कि तपाई फाइनल डिसिजन गर्नुस कि म गर्छु भन्दै देउवाले प्रचण्डलाई दिए अल्टीमेटम !

कुनै पनि हालतमा तत्काल एमसीसी पास गर्ने गरी अघि बढेका प्रधानमन्त्री शेरबहादुर देउवाले सत्तासाझेदार प्रमुख दल नेकपा माओवादी केन्द्रका अध्यक्ष पुष्पकमल दहाल प्रचण्डलाई फाइनल डिसिजन दिन अल्टीमेटम दिएका छन् ।

प्रचण्डले एमसीसी रोक्ने खेल तिरै लागेको भन्दै देउवाले अब कुरा के हो कित्ता क्लियर गर्न प्रचण्डलाई भनेको बताइएको छ । विश्वस्त स्रातले दिएको जानकारी अनुसार प्रचण्डलाई देउवाले कि तपाइ डिसिजन गर्नुुस कि म फाइनल डिसिजन गर्छु भनेर तर्साएका छन् ।

एमसीसी पास गर्न सहयोग नगर्दा गठबन्धननै धरापमा पर्ने र पास गराउँन लाग्दा माओवादी पार्टीनै धरापमा पर्ने भए पछि प्रचण्ड निकै चेपुवामा परेका छन् । माओवादी केन्द्र भित्र ठुलो मत एमसीसी विरोधी देखा परे पछि पार्टी भित्र बाट पक्षमा निर्णय गराउँन प्रचण्ड सकसमा परेका छन् भने गठबन्धन कायम राख्न नसक्दा चुनावमा धुलोपिठो बनिने डरले देउवालाई विच्काउँन पनि उनले सकेका छैनन् ।

अमेरिकी सहयोग सम्बन्धी एमसीसी संसदबाट पारित हुने या नहुने चाँडै टुंगो लाग्ने भएको छ । प्रधानमन्त्री शेरबहादुर देउवाले एमसीसीबारे सहमतिको प्रयासलाई गति दिएका छन् । तर, सत्ता गठबन्धनभित्रै एमसीसीको विपक्षमा मत बलियो भएको छ ।

एमसीसीबारे साझा धारणा बनाउन सत्ता गठबन्धनले बनाउन अध्ययन समिति बनाएको छ । समितिमा काँग्रेसबाट ज्ञानेन्द्रबहादुर कार्की, माओवादी केन्द्रबाट नारायणकाजी श्रेष्ठ र नेकपा एकीकृत समाजवादीबाट झलनाथ खनाल छन् । खनालले नेकपा छँदै अध्ययन कमिटीको संयोजक बनेर एमसीसी पारितको विपक्षमा सुझाव दिइसकेका छन् । श्रेष्ठ पनि विपक्षमा छन् । कार्की भने एमसीसीको पक्षमा छन् । उनी अर्थमन्त्री छँदा एमसीसी सम्झौता भएको थियो ।

अध्ययन समितिको बनोटले पनि एमसीसी पारित गर्नेतर्फ मतैक्यताको सम्भावना कमजोर छ । खनाल र श्रेष्ठले पनि त्यसलाई स्वीकार्ने छैनन् । यसकारण पनि एमसीसी यही गठबन्धनले पारित गर्ने सम्भावना कमजोर छ ।

माओवादी अध्यक्ष पुष्पकमल दाहाल प्रचण्डले नेकपा एमालेमाथि सत्ता गठबन्धत तोड्ने खेलमा लागेको आरोप लगाएका छन् । एमालेले काँग्रेसलाई एक्लै सत्ता चलाउन दिने प्रस्ताव गरेको उनको सनसनीपूर्ण भनाई बाहिर आएको छ । एमसीसी सत्ताको खेलको अस्त्र बनेर आएको छ । सत्ता गठबन्धन धरापमा परेको संकेत प्रचण्डको भनाईबाट बुझ्न सकिन्छ ।

एमाले अध्यक्ष केपी शर्मा ओलीले काँग्रेससँग सहकार्यको सम्भावना औल्याएका छन् । उनले एमसीसीबारे गठबन्धनले धारणा सार्वजनिक गरेपछि गर्ने भनेका छन् । माओवादी र नेकपा एस एमसीसीको विपक्षमा उभिएमा एमाले काँग्रेससँग एमसीसीको पक्षमा आउनसक्ने सम्भावना छ । त्यतिबेला देशमा ठूलै राजनीतिक कम्पन आउनसक्छ । गठबन्धन नै भत्कन सक्छ ।

नेकपा एसका अध्यक्ष माधवकुमार नेपालले पनि एमसीसीमा त्रुटी कमजोर छन् भने सच्याएर मात्रै अगाडि बढ्नुपर्ने बताएका छन् । उनले घुमाउरो तरिकाले एमसीसी पारितको विपक्षमा आफूलाई प्रस्तुत गरेका छन् । प्रचण्ड र माधव नेपालको भनाईले पनि सत्ता गठबन्धनका घटक माओवादी र नेकपा एस एमसीसीको पक्षमा आउने सम्भावना कमजोर छ । देउवासामु एमसीसी पारित गर्नुपर्ने चुनौती छ ।

सत्ता गठबन्धनबाट एमसीसी पारित गर्नेमा साथ नमिले देउवा सामु कि ब्याक हुनुपर्ने कि जर्बजस्ती अगाडि बढ्नुपर्ने चुनौती छ । उनले अगाडि बढ्न नेकपा एमालेलाई साथ लिनुपर्ने हुन्छ । त्यतिबेला गठबन्धन भत्कने देखि महाभियोगका प्रस्तावहरु पनि जानसक्छ । अब एमसीसीको विषयले देउवा अप्ठ्यारोमा परेका छन् । उनका सामु कठोर निर्णय लिएर बढ्ने या सत्ता गठबन्धन जोगाउन ब्याक हुनेबाहेक विकल्प छैन । सत्ता गठबन्धन यसकारण पनि धरापमा परेको देखिन्छ । एमसीसीका कारण देउवा कठोर निर्णयको तयारीमा बढेको बुझिएको छ ।