कमल थापाका पनि डोनर बतास ! उपहारमा महंगो कार देखी अफीस सम्म झ्वाम् पारेको खुलासा !

राप्रपाका पूर्व अध्यक्ष कमल थापाले चौतर्फी आलोचना भइरहेका पात्र आनन्द बतासको समर्थनका एकाएक मैदानमा निस्कीए पछि यसको कारण खोजी हुन थालेको छ ।

राजनितीक दलका नेताहरुले भएको सम्बन्ध पनि लुकाउँने र आनन्द सँग चिनेको जस्तो नगरिरहेका बेला कमल थापा भने निकै फूलबुट्टा भरेर राम्रा शब्दहरु सहित आनन्द बतासको समर्थनमा उत्रिएका छन् । यसको चुरो बल्ल खुल्न थालेको छ ।

सरकार ,प्रशासक सबैतिर लाइन मिलाउँन सिपालु बतासले कमल थापा सँग पनि लामै समय देखी दोस्ती जमाइरहेको पाइएको छ । थापाका भइपरिआउँदाका खर्चको स्रोत व्यवस्थापनको एउटा हिस्सा बतास पनि भएको चर्चा चलेको छ ।

कमल थापा पाखेरा जाँदा बतासकै होटलमा बस्ने गरेको पाइएको छ । अप्ठेरोमा रकम सहयोग लिने देखी जिन्सी सहयोग पनि बतास बाट थापाले राम्रै सँग उपभोग गरेको बताइन्छ । आफ्ना दातालाई गारो अप्ठेरो परेका बेला गुन तिर्न थापाले स्टाटस लेखेर बतासको गुनगान गाएको चर्चा छ ।

आनन्दराज बतासविरुद्ध अहिले चौतर्फी आक्रमण भइरहेको भन्दै आइतबार बिहान ७ः३४ बजे थापाले सामाजिक सञ्जाल फेसबुकमा लेखेका छन्, ‘आनन्दराज बतासविरुद्ध अहिले चौतर्फी हमला भइरहेको छ । भित्री रहस्य थाहा छैन । मैले चिनेको आनन्दराज बतास सामान्य अवस्थाबाट संघर्ष गर्दै सफलतातर्फ अग्रसर एक उद्यमी र आध्यात्मिक विचार भएको मिलनसार व्यक्ति हुन् । उनीबाट कानुन उल्लंघन भएको छ भने कानुनी कारबाही गरिनुपर्छ । चरित्रहत्या गरिनु ठिक होइन ।’

सत्ता र राजनीतिक संरक्षणको सिँढीमा नारायणहिटी दरबार संग्रहालयमा कफीसप खोल्नेदेखि थुप्रै विवादास्पद ठेक्का हात पारेका बतासबारे समाचार प्रकाशित भइरहेका बेला थापाले सार्वजनिक धारणाले धेरैको ध्यान तानेको छ । आखीर किन थापाले बतासको पक्ष लिए त !

बतासबाट कानुन उल्लंघन भएको कारबाही गरिनुपर्ने तर चरित्रहत्या गरिनु ठिक नभएको थापाले भनाइ छ । तर, थापाले आफूले पहिलेदेखि नै चिनेको बताएका छन् । राप्रपाका एक नेताका अनुसार थापा र बतासबीच हार्दिक सम्बन्ध छ । बतासले थापालाई आर्थिक सहयोगदेखि गाडीसमेत किनिदिएको राप्रपा स्रोतको भनाइ छ । जसकारण अहिलेसम्म कुनै पनि दलका नेता नबोल्दा बतासको बचाउमा थापा उत्रिएका हुन् ।

गत मंसिरमा सम्पन्न राप्रपाको महाधिवेशनमा समेत थापालाई बतासले आर्थिक सहयोग गरेको थियो । पशुपति क्षेत्रमा बतास समूहले बनाएको भवनमा थापाले सम्पर्क कार्यालय खोलेका थिए । भृकुटीमण्डपमा महाधिवेशन गरिने भएपछि पशुपति आउजाउमा सवारी जामसहितका समस्या हुने भएपछि थापाले आफ्नो सम्पर्क कार्यालय याक एन्ड यती होटेलमा बनाएका थिए । यसमा पनि बतास समूहले थापालाई आर्थिक सहयोग गरेको राप्रपाका एक नेताले बताए ।

तर, बतास समूहको सहयोगबारे पूर्वअध्यक्ष थापाले केही खुलाएका छैनन् । खुलाउने कुरा पनि भएन । तर, उनले बतासलाई सामान्य अवस्थाबाट संघर्ष गर्दादेखि नै चिनेको बताएका छन् ।