पुष्पकमलको छैठौँ नाम ‘प्रचण्ड’, यस्ता थिए पहिलेका उनका पाँच वटा नाम !

नेकपा माओवादी केन्द्रका अध्यक्ष पुष्पकमल दहाल प्रचण्ड सो पार्टीको ८ औँ राष्ट्रिय महाधिवेशनबाट अर्को कार्यकालका लागी सर्वसम्मत अध्यक्ष चुनिएका छन् । ३५ बर्ष देखी पार्टीको मूल नेतृत्वमा रहेका उनी ४० औँ बर्षका लागी अनुमोदित भएका छन् ।

बर्षौ देखी नेपाली राजनितीको केन्द्र भागमा रहेर चर्चामा रहँदै आएका प्रचण्ड राजनितीलाई सम्भावनाको खेल भन्छन् र जुनसुकै बेला जता सुकै पनी पल्टीन सक्ने उनको खुबीका कारण बेलाबखत नेपाली राजनितीको डाइनामिक्स नै परिर्वन भइरहेको हुन्छ ।

आफुलाई गतिशिल नेता भन्ने प्रचण्ड गठबन्धन फेर्न र आफ्ना निर्णयहरु फेर्न त सिपालु छन् आफ्नो नाम फेर्न पनि उनी यत्तीनै सिपालु रहेछन् । अहिले प्रचण्ड नामले चर्चित यि पात्रको यो नाम छैठौँ नाम भएको खुलेको छ । उनले यस अघि अरु पाँच ओटा नाम राखीसकेको र प्रचण्डमा पुगेर यो नाममा टिकिरहेको पाइएको छ ।

प्रचण्डले आफ्नो नाम मात्रै छ पटक परिवर्तन गरिसकेका छन्।प्रचण्डले राजनीतिक आदर्श मान्ने गरेका स्टालिनले पनि तीन पटक नाम परिवर्तन गरेका थिए। स्टालिन नाम राख्नुअघि उनको नाम कोबा थियो भने वास्तविक नाम जोसेफ भिसारिओनोभिच जुगासभिली हो।

उनका अर्का आदर्शपुरुष लेनिनको वास्तविक नाम पनि भ्लादिमिर उलियानभ हो।तर नाम फेर्ने विषयमा प्रचण्डले ती चर्चित नेताहरूलाई पनि पछि पारेको कम्युनिष्ट नेताहरू बताउँछन्।
नारायणी विद्या मन्दिर चितवनमा कक्षा १० मा पढ्दै गर्दा छविलाल दाहालबाट नाम फेरेर पुष्पकमल दाहाल राखेका प्रचण्डले भूमिगत कालमा आफ्नो नाम पटकपटक परिवर्तन गरे।

पञ्चायतविरोधी आन्दोलनमा २०३८ सालमै भूमिगत भएका प्रचण्ड एकैपटक २०६३ साल असार २ गते बालुवाटारमा सार्वजनिक भए। उनी ४६ सालको जनआन्दोलन र ४७ सालमा भएको कट्टर वामपन्थी दलहरूको एकतामा पनि सार्वजनिक भएनन्।

उनी २०४६ सालपछि केही वर्ष अर्ध भूमिगत रहेर जनयुद्ध सुरु भएपछि मात्रै भूमिगत भएका थिए।यसबीचमा उनले कल्याण, विश्वास, निर्माण र प्रचण्ड नाम राखे। त्यसअघि नै उनी छविलालबाट पुष्पकमल बनिसकेका थिए।

शिक्षक हुँदा योङ कम्युनिस्ट लीग भनिने वाम सङ्गठनमा आबद्ध भएका कारण आफ्नो परिचय नखुलोस् भनेर आफ्नो नाम कल्याण राखे। मसालको केन्द्रीय सदस्य हुँदा उनको नाम विश्वास थियो। वाम एकतापछि पार्टी निर्माणका लागि उनले निर्माण नाम राखेको माओवादीका पुराना नेता नारायण शर्मा बताउँछन्।

एकतापछि पार्टी निर्माणको दौरानमा निर्माण नाम राख्नुभयो। पछि हामी क्रान्तिमा युद्धमा जाने कुरा थियो, निर्माण शान्तिवादी जस्तो नाम भयो, उनले भने।रूप र सारको बीचमा मेल हुनुपर्छ भनेजस्तै क्रान्तिकारी नेताको नाम पनि क्रान्तिकारी हुनुपर्छ भनेर प्रचण्ड राख्नुभएको होला।