माओवादीको बन्दसत्रमा भाँडभैलो ,आपतकालिन स्थायी कमिटी बैठक जारी !

काठमाडाँैमा जारी नेकपा माओवादी केन्द्रको ८ औँ राष्ट्रिय महाधिवेशन अन्तर्गत जारी बन्दसत्रमा भाँडभैलो मच्चीएको छ । अप्रत्याशित रुपमा घटनाक्रम अघि बढे पछि अहिले प्रज्ञाभवन कमलादीमै आपतकालिन स्थायी कमिटी बैठक बसिरहेको छ ।

अध्यक्ष पुष्पकमल दाहाल प्रचण्डको प्रतिवेदनमाथि सुझाव दिने क्रममा बुधबार प्रदेश २ बाट बन्द सत्रका अध्यक्ष मण्डल गिरिराजमणि पोखरेललाई अपराधी भनिएबारे छानबिन गर्न माग भएपछि स्थायी समितिको आपतकालीन बैठक बसेको हो।

आफूलाई एकजना महाधिवेशन प्रतिनिधिले अपराधी भनेपछि पोखरेल बिहीबारको बन्दसत्रमा उपस्थित भएका छैनन्। बुधबार प्रदेश २ को समूहबाट नेता सत्यनारायण भगतले प्रचण्डको प्रतिवेदनमाथि सुझाव दिने क्रममा आक्रोशित हुँदै गिरिराजमणिलाई अपराधीको संज्ञा दिएका थिए। ​

अपराधी भन्ने नेताबारे पार्टीले धारणा सार्वजनिक गर्न केही प्रतिनिधिले माग गरेपछि स्थायी समितिमै छलफल गर्न लागिएको एक नेताले बताए। गिरीराजमणी माथी प्रचण्ड निकटका महाधिवेशन प्रतिनिधीले गम्भिर आरोप लगाए पछि नारायणकाजी श्रेष्ठ पनि फायर भएको बताइएको छ । उनी पनि ढिलो गरि मात्रै बन्दसत्र स्थलमा पुगेको बताइएको छ ।

प्रदेश नम्बर दुई का टोली नेता सत्यनारायण भगतले आफ्नो निष्कर्ष सुनाउने क्रममा उठाएको विषयमा छलफल गर्न बैठक बसिरहेको हो । गिरीराजमाणी पोखरेललाई अपराधी भन्दै कारबाही गर्नुे बन्दसत्रमा उठेपछि हंगामानै मच्चीएको बताइएको छ ।

भगतले नारायणकाजी समेतको सहयोगमा गिरीराजमणि र उनी निकटकाले धनुषामा सहिद रामवृक्ष यादवको शालिक हटाएर निर्मल लामाको शालिक राख्ने तयारी गरेको आरोप लगाएका थिए । यो विषय पार्टीले छानबिन गरेर गिरिराजमणिलगायतलाई कारबाही गर्नुपर्ने धारणा हलमा राखेका थिए । तर गिरिराजमणि पोखरेल समूहले भने शालिक आफूहरुले नहटाएको दावी गर्दै आएको छ ।