नजिकका मान्छेले उल्टो वुद्धि लगाएर फसाउँदा फेरी एक पटक लजाउँनु पर्ने अवस्थामा पुगेका छन् । शक्तीको भक्ती गर्नेहरुले के कति सम्म गर्न सक्छन् भन्ने कुराको गतिलो प्रमाण अहिले देखीएको छ , ‘मलाई शेरबहादुर देउवा मनपर्छ किनभने’ प्रकरण ।

जब कुनै व्यक्तिको स्वस्फुर्त प्रशंसा हुन्छ, त्यो प्रशंसाले उसको कद बढाउँछ। तर जब व्यक्ति सुनियोजित रूपमा आफ्नो प्रशंसाको पुल बाँध्न थाल्छ तब त्यसले उसको कद बढाउँदैन, बरू ऊ समाजमा खिसीट्युरीको विषय बन्छ। अहिले ठ्याक्कै यस्तै भएको छ शेरबहादुर देउवाको हकमा । देउवाको वरिपरि घुमेर चाप्लुसी गर्नेहरुले देउवालाई आइडिया दिए मलाई शेरबहादुर देउवा मनपर्छ किनभने भन्ने भिडियो स्तम्भ बनाउँने,आलोचना मात्रै भएको अवस्थामा आइडिया देउवालाई पनि गजब लाग्यो र भिडयो बन्न थाल्यो देउवा झसंग तव भए अरु त अरु नेपाली काग्रेसकै मान्छेले गाइजात्रे पारा भनेर आलोचना गर्न थाले ।

देउवाको बखानमा केहि भिडियाहरु बनिसकेका छन् । भिडियो हेर्दा यस्तो लाग्छ की उनी मानव होइन महामानव हुन् भगावनले ठूलो कृपा गरेर नेपाल मा पठाइदिएका हुन् ।पहिलो भिडिओ एक साताअघि आएको थियो जसमा डडेलधुराका तीर्थ शाहीले देउवालाई बिपी कोइरालासँग दाँजेका थिए। उनले भिडिओमा भनेका थिए, ‘बिपी कोइराला शेरबहादुर देउवालाई बिना श्रीपेचका राजकुमार हुन् भन्नुहुन्थ्यो।’

त्यसको केही दिनमै बुधबार दिउँसो फेरि अर्को भिडिओ सार्वजनिक भयो।माइती नेपालकी अध्यक्ष तथा बागमती प्रदेशकी पूर्वप्रमुख अनुराधा कोइरालाले भिडिओमा देउवाको गुणगान गाउँदै भनेकी छन्, ‘शेरबहादुरजी २४ सै घन्टा पार्टीको लागि काम गर्ने, सबै असन्तुष्ट व्यक्तिलाई मिलाउने दृढता भएको मान्छे हो।’ अुनराधा कोइराला तिनै व्यक्ति हुन् जसलाई शेरबादुर देउवाले अघिल्लो पटक प्रधानमन्त्री हुँदा वाग्मती प्रदेशको प्रदेश प्रमुख बनाएका थिए । कोइरालाले यति मजाले देउवाको बखान गाएकी छिन् की त्यो हेर्दा शेरबहादुर देउवा जत्तिको प्रधानमन्त्री पाउँनु हामी नेपालको ठूलो सौभाग्य हो ।

भिडिओमा व्यक्त बखानलाई कसैले गम्भीरतापूर्वक लिएको पाइँदैन। बरू धेरैले यी भिडिओलाई हाँसोमा उडाइरहेका छन्। प्रधानमन्त्रीले आफ्नो आत्मप्रशंसामा एकपछि अर्को भिडिओ बनाउनु र त्यसलाई सामाजिक सञ्जालबाट सार्वजनिक गर्नुमा धेरैले झर्को मानेका छन्।

यसै क्रममा डाक्टर रामेश कोइरालाले बिहीबार नै देउवाको ‘प्रोपोगान्डा’ भिडिओ माथि व्यंग्य गर्दै ‘मलाई शेरबहादुर देउवा मनपर्छ किनभने ..’ भन्ने शीर्षकमै आफ्नो भिडिओ हालेका छन्। त्यसमा उनले देउवाको आत्मप्रशंसामूलक प्रचार शैलीमाथि तीखो टिप्पणी गरेका छन्।मलाई शेर बहादुर देउवा मन पर्छ, किन भने उहाँ नेपाली जनताको समृद्धिका लागि अहोरात्र खट्न सक्ने अद्‌भूत क्षमताको मानिस हुनुहुन्छ। केपी ओलीजी, प्रचण्डजी र शेर बहादुरजी मेरालागि उस्तै उस्तै महानायक हुनुहुन्छ।