अती गरे खती हुन्छ भन्दै धनराज गुरुङले दिए चेतावनी !

नेपाली काग्रेसका उपसभापती धनराज गुरुङले हिंसात्मक अभिव्यक्ति दिने भौतिक पूर्वाधार तथा यातायात मन्त्री रेणु कुमारी यादवलाई अहिले सम्म कारबाही नभएकोमा आपत्ती प्रकट गरेका छन् ।

मन्त्री जस्तो पदमा बसेको मान्छेले दिएको आपत्तीजनक अभिव्यक्तिका उपर अहिले सम्म कुनै कारबाही नहुन आश्चर्यको कुरा भएको भन्दै उपसभापती गुरुङले अती गरे खती हुने चेतावी दिएका छन् । प्रधानमन्त्रीले बर्खास्ती गर्नु पर्ने संकेत पनि उनले गरेका छन् ।

अहिले सम्म प्रधानमन्त्रीले बर्खास्ती नगर्नु यस्तो अभिव्यक्ति दिने मन्त्री स्वयंले पनि कुनै माफी नमाग्नु यो त अतीनै भएको गुरुङले भनेका छन् । पछिल्लो समय मन्त्री यादवलाई पदमुक्त गर्न नेपाली काग्रेसका जिम्मेवार नेताहरुले प्रधानमन्त्री शेरबहादुर देउवा माथी दबाव बढाइरहेका छन् ।

‘मन्त्री जस्तो जिम्मेवार पदमा बसेर हिंसा भड्काउने गैरजिम्मेवार अभिव्यक्ति दिएको यतिका दिनसम्म पनि न मन्त्री स्वयंले सार्वजनिक रुपमा माफी मागेको सुनियो, न सम्बन्धित दलले कारबाही गरेको सुनियो, न त प्रधानमन्त्रीले बर्खास्त गरेको सुनियो १ अति गरे खती हुन्छ भन्छन् है,’ ट्वीटरमा उनले लेखेका छन् ।

मन्त्री यादवले रौतहटको गौरमा आयोजित राजनीतिक कार्यक्रमलाई सम्बोधन गर्ने क्रममा व्यक्ति हत्या र सामाजिक हिंसा फैलाउने अभिव्यक्ति दिएकी थिइन् । उनी माथी कारबाहीका लागी चौतर्फी दबाव बढिरहेको छ ।

काग्रेस उपसभापती गुरुङले टुइटमा लेखेका छन्मन्त्री जस्तो जिम्मेवार पदमा बसेर हिंसा भड्काउने गैरजिम्मेवार अभिव्यक्ति दिएको यतिका दिनसम्म पनि न मन्त्री स्वयमले सार्वजनिक रुपमा माफी मागेको सुनियो, न सम्बन्धित दलले कारबाही गरेको सुनियो, न त प्रधानमन्त्रीले बर्खास्त गरेको सुनियोअति गरे खती हुन्छ भन्छन् है’