बावुरामले यस्तो कार्ड खेले पछि उपेन्द्रले चाहेर पनी रेणुको मन्त्री पद बचाउँन नसक्ने !

हिंसात्मक अभिव्यक्ति दिएर विवादमा परेकी भौतिक पूर्वाधार तथा यातायात मन्त्री रेणु यादवलाई पदमुक्त चौतर्फी दबाव बढिरहेको छ ।

यादवले राजिनामा नदिए बर्खास्त गर्न प्रधानमन्त्री शेरबहादुर देउवालाई नेपाली काग्रेसकै नेता कार्यकर्ता देखी प्रमुख प्रतिपक्षी दल नेकपा एमालेका नेता कार्यकर्ताहरुले समेत दबाव दिइरहेका छन् । नागरिक समाजले पनि दबाव बढाएको छ । यसै विच यादवलाई मन्त्री बाट हटाउँन उनकै पार्टी जनता समाजवादी पार्टी जसपामा पनि कुरा उठेको छ ।

जसपामा उपेन्द्र यादव र बावुराम भट्टराई पक्ष विच चलिरहेको अन्तरद्धन्द्धमा रेणु यादवको विषय मसला बनेको छ । उपेन्द्र यादव पक्षले यादवलाई मन्त्री बाट हटाउँन कुनै जरुरी नभएको बताएको छ भने बावुराम भट्टराई पक्षले उनलाई कुनै पनि हालतमा हटाउँनै पर्छ भन्दै बिषय चर्काएको छ ।

रेणु यादवलाई पदमुक्त गर्न सत्तारुढ जनता समाजवादी पार्टीभित्र अध्यक्ष उपेन्द्र यादवमाथि दबाब बढेको छ ।वरिष्ठ नेता डा। बाबुराम भट्टराई पक्षधर नेताहरुले रेणु यादवको अभिव्यक्ति आपत्तिजनक रहेको भन्दै पार्टीले उनको बचाउ गर्न नसक्ने बताएका छन् ।

अर्को गौर नरसंहार मच्चाउने भनी दिएको अभिव्यक्तिले जसपाभित्र अध्यक्ष यादव दबाबमा छन् । यद्यपी उनले पार्टीका केही नेताहरुले सोध्दा अहिलेसम्म मन्त्री यादवलाई कारवाही गर्नेबारे कुनै छलफल नभएको जवाफ दिएका छन् ।

पार्टीभित्र अन्तरविरोध चुलिएका बेला रेणुको विवादस्पद र आपत्तिजनक अभिव्यक्तिले यादव थप अप्ठेरोमा छन् । जसपा नेता डा।भट्टरँईले त्रासदीपूर्ण गौर नरसंहारको आदर्शीकरण नगर्न ट्वीटरमार्फत आग्रह गरेका छन् ।

उनले रेणु यादवको नाम नलिई उनको अभिव्यक्तिसँग जसपालाई कतै नजोड्न आग्रह गरेका छन् । रेणुले गौर नरसंहारलाई गौरवका रुपमा व्याख्या गर्दै फेरि त्यस्तै घटना गराउने अभिव्यक्ति दिएकी थिइन् ।

गौरको राइस मिलमा २०६३ चैतमा भएको नरसंहारमा हालको जसपा तत्कालीन मधेशी जनअधिकार फोरमले २७ जना माओवादी कार्यकर्ताको हत्या गरेको थियो । महिलालाई मार्नुअघि बलात्कार गरिएको थियो ।जसपाकै कार्यकारिणी सदस्य नवराज सुवेदी र गंगानारायण श्रेष्ठले रेण यादवलाई मन्त्रीबाट पदमुक्त गर्न अध्यक्ष यादवलाई सुझाव दिएका छन् ।

श्रेष्ठले भनेका छन्– जिम्मेवार पदमा बसेर गैरजिम्मेवार अभिव्यक्ति दिनु जो कसैका लागि पनि शोभनीय हुँदैन ।त्यस्तै जसपा नेता नवराज सुवेदीले विवादस्पद अभिव्यक्तिबारे मन्त्री यादवले नै थप स्पष्ट पार्नु पर्ने भन्दै अन्यथा यसबाट पार्टीलाई क्षति पुग्ने बताएका छन् ।

सुवेदीले भनेका छन्– जसपा,नेपाल ब्यक्तिहत्या ,धम्कि आदिमा विस्वास गर्दैन त्यो तरिकालाई खारेज गर्छ । मा। रेणु यादवले माघ ५ गते रौतहटमा के बोल्नुभो र किन त्यो विवादास्पद बिषय बन्योरुवहाँ आफैले त्यो बिषय थप स्पष्ट गर्नु आबस्यक छ अिन्यथा त्यसले पार्टीलाई क्षति पुग्ने छ ।