राजेन्द्र लिङ्देनले गरे अर्को कमाल, फेरी भयो चौतर्फी प्रशंसा

राष्ट्रिय प्रजातन्त्र पार्टीका नवनिर्वाचित अध्यक्ष राजेन्द्र लिङ्देनले एक पछि अर्को तहल्का पिट्ने काम गर्न थालेका छन् । उनी निर्वाचित भएको छोटो समयमै जनताको ध्यान खिच्ने गरि काम गर्न थालेको छन् ।

कमल थापालाई हराउँदै राप्रपाको अध्यक्षमा उदाएका लिङ्देनले कुरा सानै भए पनि ठुलो सन्देश दिने गरि काम थालेका छन् । आफुले अहिलेनै खादा माला लगाउँने गरि कुनै ठूलो काम नगरेको भन्दै ठूला खादा र माला अस्विकार गर्दै आएका उनले देशभरीका राप्रपा कार्यकर्तालाई अहिले सर्कुलरनै जारी गरेका छन् ।

केही दिनअघि दाङमा आयोजित लुम्बिनी प्रदेशस्तरीय विस्तारित बैठकमा २५ केजीको फूलको माला अस्वीकार गरेका राप्रपा अध्यक्ष राजेन्द्र लिङ्देनले काठमाडौं आउनासाथ माला, खादा लगायतका तामझाम नगर्न ७७ जिल्लालाई निर्देशन दिएका छन्।

दाङको सभामा कार्यकर्ताले ठूलो माला लगाउन खोज्दा अध्यक्ष लिङ्देनले २५ किलोको माला लगाउने काम गरिसकेको छैन, देश र जनताका लागि धेरै काम गर्न बाँकी छ, त्यसपछि माला लगाउँला पहिले काम गरौं भनेका थिए।

पार्टीका अध्यक्ष, पदाधिकारी, केन्द्रीय सदस्य, प्रतिनिधिहरु जिल्लाको भ्रमणमा जाँदा वा स्थानीय तहका कार्यक्रममा माला, खादा, उपहार वा कुनै किसिमको तामझाम नगर्न, सादगी व्यवहार आचरण अपनाउन केन्द्रीय कार्यालयले मातहतका निकायलाई सर्कुलर गरेको राप्रपा नेता मोहन श्रेष्ठले जानकारी दिए।

केहि समय अघि नेपाली काग्रेसको महाधिवेशनमा गएर लिङ्देनले दिएको अभिव्यीक्ती पछि उनी थप चर्चामा आएका थिए । गाउँघरमा अहिले नेताहरु प्रति राम्रो व्यवाहार जनताले नगर्ने भन्दै उनले जनताले नेतालाई चोर भन्न थालेको कडा अभिव्यक्ति दिएका थिए । ओली र प्रचण्डले ठाउँको ठाँउ खण्डन गरे पनि जनस्तरबाट भने उनले व्यापक समर्थन पाए ।

पछिल्लो समय नेपालमा व्यापक पेचिलो बनेको एमसीसीका विरोधमा पनि लिङ्देन खडा भएका छन् । नेपाली जनतालाई विभाजित गराएर कुनै पनि विदेशी सहायता नेपाललाई नचाहिने भन्दै उनले अरब होइन खरब पैसा नेपालमै उठाउन सकिने तर्क गर्दै एमसीसी फिर्ता पठाउँनु पर्ने आवाज उठाएका छन् ।