अध्यक्षमा पराजित कमल थापाले मारे दोहोरो बाजि !

राष्ट्रिय प्रजातन्त्र पार्टीमा निवर्तमान अध्यक्ष कमल थापाको अर्को परिचय हो-टेनिस खेलाडी । राजनीतिका ‘चतुर’खेलाडी नेपालदेखि भारतसम्म हुने लङटेनिस प्रतियोगितामा सामेल हुन्छन् । पोखरामा जारी माछापुच्छ्रे ओपन भेट्रान्स टेनिस प्रतियोगितामा कमल थापाले दोहोरो जित निकालेका छन् ।

उनले ५५ वर्ष माथिको सिंगल र डबल्स दुवै इभेन्टमा जित हासिल गरेका हुन् । सोमबार भएको सिङ्गलतर्फको स्पर्धामा थापाले राजकुमार गुरुङमाथि ६–४, ६–० को सहज जित निकालेका हुन ।

सोही उमेर समूहको डवल्समा झ्याम्पा ढुण्डुपलाई जोडी बनाएका थापा जोडीले बिदुर विष्ट र काजी गुरुङको जोडीलाई ६–२, ६–१ को सोझो सेटमा पराजित गर्दै दोस्रो चरणमा स्थान बनाउन सफल भए ।

प्रतियोगिता अन्तर्गत अन्य खेलहरूमा मेन्स ओपनतर्फ नेपालका शीर्ष वरियता प्राप्त खेलाडी प्ररण खनालले प्राञ्जल कायस्थलाई ६–१, ६–२ ले, विष्णु नेपालीले गौरब प्रताप शाहलाई ६–१, ६–३ ले, नेहार जंगबहादुर थापाले प्रमोद बहादुर थापालाई ६–०, ६–० ले, मनोज महर्जनले निशान्त श्रेष्ठलाई ६–०, ६–० ले, अक्कि जुवेन रावतले सौगात विकलाई ६–०, ७–६ ले र गोविन्द नेपालीले विवेक मगरलाई ६–०, ६–२ ले पराजित गरे ।

त्यस्तै उमन्स सिंगलतर्फ सलोनी तामाङले रायना शाहलाई ६–४, ६–३ ले, शर्भानी श्रेष्ठले प्रकृती श्रेष्ठलाई ६–२ ६–० ले, भगवती विकले श्रेया भट्टराईलाई ६–३, ६–३ ले तथा गंगा शर्माले सुभांगी लक्ष्मी शाहलाई ६–१, ६–३ ले पराजित गरिन् ।

३५ वर्ष माथिको पुरुष एकलतर्फ सन्तोष खत्रीले कमल भण्डारीलाई ३–६, ६–३ र सुपरटाईमा १०–६ ले, दावा शेर्पाले विकास गुरुङलाई ६–०, ६–१ ले, सञ्जय कुमार श्रेष्ठले प्रकाशराज वाग्लेलाई ६–४, ६–१ ले, भिष्म गुरुङले सबर मियालाई ६–०, ६–० ले पराजित गरे ।

नविन श्रेष्ठले सोम मगरलाई ७–६, ६–२ ले, निरज थापाले मदन थापालाई ६–१, ६–१ ले, सिमान्त गुरुङले लक्ष्मण तामाङलाई ६–७, ६–३ र सुपरटाईमा १०–१ को जित निकालेका छन ।

४५ वर्ष माथिको एकलमा चन्द्र शाहीले सुकमान तामाङलाई ६–२, ६–० ले, धरमसिंह लामिछानेले यज्ञबहादुर भण्डारीलाई ६–३, ६–२ ले, उत्तम लामाले रोहित सुनुवारलाई ६–४, ६–३ ले, उत्तम बोगटीले सुक्र शेरचनलाई ६–१, ६–० ले, विनोद कायस्थले गोपीबहादुर भट्टराईलाई ६–३, ३–६ र सुपरटाईमा १०–७ ले, शिव सेढाईले मनोज श्रेष्ठलाई ६–१, ६–० ले तथा हुम आलेले विकास गुरुङलाई ३–६, ६–३ र सुपरटाईमा १०–७ ले तथा विमल गुरुङले शरण गुरुङलाई ६–१, ६–० ले पराजित गरेका छन् ।

३५ वर्ष माथिको डवल्समा कमल भण्डारी र यज्ञ भण्डारीको जोडीले प्रकास वाङगेल र इन्द्र गुरुङलाई ६–२, ६–२ ले, सिमान्त गुरुङ र भिष्म गुरुङको जोडीले निरज थापा र विकास गुरुङलाई ६–२, ७–५ ले, राजन पौडेल र नविन श्रेष्ठको जोडीले सुकमान तामाङ र दुर्गा केसीलाई ४–६, ६–४ र सुपरटाईमा १०–६ ले पराजित गरे ।

प्रतियोगिता अन्तर्गत ४५ वर्ष माथिको डवल्समा नविन चालिसे र बिरेन्द्र लामाको जोडीले पदम गुरुङ र राजकुमार घिमिरेको जोडीलाई प्रतिस्पर्धात्मक खेलमा ६–४, ५–७ र सुपरटाईमा १०–४ ले पराजित गरे । निरेश श्रेष्ठ र गोपालदास मानन्धरको जोडीले केवी थापा र अमृत कार्कीको जोडीलाई ६–४, ४–६ र सुपरटाईमा पराजित गरे । ५५ वर्ष माथिको डवल्समा मनोज राणा र राम रानाको जोडीले विष्णु गुरुङ र शान्ता श्रेष्ठको जोडीलाई सहज जित निकाल्न सफल भए ।