राजसंस्था र हिन्दू राष्ट्र हटाउ भने पछि राजेन्द्र लिङदेनले दिए यस्तो जवाफ !

राजावादी पार्टी राप्रपालाई उसको विद्यानबाट राजसंस्था र हिन्दु राष्ट्र हटाउँन निर्वाचन आयोगले गरेको पत्राचारले ठूलो हल्लाखल्ला मच्चीएको छ । राप्रपाका अध्यक्ष राजेन्द्र लिङदेनलेले यस बिषयमा मुख खोलेका छन् ।

निर्वाचन आयोगले पठाएको पत्रको बिषयमा राप्रपाका पूर्व अध्यक्ष कमल थापाले आपत्ती जनाउँदै आफ्नो अभिमत प्रकट गरेका छन् भने अध्यक्ष लिङदेनले पनि निर्वाचन आयोगको यस्तो खेल कुनै पनि हालतमा स्विकार नगर्ने प्रतिक्रिया दिएका छन् ।

राप्रपाको मूल विचारनै राजसंस्था र हिन्दुराष्ट्र भएको भन्दै लिङदेनलेले निर्वाचन आयोग या कसैले भन्दैमा राप्रपा आफ्नोे मूल विचार बाट बाहिर नजाने प्रष्ट पारेका छन् । राप्रपाले यसको डटेर सामना गर्ने पनि लिङदेनलेले भनेका छन् ।

आयोगले गत २ माघमा राप्रपालाई पत्राचार गर्दै एक हप्ताभित्र विधान संसोधन गरेर पठाउन भनेको छ । यस विषयमा आज पार्टीमा छलफल गरेर आयोगलाई जवाफ दिइने अध्यक्ष लिङ्देनले बताए । लिङदेनलेले भनेका ‘म उपत्यकाबाहिर थिएँ, हिजो आइपुगेँ । आजै पदाधिकारी वैठक बसेर यसको टुंगो लगाउँछौं ।’

आयोगले संविधानको मर्म र भावना विपरित पूर्वाग्रही ढंगले आयोगलाई पत्र पठाएको भन्दै उनले दुख व्यक्त गरे । नेपालको संविधानले गणतन्त्र र धर्मपनिरपेक्षतालाई अपरिवर्तनीय नमानेको लिङदेनले आयोगलाई स्मरण गराए ।

उनले भने, ‘राष्ट्रिय सार्वभौमिकता विपरितका र हिंसात्मक राजनीतिबाट सत्ता प्राप्त गर्ने एजेन्डाबाहेक सबै विषयवस्तु संविधानले खुल्ला राखेको छ । दुईतिहाई बहुमतले संसदबाटै राजसंस्था र हिन्दू राष्ट्र फर्काउन सकिन्छ । हामी यही एजेन्डालाई लिएर राजनीति गरिरहेका छौं, चुनाव लडिरहेका छौं । हाम्रो विधान कसरी संविधानविपरित भयो रु’

विधान संसोधन गर्न दबाब दिएर आयोगले राप्रपामाथि पूर्वाग्रही र ज्यादतीपूर्ण व्यवहार गरेको लिङदेनले बताए ।

उनले थपे, ‘हामीले झण्डामा गाई राख्नु संविधानविपरित हुन्छ भने अर्को पार्टीले सुर्य राख्नु संविधानविपरित हुन्छ कि हुँदैन रु हाम्रो विधान योभन्दा अगाडि कसरी संविधानअनुकुल भयो र अहिले कसरी संविधानविपरित भयो भन्ने जवाफ हामी खोज्छौं ।’

राप्रपाले विधान सच्याउने प्रश्नै नआउने बताउँदै उनले भने, ‘विगतमा पनि यस्तै प्रकारले पत्र पठाउँदै आएको थियो । तर, हामीले सच्याएका थिएनौं । अहिले पनि सच्याउने कुनै आउँदैन ।’

आयोगको दिएको हदम्यादको पनि कुनै तुक नभएको लिङदेनले बताए । उनले भने, ‘यस्तो हदम्यादले केही अर्थ राख्दैन । तर, पनि हामी आज वैठक बसेर आयोगलाई जवाफ पठाउने छौं ।