माओवादी केन्द्रको महाधिवेशनबाट आयो देशभरका एमाले र माओवादी कार्यकर्ता खुशि हुने खबर !

नेकपा माओवादी केन्द्रकोे ८ औँ राष्ट्रिय महाधिवेशन काठमाडौँमा जारी छ । महाधिवेशन जारी रहेकै बेला देशभरका एमाले र माओवादी केन्द्रका कार्यकर्ता खुशि हुने खालको खबर आएको छ ।

उद्घाटन सत्रमा एमाले अध्यक्ष केपी ओलीको प्रतिनिधीका रुपमा सहभागी हुन पुगेका एमाले महासचिव शंकर पोखरेल र नेकपा माओवादी केन्द्रका अध्यक्ष पुष्पकमल दहाल प्रचण्डको एउटा बिषयमा भने भाका मिलेको छ ।

कार्यक्रममा अतिथि वत्ताको रुपमा सम्बोधन गरेका एमाले महासचिव पोखरेलले धेरै सैद्धान्तिक र वैचारिक तर्क गरेका थिए । पोखरेलले दिएको मन्तव्यमा माओवादी केन्द्रका अध्यक्ष प्रचण्ड निकै खुशी देखिएका छन् । पोखरेलको मन्तव्यले आफु निकै खुशि भएको व्यहोरा उनले सुनाएका छन् ।

सम्बोधनका क्रममा पोखरेलले तत्कालिन समयमा माओवादी केन्द्र र एमाले एकता गरेर कुनै गल्ती नभएको बताएका थिए । लामो समय देखी यहि कुरा प्रचण्डले पनि भन्दै आएका थिए । पोखरेलले एक स्टेप अघि बढेर पार्टी एकता जोगाउँन नसकिएकोमा आफुलाई पछुतो लागेको समते बताए पछि प्रचण्डलाई खास चित्त बुझेको थियो ।

शंकर पोखरेलले बोलेको कुरा एकदम सहि कुरा भएको भन्दै प्रचण्डले एमालेले आफ्नो पार्टी भित्र गम्भिर बहस र छलफल गरेर आत्मसमिक्षा गरोस् भन्ने कामना गरेका छन् भने भने पोखरेलले पनि सच्चा क्रान्तिकारी कम्युनिष्टहरु विचमा फेरी एकता खोजिनु पर्नेमा जोड दिएका छन् ।

पोखरेलले कार्य नीति वा नेताको अन्तर कलहका आधारमा वामपन्थी पार्टीहरू विभाजित हुन नहुने बताएका छन्।उनले गत निर्वाचनमा बनाइएको वाम गठबन्धनलाई जनताले दिएको कार्यादेश बमोजिम नेकपा निर्माण भए पनि त्यसलाई बचाउन नसकिएकाले फेरि पनि एकताका लागि इमानदार प्रयास गर्नुपर्नेमा जोड दिए।

उनले नेकपाको एकता बचाउन नसक्नुमा पश्चाताप गर्दै वामपन्थी आन्दोलन लक्ष्यतिर उन्मुख हुनका लागि कार्यनीतिका विवादका कारण बेमेल र अन्तरकलहमा आधारित भएर नबहकिइकन जनताको अपेक्षा बमोजिम अघि बढ्न आवश्यक रहेको बताए।

‘राजनीतिक क्रान्ति र परिवर्तनपछि पनि जनताले खोजेको समृद्धि र विकास दिन किन सकेनौँ भन्नेबारेमा आत्म समीक्षा गर्नुपर्ने भएको छु, महासचिव पोखरेलले भने, ‘जनताका अधिकारका मामिलामा हामी दलहरू च्याम्पियन छौँ तर जनताका आकाङ्कक्षालाई पूरा गराउन हामीले कति सकेका छौँ भन्नेमा यस्ता महाधिवेशनमा घोत्लिएर समीक्षा गर्नुपर्छ । त्यसमा यो महाधिवेशन सफल हुन सकोस्।