मैले एमाले छोड्न लागेँ भनेर हल्ला हुनु स्वाभाविक हो :भिम रावल

नेकपा एमालेको दशौँ राष्ट्रिय महाधिवेशनमा केपी ओलीसँग अध्यक्षमा पराजित भएका भिम रावलले नेकपा एमाले भित्र भइरहेको हरेक गतिविधीलाई बाहिर बसेर सुक्ष्म रुपमा निँयालीरहेको बताएका छन् ।

अहिले आफ्नो हैसियत पार्टीको संगठित सदस्य मात्रै रहेको पनि रावलले बताएका छन् । अछामबाट जनताले जिताएर पठाएको पद सांसद कायम रहे पनि पार्टी भित्र भने आफु कुनै पनि जिम्मेवारीमा नरहेको उनले बताएका छन् । एमालेले गरेका कामलाई भने आफुले बढो नजिकबाट हेरिरहेको रावलले बताएका छन् ।

भिम रावलले एमाले छोड्न लागेको भनेर हल्ला चल्ने गरेको भन्दै रावलले त्यस्तो हल्ला चल्नु स्वाभाविक भएको बताएका छन् । भिम रावलले एमाले छोड्न सक्छ भनेर विश्ल्लेषण गरिएको कुरालाई अनौठो मान्न नहुने उनले बताएका छन् ।

बाहिर हल्ला चले पनि अहिले सम्म आफुले त्यसरी सोचिनसकेको रावलले बताएका छन् । भविश्यमा के हुन्छ भन्ने कुरा भने अहिलेनै भन्न नसक्ने उनले बताएका छन् । पार्टी छोड्न लागेको भन्ने कुरालाई स्वाभाविक रुपमा लिएका रावलले अर्को पार्टीमा जाने कुरा अहिले नसोचको भए पनि भविश्यले तय गर्ने बताउँनुलाई अर्थपुर्ण रुपमा हेरिएको छ ।

एमालेको दशौँ महाधिवेशनमा अध्यक्षमा प्रतिष्पर्धा गरेर पराजित भए पछि अध्यक्ष ओली सँग आफ्नो अहिले सम्म कहिँ केहि कुरा नभएको रावलले बताएका छन् । महाधिवेशनको दौरानमा पनि केहि कुरा नभएको , सपथ ग्रहणका बेला मंचमा ओली सँग थोरै कुरा भएको त्यस पछि आज सम्म केहि कुरा नभएको उनले भनेका छन् ।

भीम रावलले एमाले छोड्न लागे भनेर चर्चा भइरहेको छ। तपाईं एमाले छोड्ने सोचमा हो ?भन्ने प्रश्नमा रावलले भनेका छन् राजनीतिमा धेरै क्रियाशील रहेको र रहिरहने प्रकृतिको व्यक्ति भएकाले पार्टीको कुनै जिम्मेवार निकायमा नहुँदा मान्छेले त्यो अनुमान गर्नु स्वाभाविक हो। तर, मैले अहिले त्यो अनुमान गरिए जस्तो केही पनि गरिहालेको छैन।

आउँदा दिनमा गर्ने तयारी हो त ?भन्दा उनले जवाफ दिएका छन् अहिले नै अनुमान गर्दा गलत हुन्छ। विगतमा नेकपाको नेतृत्वमा झण्डै दुई तिहाइ बहुमतको सरकार थियो। जसमा एमाले र माओवादी केन्द्र मिलेर बस्ने भन्ने सङ्कल्प र घोषणा थियो। त्यति वेला ‘तीन वर्षपछि त्यो रहनेछैन’ भनेर कसैले अनुमान गरेको थिएन। राजनीतिमा भविष्यको अनुमान गरिहाले पनि त्यो मिल्दैन।