रामचन्द्रका सम्धी र विद्या भण्डारीकी सम्धीनीले जे नहोस् भन्ने चाहेका थिए त्यहि भयो ..

नयाँ नेतृत्व चयनका लागी भएको नेपाली काग्रेसको १४ औँ महाधिवेशनमा भएको निर्वाचनको मत परिणाम आउँने क्रम जारी छ । केहि परिणामहरु भने सबैको ध्यान तान्ने खालको आएको छ ।

निर्वाचनमा प्रतिष्पर्धा गरे पछि हारजीत स्वाभाविक हुन्छ तर पनि निर्वाचनको मैदानमा उत्रि सके पछि जितौँनै भन्ने चाहना त हर कोहि उमेदवारमा हुने नै भयो । काग्रेसको महाधिवेशनमा वरिष्ठ नेता रामचन्द्र पौडेलका सम्धी तारिणी दत्त चटौत र राष्ट्रपती विद्यादेवी भण्डारीकी सम्धीनीकिरण यादवले भने जे नहोस् भन्ने चाहेका थिए त्यहि भएको छ ।उनीहरु दुवै जना केन्द्रिय सदस्यमा पराजित भएका छन् ।

नेपाली कांग्रेसको ३५ जना खुला केन्द्रीय सदस्य पदमा पूर्वमन्त्री तारिणी दत्त चटौत पराजित भएका छन् । १४औं महाधिवेशनमा ९९ जना उम्मेदवारमध्येका एक पूर्वमन्त्री ३५ जनाभित्र पर्न असफल भएका हुन् ।

कञ्चनपुर सदरमुकाम महेन्द्रनगर निवासी चटौत कांग्रेस वरिष्ठ नेता रामचन्द्र पौडेलका सम्धी हुन् । चटौत गिरिजाप्रसाद कोइरालाको सरकारमा संस्कृति, पर्यटन तथा नागरिक उड्डयन राज्यमन्त्री थिए । उनी त्यतिखेरको चर्चित लाउडा जहाज प्रकरणमा पनि मुछिएका थिए ।

कांग्रेसमा विगतमा कोइराला र हाल पौडेल समूहमा रहेका चटौतले ८२२ मत पाएका छन् ।चटौत १३औं महाधिवेशनमा रमेश लेखकसँग महाधिवेशन प्रतिनिधिमा पराजित भएका थिए ।

त्यसै गरि केन्द्रीय सदस्यमा वर्तमान केन्द्रीय सदस्य किरण यादव पराजित भएकी छन् । १४ औं महाधिवेशनमा मधेसी महिलातर्फ केन्द्रीय सदस्यको उम्मेदवार बनेकी उनी पराजित भएकी हुन् ।

पूर्वराष्ट्रपति तथा काँग्रेसका पूर्वमहामन्त्री रामवरण यादवकी भतिजी समेत रहेकी किरण ४ जना मधेसी तर्फको महिला केन्द्रीय सदस्यमा अटाउन सकिनन् । राष्ट्रपति विद्यादेवी भण्डारीका सम्धिनी समेत रहेकी उनी आगामी ४ वर्ष काँग्रेस केन्द्रीय समिति बाहिर रहने भएकी छन् ।

चार जना महिलामा शेखर कोइराला प्यानलबाट उनको मात्र उम्मेदवारी परेपनि किरण पराजित भइन् । शेरबहादुर देउवा समूहकी मुक्ताकुमारी यादव ३ हजार ९ सय ६९ मत ल्याएर पहिलो स्थानमा निर्वाचित भएकी छन् ।यस्तै मिनाक्षी झा ३ हजार १२, मन्जुकुमारी यादव २ हजार ८ सय ८३ र नागिना यादव २ हजार ८ सय ४६ मत ल्याएर विजयी भएकी छन् ।