अग्नी सापकोटालाई हटाउँने चर्चा चलेकै बेला ओलीले यस्तो अभिव्यक्ति दिए पछि राजनिती तरंगित !

प्रतिनिधीसभाका सभामुख अग्नी सापकोटालाई पदबाट हटाउँन कसरत भइरहेको चर्चा व्यापक रुपले चलिरहेका बेला प्रमुख प्रतिपक्षी दल नेकपा एमालेका अध्यक्ष केपी शर्मा ओलीले अर्थपुर्ण अभिव्यक्ति दिएका छन् ।

लामो समय देखी सभामुख अग्नी सापकोटा विरुद्ध आक्रामक अभिव्यक्ति दिँदै आएका एमाले अध्यक्ष ओलीले त्यो क्रमलाई फेरी पनि निरन्तरता दिँदै सापकोटाले आफ्नो अधिकारको अनधिकृत प्रयोग गर्दै बुलिङ गरको आरोप लगाएका छन् ।

सभामुख सापकोटाले एमसीसी संसदमा टेबुल नगरेको भन्दै आक्रोसित भएका ओलीले त्यसरी रोकेर राख्ने अधिकार सभामुख सँग नभएको जिकिर गरेका छन् । सरकारले ल्याएको बिजनेसकलाई रोकेर राख्ने अधिकार सभामुखको नभएको भन्दै उनले गलत गरिराखेको टिप्पणी ओलीले गरेका छन् ।

ओलीले एमसीसीका बिषयमा अनावश्यक हल्ला चलाएर गठबन्धन दलले अन्यौलको अवस्था सिर्जना गर्न खोजेको आरोप लगाएका छन् । बुधबार भक्तपुरमा बसेको एमाले सचिवालय बैठकलाई सम्बोधन गर्दै अध्यक्ष ओलीले सरकारको साझा न्यूनतम कार्यक्रममा नै नरहेको एमसीसीका बिषयमा अनावश्यक हल्ला चलाएर गठबन्धन दलले अन्यौलको अवस्था सिर्जना गर्न खोजेको आरोप लगाएका हुन् ।

एमसीसी कसले पास गर्न मान्यो वा मानेन भनेर नक्कली हल्ला चलाएको उजको भनाइ छ । एमसीसी पास गर्न एमाले तयार रहेको भन्ने खालका प्रचार प्रति लक्षित गर्दै ओलीले त्यसका कुनै सत्यता नभएको बताएका छन् ।

त्यस्तै अध्यक्ष ओलीले एमसीसीको सरकारले लगेको प्रस्ताव रोकेर सभामुखले बुलिङ गर्न खोजेको तर्क पनि गरे । उनले सरकारले लगेको प्रस्ताव सभामुखले रोक्न नमिल्ने भन्दै सभामुखले अनाधिकृत ढंगले हैसियत भन्दा परको काम गर्न खोजेको धारणा पनि राखे । प्रस्ताव लगेपछि निर्णय गर्ने अधिकार संसद्को भएको भन्दै उनले सरकारले गरेको सम्झौतालाई सभामुखले रोक्न नमिल्ने बताए ।

त्यस्तै सम्बोधनका क्रममा अध्यक्ष ओलीले संविधान कानुन र आवश्यकताअनुसार निर्वाचन गर्न ध्यानकर्षण गराएपनि सरकारले नसुनेको जिकिर गरे । उनले संविधानको कार्यान्वयका लागि निर्वाचन आयोगले सिफारिस गरेको मितिमा स्थानीय निर्वाचन गर्नैपर्ने धारणा राखे । निर्वाचन सरकारको स्वेच्छाको विषय हुन नसक्ने उहाको भनाइ छ ।

ओलीले २४ लाख खोप हराउनु सानो कुरा नभएको भन्दै सरकार जनताको स्वास्थ्यसंग गैरजिम्मेवार ढंगले प्रस्तुत भएको बताए ।त्यस्तै अध्यक्ष ओलीले वर्तमान सरकार आएपनि मुलुकको अर्थतन्त्र धरासयी भएको र पूर्वाधार निर्माणको काम ठप्प भएको बताए ।